MATIUS 8:11 - PERJANJIAN BARU NALCA YUBA

¹¹ Hyak dib nongaʾ ara ban! Nimi nidyaʾ yali sam ab hnon, kemban sam ab hnon, Abraham beb, Ishak beb, Yakub beb, neikaʾ hiboka Imik Neyung bedya wenesin heikek sam dero weknemab aboka yanamak.

MATIUS 8:11 ပူးပေါင်းရင်းမြစ်များ

MATIUS 21:41

Wenyek sikja Yesus ak, ”Sikenek obnesisookanya, wa ara yok nim ek pe weboka doka dakoka, al damnya bek eleganeseng nim enyek, welemnenulum aboka, lebnamso,” hyek.

MATIUS 24:31

Dara nimi dibaʾ me nedya alja lero bedya poo anaʾ benggong yuba edya senenggomaʾ lebnamla dara, nim Imik Neyung mab ulumak nim era, im gokgoba nidyaʾ eboka bob mamaganalum aboka oruganesil,” hyok.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 8:10

Yin bonaʾ dubnya bedya ban wenhyok yub enyek, Yesus ara kebok dara, hyak seilinya senewok. Anya alak diriga ban nang anyagan ulumekaʾ ak, ”Ban benyek na lokja. Nimi nidyaʾ Israeli nimi gangganek sam ara, ban dib senen ganya enera hnon mekaʾ eibnenggumsa!

LUKAS 12:37

Wa wen nang enyek, sikjaʾ neyung be ek yanamnaʾ amba diri ulunabok, wera yalamla dara berra eillilemak nim era, hyak pelemakaʾ nong ara an. Ban lebnesinaʾ ara, wera ban wa dubnya bera meebgogowoka, alja wa wen nim ek buklulum aboka oruganasil dara, alda sikenek denaʾ youboka beiyiboka deb eleganesil.

LUKAS 16:22

”Yok eimik sum enyek, bonaʾ garanya bera somogok dara, lero nang edya bobmekja, imik heikek Abraham bedyaʾ eibukuk sam bo beil byik. Dubnya beneba somogok dara, alda soko lokek.

RASUL 10:45

Wera danyek, Yahudi nimi yokaʾ bok, Yesus ak dib senewoka domek nim, Petrus beblaboka neikaʾ yeilimek nim era, Imik Neyung adya alja Geisinya ara Yahudi nimi gom bok sikenek anaba elegesuk adya sikda hyak ganya loka dasuk.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

1 KORINTUS 15:20

Bok, Kristus ara somoknaʾ ak ab seleb bukiyimokaʾ ara, hyak dib unumok. Anan nong adya, wera seleb somogek nim era, embengaʾ suboka buknemakaʾ damok ara anadya dangamok.

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

2 TESALONIKA 1:5

Ban nong adya, anyaganyeb danyek, Imik Neyung ara alda hekaʾ huboka yana lelewoka beknaʾ dangalamla ara laga danamlaʾ ara, Ugunda Imik Neyung wenesin heik amba leboka nauba igina kweboka gweklelumaʾ anasa, wera ugunda aldib Imik Neyung wenesin heikek weknelum nimi beknaʾ laga ulumla.

WAHYU 7:6

Asyer nang yilaʾ ek ab dara, denga yubaʾ ara, dua belas ribu nang beknaʾ en denesuk. Naftali nang yilaʾ ek ab dara, denga yubaʾ ara, dua belas ribu nang beknaʾ en denesuk. Manasye nang yilaʾ ek ab dara, denga yubaʾ ara, dua belas ribu nang beknaʾ en denesuk.