PILEMON 1:16 - PERJANJIAN BARU NALCA YUBA

¹⁶ Wenyek dara alda ek wa wenya dangoka unaʾ ok unggululabok, alda perob wa wenya be hnon ulumla. Alda wera hnonda Imik Neyung yuba dolomabaʾ wanaʾ ulumabnya bek hnon ulumla. Alda wenera nak dara, nadya wanaʾ hemnya ulunelekanya, dara onoʾ anak dara nauba so wanaʾ ulunggel! Anasa alda wera nunjaʾ oruknaʾ wa wen danaba perobaʾ ak ulumlakanya, onoʾ hyak nauba ara Wenelesilnya bedya wa wenaʾ anaba hyak perobnya bek ulumla!

PILEMON 1:16 ပူးပေါင်းရင်းမြစ်များ

MATIUS 23:8

”Anasa ugunuk dara, ugunjaʾ neksinya bera hnonok ok ulusilekanya, ugunda nidyaʾ hiboka, hemyab ok ululumaʾ anasa, neksin nang aldanaʾ ara mem.

RASUL 9:17

Dara Ananias bera, Yudas bedya ek biniboka, Saulus bek soruka diyiwoka umok. Ananias bedya Saulus bek lebokaʾ ara, ”Hem Saulus o, ampum pikik yalamom danyek eiyimomnya Wenelesilnya Yesus bedya, nara anyagan yanamna adya anda merewoka, Imik Neyung Geisinya adya deknewanenggel anasa, wenyaboka alak bilom amla anasa yeilimna,” hyok.

1 KORINTUS 7:22

Nimi ben hnon, oruknanya bek bok, Wenelesilnya bedya youbomok bok dara, wenera alda Wenelesilnya bedya gloʾanya dangalamla. Bok, youbomok sum enyek, gloʾanya ulumok bok dara, alda Kristus adya wa wenya dangalamla.

KOLOSE 3:22

Wei, wa arawoka wenaʾ nang o, ugunja sokok an neyung yab edya yok-yok yuba nidyaʾ pe keboka unulululum. Sik hogung ak ganya pel dilinun senewoka nenyek ok ununggom, alda Imik Neyung ak lok ganya boboka, ganya goulubmouboka pe unulululum.

1 TIMOTIUS 6:2

Neikaʾ uboka arawoka wa welemaknya bera, alda neik yuba donaʾanya bek dara, nunda neik Imik Neyung mab ulumab senewoka, or malye dolbalek neikaʾ anyaʾ senewoka mek so gibnenggunuseng. Sikja arawoka welemaknya bera, alda neikaʾ hiboka wanaʾ ulusilnya anasa, wera nun moumen benyek perob dangalalul senewoka nauba arawanaseng, wenyaboka anja nauba nekoka wenelemnesilim.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.