MATIUS 8:12 - PERJANJIAN BARU NALCA YUBA

¹² Bok, alda Yahudi yokaʾ nim ara, gunaʾ senenggomaʾ ulumla heik sam doro boboganasil. Dara gunaʾ heikek ab, nimi dara, nauba soloma daboka engewoka si glengdaralamnemak,” hyok.

MATIUS 8:12 ပူးပေါင်းရင်းမြစ်များ

MATIUS 13:38

Wa ara soko ara an. Perob yinaʾ ara, nimi nidyaʾ Imik Neyung mabo dangalamak nim era an. Walenja ak dara, bisaʾ ak sam maklemak nim era an.

MATIUS 13:42

Wera sikda nidyaʾ henga gouboka uk bokaʾ ok delmorulamla ukuk sam sikinek uka dabnesil dara, sikda nidyaʾ ara engewoka si glengdarreb aboka gweklemnemak.

MATIUS 13:50

Dara, malya ulumak nim era, sarangnaʾ orok uk hinek sam doboka boboganasak. Dara anyagan malya ulumak nim era, nauba engewoka si glengdarreb aboka gweklemnemak,” hyok.

MATIUS 21:43

Dara Yesus adya, ”Anasa ugunda pe beknelum, ugunuk ab Imik Neyung wenesinaʾ damok ara, gwenewoka, Imik Neyung yuba doboka pe unulumnamak nim ek eleganamla.

MATIUS 24:51

Yanamlakanya, wera ban malya uboka wa welelenya bera, malya uboka saboka obnamlakanya, sene bol nenenaʾ hwam nim hnoum boboganamla. Dara, malya unaʾ nim eb neikaʾ engewoka si glengdarreb aboka nauba gweklemnemak,” aboka Yesus adya wenyhusuk.

MATIUS 25:30

Anya ban meilinya bera gunaʾ ak sam doboka bobogolulum. Dara an unu boboganamlaʾ ak ara, nauba engewoka si glengdarreb aboka gweklemnamla! wenyamok,” hyok.

LUKAS 13:28

”Wera ugunda Abraham beb, Ishak beb, Yakub beb, nidyaʾ ununumnaʾ lelemek nang eb, neikaʾ hiboka Imik Neyung wenesin heikek sam eiya hlaboka denaʾ delemnemakaʾ ak eibnelum bok, ugunuk dara, seleb yakasilyaʾ anasa, ugunda engewoka nauba glengdaralemnelum!

RASUL 3:25

Ununumnaʾ lelemek nang edya Imik Neyung adya unuwanamna aboka lemokaʾ anyek lelemekaʾ ara, ugunsamba hnon ulumla. Imik Neyung adya ugunja neyung yab ek lebokaʾ ara ugunuk hnon lesuk. Abraham bek Imik Neyung adya lebokja, ”An nang yilaʾ pik moruwoka, yok-yok soko nimi nidyaʾ ak binimla,” wenyamoknya nera, hnonda al ugunsamba lesuk.

ROMA 9:4

Wera sikda Israeli nim ulumaakanya, sikda seleb alja mabo nenesuukanya, sikda perobaʾ senenggomaʾ ab, unubdanamab an yub eb, unuwanalum an yub eb, yuba longonaʾ amba yub eb, unu eleganasin hyok yub eb, dara sikda seleb domek.

2 PETRUS 2:17

Ban malya uboka, yuba bobnenewoka neklesak nang era, dalalamla mek lu nenesoʾ ak uboka, debaʾ ak kaboʾ adya doluwoka bolgoklamlaʾ anaso nang ek ulumak. Ban unu malya ulumakaʾ amba dara, siksamba Imik Neyung adya hyak gunaʾ nong oulyang ak seleb meewoka beibsuk.

2 PETRUS 2:4

Malya lero nang dara, hyak gunaʾ serewora alamla gwerenek sam beiyisukaʾ ara yana lelewanasil sum doboka yana lelewanasil. Sikda malya ulumak dara, Imik Neyung adya obnamlaʾ ak ab salyaʾ blebnenggubsuk.

YUDAS 1:13

Sik nong ara, nauba mek gwanek lo saawoka elilamla sokaʾ ak ulumaakanya, sikja alya usinaʾ ara, mek elilamlaʾ adya bolgamalaʾ bouruklamlaʾ anasoʾ ak ulumla. Hnonda, sik nong anaba, salyaʾ eini yabalamla guraʾ ara, gunaʾ lomok sam dengalamlakanya, gunaʾ lomok ulmorulamla sok ulumak.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.