MATIUS 8:4 - PERJANJIAN BARU NALCA YUBA

⁴ Dara onoʾ Yesus adya benyek an, ”Wei, neyung o! Yok nim ek nara unuwanel aboka nekdo yabanaʾ ara mem. Bok alda Imik Neyung yuba lenaʾ gaknya bek amal dal bilom. Anya, anda aldib merewalamaʾ amba dara, Musa bedya unulululum aboka momnya dobok sok sunuwoka, Imik Neyung amba giboka elegel binilam,” hyok.

MATIUS 8:4 ပူးပေါင်းရင်းမြစ်များ

MATIUS 10:18

Ugunda nadya yuba donaʾ nang ulumnelumaʾ amba leboka, ugunuk heng geregoka senenggom soko dub nang ek hnon bo binisak. Wera ban unuwanasak salek, perob salek era anya anasa, ugunda nasamba hnon yuba sikenek nekoka, hnonda Imik Neyung ak elgom ulumak nim ek hnon neklemnelum.

MATIUS 16:20

Seleb wenyabgogowok dara, Yesus ara onoʾ alja yuba doro diriga ban nang ek, benera Kristus, nimi blebsinaʾ dubnya benyaʾ aboka, nimi ben hnonok sibin anaba nekdo yabanaʾ ara, mem aboka wenewosuk.

MATIUS 17:9

Wera sikda meinik abaʾ ara yanggek dara, Yesus adya sikenek, ”Nimi dibaʾ me nera somoknaʾ damokok anam suboka bukiyiwanggulyebok dara, men ugunja eiyilumaʾ ara, yok nim ek salyaʾ nekdo yabanaʾ ara mem,” aboka wenewosuk.

MATIUS 3:15

Bok Yesus adya Yohanes bek ara, ”Nunja ban unulumab adya, Imik Neyung adya unuwanok senelamlaʾ ara an anasa, unulumab bok anasa, wera or meka dabnenelem,” hyok dara, Yohanes bedya Yesus ak meka dabok.

MATIUS 5:17

”Ugunja dara, alda Musa bedya unuwanalum an yub eb, ununumnaʾ lelemek nang edya webek yub enyek, lubnunaʾ aboka yeilimok senewanggununulum. Anasa lubnunaʾ aboka yanggubsebok, alda damok anyek an lebokaʾ anyek gigiwonunaʾ aboka yasa.

MATIUS 6:1

”Ugunda keeboka pe seiniwanalum, nimi yok nim eibsunukaʾ aboka, ugunja perob unaʾ era, nimi hnoum ak ununggom, mem. Ugunda anaso unulumun dara, ugunja neyung imik heikek ululanya bedya dara, ugunuk lunuwoka deknaʾ eleganggunusil.

MATIUS 9:30

Wera sik penya nang dara, henga gwelegoka eibdek. Dara Yesus adya sikenek, nunda unu hwebsil aboka yok nim ek salyaʾ nekdo yabanaʾ ara hyak mem aboka yuba sekok.

MARKUS 13:9

”Bok ban ugun nong ara, pe keebdaboka ulumnelum! Eimik era ugunda yub amba yana lelesin nang ek dob elegoka, ugunda Yahudi nim edya yuba don e pik saboka olomnesak. Ugunda nasamba leboka, mok soko dub nang ek hnon, wenesin dub nang ek hnon, sik hougunguk laga nasamba yub enyek sikenek lelenokaʾ aboka, unulumnesak.

MARKUS 3:12

Bok Yesus ara, bisaʾ gong ek an, alda benyek ulumla anaʾ ara mem aboka nauba wenyalasuk.

MARKUS 5:43

Dara Yesus adya nim ek ban unu hwebnaʾ ara, ugunja dara, nimi yok nim ek ara, anaso unuwal aboka, nekdo yabanaʾ ara, hyak mem aboka yuba garawok. Anya lebokja, ”Ban gelma enera, denaʾ men elegolulum,” hyok.

MARKUS 6:11

Bok ugunda yok mok binilumaʾ anyek, bumun mok enyegan nim edya, ugunuk perobaʾ leboka dosinaʾ loboka, ugunja lebnelum yub eneba kebnenggunusak dara, heik enyek ara, lo yabamunukanya, sikda ella danokaʾ aboka, ugunja yan sembejaʾ habonggoka yibinilum!” wenhyok.

MARKUS 7:36

Dara Yesus adya yok nanga nauba ulumakaʾ ak anaso unuwanel aboka, nekbo-nekbo aro yabanaʾ ara mem aboka, yuba sekok. Bok Yesus adya neknaʾ mem alamokaʾ anaba, sikda eiwaawom aboka, sounuwoka nekdo yabalamek.

MARKUS 8:30

Dara Yesus adya sikenek, ”Alda benyaʾ aboka, yok nang ek neknaʾ ara mem,” aboka yuba sekok.

MARKUS 9:9

Wera sikda mok soko meinik abaʾ ara yanggek ek ab dara, Yesus adya sikenek lebsukaʾ ara, ”Nimi dibaʾ me nera somoknaʾ ak ab anam suboka embengaʾ bukiyiwanggumlya salek era, ugunja ban eiblumaʾ ara, anasoʾ ak eibab aboka, nimi yok nang ek salyaʾ nekdo yabanaʾ ara hyak mem,” hyok.

LUKAS 17:14

Wera Yesus adya sikenek eibsuk dara, ”Ugunda Yahudi yuba gak nang ek, ugunja nong enyek amaldal binilum!” hyok. Wera anam pikek balamek salek enyek, sikenek delesuk gororomaʾ era seleb denghusuk.

LUKAS 21:13

Ban unuwanamla salek enyek, ugunda Imik Neyung adyaʾ perob lero yanggan yuba sikenek leb eleganaluma wera an danamla an.

LUKAS 4:41

Dara bisaʾ gong dara, nimi weklesik nimek ab goboka balameekanya lero goblemekja, ”Anda Imik Neyung bedya me ululam,” wenyabgiga goblemek. Anya ban bisa gong era, sikda Yesus ara Kristus, nimi blebsinaʾ dubnya ulumokaʾ ella ulumekaʾ anasa, Yesus adya sikenek hyak gorogoka mem aboka lebookanya, yuba hnon sanaʾ lobganokaʾ aboka, yuba garawok.

LUKAS 5:14

Dara, Yesus adya alja gororomaʾ delemokaʾ anyek hweboknya bek an, ”Nara seleb merewan aboka, nimi yok nim ek salyaʾ lero yabenggom, mem. Alda ugunja Imik Neyung yuba lenya bek, anda aldib merewalem henenggelaʾ anasa, anda alak amaldal bilom. Dara onoʾ, Musa bedya momnya dobok yuba sunuwoka, anda yok nim edya alda seleb merewal senewoka eibnokaʾ aboka, Imik Neyung ak pam oboka giboka beil bilom,” hyok.

LUKAS 8:56

Gelma enedya alaʾ genonga neyung ara, hyak loka dabdowosuk. Bok Yesus ara ban unu hwebokaʾ ara, yok nim ek salyaʾ nekdo yabanaʾ ara mem aboka lebsuk.

LUKAS 9:21

Dara Yesus adya alja yuba doro diriga ban nang ek lebsukaʾ ara, ”Ban yub era yok nim ek salyaʾ nekdo banaʾ ara mem,” husuk.

YOHANES 5:41

Nara nim adya gigiwanenok senewoka hogunga bo enggulumna.

YOHANES 7:18

Nimi be hnon alja neklesilaʾ ara, alja ganya doboka sonda anasa, lelemla dara, alda yok nim edya nak gigilenenokaʾ aboka hogung bo amalamla bok, al bokol yeilinanya bek si imik dolulaʾ aboka lelelanya bera, alda hyak dib ok ulumlakanya, alak ara sondaʾ yuba unuruwaʾ ara alak mekaʾ unggulumla.

YOHANES 8:50

Nara nadya ok ganya doboka nimi giblenokaʾ aboka imik neneldanggulumna. Bok Neyung bedya alja ganya doboka nak gibnokaʾ aboka memelenel. Alda dib yana lelenanya ulumla.