MATIUS 9:8 - PERJANJIAN BARU NALCA YUBA

⁸ Wera Imik Neyung adyaʾ senenggom migib era, nim ek seleb elegosukaʾ anasa leboka, nimi nidyaʾ ban unumokaʾ anyek eibek nim edya dara, ganya lok uboka Imik Neyung ak gigilemek.

MATIUS 9:8 ပူးပေါင်းရင်းမြစ်များ

MATIUS 12:23

Nimi nidyaʾ eiyimek nim era, ganya loka daboka, ”Ban benera Daud nang yilaʾ an goma?” aboka lelemek.

MATIUS 15:31

Nimi nauba dem nim anyagan ulumek nim era, anyek eiyiboka hyak nauba loka dasuk. Dara, yuba gom nim era yuba saro yabalamek, koma bulumek nim era mereboka yabalamek, nonga heilisuk nim era pe yan ingi yabalamek, henga luma ulusuk nim era pe henga gwelegoka eillilemek. Nimi nidyaʾ ara anyek eiyiboka, Israeli nim era Imik Neyung bek giblemek.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

MATIUS 9:7

Dara nonga heimokaʾ anyek hweboknya bera, alda sekoka alja ek sam byuk.

MARKUS 2:12

Wera Yesus adya hweboknya bera, nimi nauba kemelemekaʾ hnoum, esonaʾ doboka bobookanya byuk. Dara, nimi nauba ara anyek eiyiboka lok ganya boboka Imik Neyung ak giblemek. Anya sikja dara, ”Nunda senenggom damok era anasoʾ ara hnon mekaʾ eibnenggumouba!” aboka lelemek.

MARKUS 7:37

Anya nimi nidyaʾ unuwal an yuba kebek dara, sikda ganya nauba lokja senewek. Anya, lelemekja, ”Nidyaʾ alja unululanya nera, perob ok dangalamla! O ounugunanya beneba, yuba kenya dangallilimla, yuba gom dangananya beneba, yuba sanya dangallilimla,” alamek.

LUKAS 13:13

Dara Yesus adya gel genyek soruka dibok dara, wene salek enyek, gel gera jongaʾ sekoka, Imik Neyung ak giblemok.

LUKAS 17:15

Dara nimi ben hnonjok, alda seleb merewan senewoka ella ubdok dara, bera saaboka Imik Neyung nauba gibgiga Yesus ak nekel yeilimok.

LUKAS 17:18

Hekasa ban sekel yangganya benyek ok, lo saaboka nak perob aboka gibel yanel do?” hyok.

LUKAS 18:43

Al wene salek enyek, bera seleb heng gwelegoka eibuk dara, alda Yesus ak diriga biniboka Imik Neyung ak hwebnelemaʾ perob aboka, giblemok. Nimi nidyaʾ ban unumokaʾ anyek eibek dara, sikda lok ganya boboka Imik Neyung ak perob aboka nauba giblemek.

LUKAS 2:20

Dara pam beilinaʾ nang era, o keboka, heng eibekaʾ nidyaʾ ara, lero adya sikenek lesuk sok, dib beknaʾ nong anasa, perob aboka giboka, bera seboka Imik Neyung gigibgiga, sik ulumekaʾ ak sam saaboka byik.

LUKAS 23:47

Anyagan yin bonaʾ dubnya bera ban nidyaʾ unuwokaʾ anyek, okoka eibuukanya, alda Imik Neyung ak perob aboka giboka lebokja, ”Aldib, alda hyak pelelanya bek ulumla!” hyok.

LUKAS 7:16

Dara nimi nidyaʾ lok ganya boboka Imik Neyung ak gigilemek. Anya sikja dara, ”Senenggom ununumnaʾ lesinya bera nu gangganek sam seleb lanawal. Imik Neyung ara alja mabo silibaʾ ak blebnunaʾ aboka, wera seleb yok!” alamek.

YOHANES 15:8

Ugunda doka nauba molumnesil dara, nadyaʾ neyung bedya si imik nenewoka, ugunda nadya yuba doro diriga ban nang dibaʾ ulumnulum,” hyok.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 21:20

Paulus bedya ban wenyaboka nekesuk anyek seleb kemek dara, perob aboka sikda nidyaʾ Imik Neyung ak giblemek. Danyek onoʾ sikja Paulus bek, ”Hem Paulus o, Yahudi nimi yokaʾ nong ara deng sal-salyaʾ anyek Yesus ak dib senelemak. Sikda Musa bedya unuwanalum an yub ek perob senewoka ganya oloklemek nang bok, Yesus ak dib senemek.

RASUL 4:21

Dara, dub nang ara, Petrus Yohanes ak hnonok sibin anaba damok eboka eibnenggumeekanya, nimi nidyaʾ ara heimoknya hwemok ak eiyiwoka Imik Neyung bek gigilemekaʾ anasa, dub nang edya dara, wera Yesus si sibuka unulurum ara wen lobnerum aboka, hyak webluwoka lobonggomek.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

GALATIA 1:24

Dara sikda nasamba leboka, Imik Neyung ak perob aboka giblemek.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.