MATIUS 8:27 - PERJANJIAN BARU NALCA YUBA

²⁷ Yesus yuba doro diriga ban nang era, hyak loka daboka, sik moumen leldalamekaʾ ara, ”Kaboʾ ab, mek yub ab dara, alja yuba keblaʾ anasa, har so ululanya do?” wenyaldalamek.

MATIUS 8:27 ပူးပေါင်းရင်းမြစ်များ

MATIUS 14:33

Dara Yesus adya yuba doro diriga ban nang edya, Yesus ak giblemek. Anya lebekaʾ ara, ”Wenelesilimnya o, anda aldib Imik Neyung bedya me ululam!” hyek.

MATIUS 15:31

Nimi nauba dem nim anyagan ulumek nim era, anyek eiyiboka hyak nauba loka dasuk. Dara, yuba gom nim era yuba saro yabalamek, koma bulumek nim era mereboka yabalamek, nonga heilisuk nim era pe yan ingi yabalamek, henga luma ulusuk nim era pe henga gwelegoka eillilemek. Nimi nidyaʾ ara anyek eiyiboka, Israeli nim era Imik Neyung bek giblemek.

MATIUS 8:10

Yin bonaʾ dubnya bedya ban wenhyok yub enyek, Yesus ara kebok dara, hyak seilinya senewok. Anya alak diriga ban nang anyagan ulumekaʾ ak, ”Ban benyek na lokja. Nimi nidyaʾ Israeli nimi gangganek sam ara, ban dib senen ganya enera hnon mekaʾ eibnenggumsa!

MATIUS 8:26

Wera anasa, Yesus adya sikenek ara, ”Ugunda hekasa lok ganya bolum do? Ugunda mekaʾ ok dib senelelum nang ululum!” hyok. Dara onoʾ Yesus ara sekoka, kaboʾ ab mek ab dara, namenaʾ dolul aboka lebok enyek, wera mek gwan era hyak namenaʾ dok.

MATIUS 8:28

Yesus ara mek gek Gadara moka lanal byuk. Gadara sam ara nimi penya bisaʾ gologosuk nang era, nimi soko loknaʾ ak ab ara, Yesus ak yarek. Ban penya nang enera hyak yu lok anasa, nim ara sik ulurek pik ara mekaʾ yabenggulumek.

MARKUS 1:27

Wenyek nimi nidyaʾ ara hyak lok ganya boboka sik moumen wenyaldalamekaʾ ara, ”Wei, ban era hek damok yuba do? Wenyek bo lanawak yub! Hyak senenggom lok so uboka migib edya bisaʾ goboka yabalom hen enyek, alja yuba keboka unulumak bar!” aboka lelemek.

MARKUS 6:51

Dara Yesus ara mek ekla bunaʾ ak welewoka bukok dara, kaboʾ anaba dengaro lobok. Dara, sikda anyek eiyiboka hyak loka dabsuk.

MARKUS 7:37

Anya nimi nidyaʾ unuwal an yuba kebek dara, sikda ganya nauba lokja senewek. Anya, lelemekja, ”Nidyaʾ alja unululanya nera, perob ok dangalamla! O ounugunanya beneba, yuba kenya dangallilimla, yuba gom dangananya beneba, yuba sanya dangallilimla,” alamek.