MATIUS 9:27 - PERJANJIAN BARU NALCA YUBA

²⁷ Wera onoʾ Yesus ara anyaganyebaʾ goboka bok dara, nimi penya heng lum nang moumenaʾ eimik dobdo birik. Dara penya nang enedya dara, ”Wei, Daud mamnya o, nuk angoo yadyek senewoka araweisiya!” aboka lebdek.

MATIUS 9:27 ပူးပေါင်းရင်းမြစ်များ

MATIUS 1:1

Yesus Kristus beiyimek nang yilaʾ, Abraham bek ab uboka, Daud dubnya bek ab uboka, ulumek nimi si ara ban. Anasa Abraham bek abaʾ ara, Daud be ulumok salek enyek uboka Yesus beibek nimi yilaʾ era ban:

MATIUS 11:5

Henga luma yeilimna nang eillilemak, nonga yana heimna nim eikaʾ yabalamak, nong bokaʾ malya ulusil nimi hwebna dara, bokaʾ dolomak, o ounugamna nim o bakoka kelemak, seleb somogamna nim embengaʾ suboka bulumak, Imik Neyung ak ab perob lero yanggan yub era nimi bonaʾ garan ulumak nim ek lero yabalamlaʾ anyek eiyiboka unulamla aboka nekdo binilum.

MATIUS 15:22

Kanaan mok eb gel ge hnon, Yesus ak bii aboka lebgiga yalamokja, ”Daud bedya me o, nak angoo yadyek ubneya e! Nadya gelma era bisaʾ wekdoboka, hyak nauba gweklamla bar,” aboka lelemok.

MATIUS 17:15

”Neyung o, nadya me nek hyak angoo yadyek senewalom e. Alda hyak senenggom digidoka anaʾ neiknaʾ salawoka, uk ak sam soowoka dorongdangoka, hnon sum era meka yourulamla.

MATIUS 20:29

Wera sikda Yerikho heikek abaʾ ara, lanawoka bek dara, nimi nauba Yesus ak dobol yalamek.

MATIUS 21:15

Bok Imik Neyung yuba wa gakaʾ dub nang eb, yuba neksin nang eb dara, Yesus adya ban lok so unulumokaʾ anyek eiyiboka, mek-mek mab edya, ”Daud bedya me hyak pe ulumla!” alamekaʾ anyek keboka, hyak yu ganya bobek.

MATIUS 21:9

Nimi nauba Yesus balamok pik ek, hnon nim era eimik dobdo balamek bok, hnon nim era men mengewoka balameekanya, sikja lelemek ara, ”Daud bedya me nek gibnok! Wenelesilnya bedya si sibuka yeilimoknya bera alak hyak perobaʾ dangalalul! Imik Neyung hyak imik sam ululanya bek giblenok!” wenyaboka lelemek.

MATIUS 9:28

Yesus ara ek wekel yabok salek, penya heng lum nang dara, onoʾ anyagan yarek. Dara Yesus adya sikenek, ”Ugunja dara, aldib nunda alja dib hwebnesil senerum de?” aboka heibsuk. Wenyek sikja, ”Nunda al alja dib hwebnesil senenam,” herek.

MARKUS 11:10

Nunjaʾ neyung Daud alja wenewoka bo usinaʾ yanalanya nera, perobaʾ ak ulumnamla. Anasa, im nongok anaba, alak giblenok e!” aboka lelemek.

MARKUS 9:22

”Anya bisaʾ ara, li sobaʾ, ukuk gom, mek inik gom, doronggoka obnunaʾ ulumla. Anasa wera, anda unuwanesom migib ulunggel dara, nuk angoo yadyek senewoka arayiwanasilim,” wenyaboka molowok.

LUKAS 17:13

lelemekja, ”Neyung, Yesus o! Nuk angoo yadyek seneweisilom e!” alamek.

LUKAS 20:41

Dara Yesus adya sikenek, ”Kristus, nimi blebsinaʾ dubnya bera, Daud nang yilaʾ ak ab lanawanamla amokaʾ ara hurub so ak lemok do?

LUKAS 7:21

Yesus ara ban salek nong era, nimi nauba yok-yok neiknaʾ damok ek ab, igina kweboka okna ulusuknya nek ab, bisaʾ gong goloklesukaʾ hnon yakoka, hwelesuukanya, henga lum nimi nauba mereldilisuk.

YOHANES 7:42

Imik Neyung yuba momnya dobokaʾ ara, soko nimi blebsinaʾ dubnya Kristus bera, Daud nang yilaʾ ak bok anasa, Daud ulumok heik Betlehem heik ab ara yanamla hyok,” aboka lelemek.

ROMA 1:3

Alja me nek dara, nim ek sam dara, Daud nang yilaʾ ak ab beibek;

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!