MATIUS 7:28 - PERJANJIAN BARU NALCA YUBA

^28-29 Yesus ara Yahudi yuba neksin nang edya neklesik sok neknenggusuk. Alda senenggom nongaʾ ak nekesukaʾ anasa, wera Yesus ara seleb yuba leboka nekgogowousuk dara, anya alak kelemek nim era, hyak nauba loka dasuk.

MATIUS 7:28 ပူးပေါင်းရင်းမြစ်များ

MATIUS 11:1

Wera Yesus ara alja obadya yuba doro diriga ban nang ek pe wenebgogowosuk dara, alda anyagan ara loboka yokok sam byuk. Anya Yesus ara al ulumokaʾ ok berem heik pik Imik Neyung adya unuwanalum wenyaboka lesuk yub enyek leb elekdo yabalesuk.

MATIUS 19:1

Yesus ara seleb wenyaboka nekgogowousuk dara, alda Galilea moka loboka, Yudea sam Yordan meka gema eer sam byuk.

MATIUS 22:33

Dara, nimi nidyaʾ longomek nim era, Yesus adya an wenyaboka neklesuk yub enyek keboka, sikda loka dasuk.

MATIUS 26:1

Wera Yesus ara wenyaboka nidyaʾ nekgogowousuk dara, onoʾ alja yuba doro diriga ban nang ek,

MATIUS 7:27

Wera anadya moka yeiniboka, mek iliwoka, kaboʾ dorogoka e nenyek omok dara, e nera malya ura luka mamok. Anya hyak nauba soldowoka malya dangamok!” hyok.

MARKUS 1:22

Dara Yesus adya yuba neklesukaʾ anyek, sikja yuba neksin nang edya neklesik sok neknenggusuk, alda hyak migibaʾ gebman anyek ura neklesukaʾ anasa, sikda salya uru lelelanya senemek.

MARKUS 11:18

Dara, Imik Neyung yuba wa gakaʾ dub nang eb, yuba neksin nang eb dara, ban yub enyek seleb kebek dara, sikda Yesus ak hekaʾ huboka obnemab do aboka pik elemek. Nimi nauba alja neklesukaʾ anyek, salya uru lelelanya senelemekaʾ anasa, sikda alak loka daboka, pik elemek.

MARKUS 6:2

Wera Sabat mem sum era, Yesus ara Yahudi nim edya yuba don ek wekoka yuba lel eleklesuk. Dara, nimi nauba longol yeilimek dara, Imik Neyung yuba lel eleklesukaʾ anyek keboka, sik moumen, ”Ban nidyaʾ ara, hanyagarab dobok do? Hek geremseng ek alak elegok do? Dara, alda lok so migib ununaʾ ara, hekaʾ huru unulamla do?

LUKAS 19:48

Bok obnemab senen pik era eibnenggumek. Nimi nidyaʾ ara Yesus adya lelemok yub enyek, perob senewoka ganya goluwoka, alja yub enyek pe kelemekaʾ anasa, pika eibnenggumek.

LUKAS 2:47

Dara, nidyaʾ alak kelemek nim edya dara, alja yuba dam nang heiboka lelemok ab, alak heibnanya neneba pe lelemok geremseng enesa, salya lelemla me senewoka hyak loka dasuk.

LUKAS 4:22

Anya nimi nidyaʾ ara alak pe lelemla senemeekanya, alja lero balamok yub enyek hyak perobja senewoka, ganya salya ura lelelanya senemek. Anasa sikja lelemekaʾ ara, ”Benera Yusuf bedya me bok lelelaba,” abdangdo yabalamek.

LUKAS 4:32

Wera alja lero neklesukaʾ ara, hyak migibaʾ gebman pe lelemokaʾ anasa, sikda alja neklesukaʾ anyek hyak salye ura lelelanya senewoka kero bulumek.

LUKAS 7:1

Yesus ara nimi nidyaʾ ak seleb wenyaboka lebgogowosuk dara, alda Kapernaum heikek sam byuk.

YOHANES 7:15

Dara, Yesus adya lero neklesuk anyek eiyiboka, Yahudi nang ganya loka daboka lelemekja, ”Alda sekolah donaʾ ara orok bok anasa, hekaʾ adya ban anaso lero neklesil do?” alamek.

YOHANES 7:46

Pikek welesik nang edya lelemekja, ”Nimi soko nim era, ban benedya lelemla sok hyak lenggulumak,” alamek.