MATIUS 9:22 - PERJANJIAN BARU NALCA YUBA

²² Dara ban salek enyek, Yesus ara gel genyek saaboka keeboka, ”Najaba gel o, anda ganya siklewoka ublom! Anda dib senewanalemaʾ adya, anda seleb merelam!” hyok. Dara wene sab-sab gel gera gobdo merewok.

MATIUS 9:22 ပူးပေါင်းရင်းမြစ်များ

MATIUS 15:28

Anasa Yesus adya gel genyek an, ”Genong o, anja dib senelelamaʾ ara hyak senenggom nong! Anasa anja unuwanaso senelam sok unuwanenggel!” hyok. Dara al wene sab-sab gel genedya gelma era gobdo merewok.

MATIUS 17:18

Dara Yesus adya me nenedyaʾ ganya lomok sam ulumok bisaʾ era goboka yibilom hyok. Wera bisaʾ era goboka yibuk dara, me nera al wene sab-sab enyek merewok.

MATIUS 8:13

Dara Yesus adya yin bonaʾ dubnya bek, ”Anja dib senelamaʾ adya, nidyaʾ unuwaso senelamnya nera gigiwoka unuwanamlaʾ anasa, or bilom,” hyok. Dara al ban salek eneba, ek wanya bera merewok.

MATIUS 9:2

Heik enyek anara, nimi ben hnon esonaʾ adya yangawoka bo yeilimek. Bo yeilimek nim edya dib senenaʾ ara, Yesus adya eiyisuk dara, alda neiknaʾanya bek, ”Najab o, or anja ganya hekgulul! Anja malya unaʾ era seleb anak ab memenggen bar!” hyok.

MATIUS 9:29

Dara Yesus adya sik penya nang edya heng ek soruka diyiboka, ”Ugunda nak dib senenurumaʾ sok, wera ugunuk anaso dosulul,” hyok.

MARKUS 10:52

Wenyek Yesus ara alak, ”Anda nak ganya dib senewanelemaʾ adya, seleb merewalemaʾ anasa, or balalom,” hyok. Wera al wene sab-sab eneba, heng lumnya bera heng gwelegoka pe eibuukanya, alda Yesus balamok pik dobdo byuk.

MARKUS 5:34

Dara, Yesus adya gel genyek an, ”Nadya gelma o, anda nak dib senewanelemaʾ adya, wera hyak dibaʾ merewalem! Anda ganya daboka bimenekanya, or eikaʾ ululom!” hyok.

LUKAS 17:19

Dara onoʾ Yesus adya gibel yoknya bek an, ”Anda sekmenekanya bilom. Anda nak dib senewanelemaʾ adya, anda seleb merelam,” hyok.

LUKAS 18:42

Dara Yesus adya dara, ”Anaso senelam dara, wera kendelom! Anda nak dib senenelemaʾ nong adya, wera anda seleb merewalam an,” hyok.

LUKAS 7:50

Bok Yesus ara ban gel genyek an, ”Anda nak dib senenelemaʾ adya, anak seleb blebgelaʾ anasa, anda ei-ei ganya boboka, or binilam!” hyok.

LUKAS 8:48

Dara Yesus adya gel genyek an, ”Nadya gelma o, anda nak dib senenelemaʾ adya, wera anda merewalem. Anasa anda wera or ganya hekoka ek bindowalom,” hyok.

YOHANES 4:53

Dara, ban me nen aljaʾ neyung bedya, Yesus ara al wenyek wenyamoʾ anasa, nadya me merewo senemok. Dara, alaʾ mabo gel e gekman Yesus ak dib senewoka domek.

RASUL 14:9

Dara alda bera, Paulus bedya Imik Neyung yuba lelemok dara, pe kero bulumok. Wera danyek, Paulus bedya alak ngekluboka, bera dib senemokaʾ eibookanya, Imik Neyung adya hwebnamso senemok dara,

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

IBRANI 4:2

Anasa Imik Neyung adyaʾ perob lero yanggan yub era, sikenek leb elegeisik sok, onoʾ nuk anaba leb elegeisik. Bok sikja yuba seleb kebekjok, dib senenaʾ orok anasa, siksamba dara, Imik Neyung yub ara perobaʾ danggubuk.