MATIUS 7:15 - PERJANJIAN BARU NALCA YUBA

¹⁵ ”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

MATIUS 7:15 ပူးပေါင်းရင်းမြစ်များ

MATIUS 10:17

Ugunda henga geregoka dub nang e pik bo biniboka yana lelewoka, onoʾ hnonda Yahudi nim edya yuba don e pik ab nauba lobaʾ nenewoka oboka ulumnesak anasa, ugunda pe keeboka ulumnelum.

MATIUS 16:11

Nara ugunub neikaʾ yuba salamab dara, gwaneng sirikaʾ ak lenggulumna, damok ara hekaʾ adya elgom ululum do? Ugunda Parisi nim eb Saduki nim eb dadya, sikja roti welenaʾ enyek, pe keeboka ulululum!” hyok.

MATIUS 16:6

Yesus adya sikenek, ”Ugunda Parisi nim eb, Saduki nim eb dadya, roti welenaʾ ak anyek, hyak pe keeboka ulululum,” hyok.

MATIUS 24:11

Nimi nauba sondaʾ anasa, nunda Imik Neyung adya ununumnaʾ len nang wenyabdangoka lanawanamaakanya, yok nim ek nauba malya nenewanamak.

MATIUS 7:14

Nim embengaʾ nenelesil pik era, nimi weknaʾ ak dogob nongaʾ ulumlakanya, ban pik eneba mekaʾ me ulumla. Anya nim ara mek ok eiyiboka weklemak,” hyok.

LUKAS 12:15

Dara onoʾ Yesus ara nimi nauba ulumek nim ek an, ”Nim ara bonaʾ dubnya ulumnaʾ anaba, embeng unaʾ ara anyagan anyek ganya kweboka unggulumakaʾ anasa, hmabaʾ ganya ab yokaʾ-yokaʾ sunulusilaʾ ak ab keeboka pe diri uldalalulum,” hyok.

LUKAS 6:26

Youmaʾ dara, sondaʾ anasa nunda ununumnaʾ lelemab nang alamek nang ek, nimi nidyaʾ perobaʾ lelesik sok, wera ugunuk yok nimi nidyaʾ adya, perobaʾ lelesija nim era hyak nauba omomaʾ ak ululum,” hyok.

YOHANES 10:12

Bok, salyaʾanya rupiah deknenjabaʾ anasa, pama geregoka bo ululom ananya bera bo ulunabok, bei gama yangganaʾ eibna dara, nadya pam gomaʾ senewoka, lok anasa pama loboka yeiri balamla. Dara, bei gam adya domba pama nidyaʾ ara doluwoka ob menegoka yaklamla.

RASUL 13:40

”Dara, ununumnaʾ lelemek nang edya lebek yub anyek, ugunuk gigiweisilyek aboka, mem nong anasa, ugunda hyak pe keebdangoka ulumnalum.

RASUL 13:6

Dara, sikda Siprus mek dubuk soko era, yuba lero yabalamek ara, gokgobok ono Pafos heikek lanal bilimek. Dara, heik enyegan yek dara, Yahudi nang yokaʾ ak alja si nera Baryesus alameknya, alja sonda anasa nara ununumnaʾ leboka nimi hwesinya ulumna aldalamoknya beblaboka ehwibdangamek.

GALATIA 2:4

Hnon nang edya dara, or unuwanamla aboka lelemek bok, unuwolul aboka yo henggumek. Wera an wenyalamek nang era, yuba dib doboka ununaʾ orokjok, nunjaʾ Kristus Yesus ak dib senemoubaʾ adya, gobdo ganya doboka unaʾ ak gelelenga kemero yeilimek. Sikja dara, nu yuba dobnenggoma wenyek unulumoubaʾ anyek, neik so unulunokaʾ aboka pik nekoka igina kweiyiwanobaʾ aboka yeilimek.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

EPESUS 5:6

Ban damok danasa, nauba bleklemak nim ek Imik Neyung adya yu ganya boboka igina eleklesilaʾ anasa, ugunuk yok nim edya salyaʾ yuba saboka gliboka bo bisijek.

PILIPI 3:2

Nimi hnon malya unulumak nim enyek, sikja si nera bei gama silibaʾ alasak nim unaʾ enyek pe keebdaboka ulululum. Ban nim enedya dara, nimi nauba ara or bolaʾ garalesinok senelesak.

KOLOSE 2:8

Dara youmaʾ uru balamek yub eb, sokok an nimi sirikaʾ ganya ak ab yub ara, Kristus adya senenggululanya bok, or orok salyaʾ hwam yub adya, ugunja ganya ek henga goubsijek anasa, pe keeboka ulumnelum.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

2 TIMOTIUS 4:3

Nimi jongaʾ pe ulumak yuba dobnenggunumak sum hnon yanalabok anasa, pe neklesilom. Eimik era dobnenggunumaakanya, saawoka nim adya anyek unuweisinya senewanamaakanya, nenyek ok unulumnumak. Dara, nunja o kelemeibya dara, pelemlya anyek kero ulunob senen malya neknaʾ enyek neklesinokaʾ aboka, nimi neksin nang nauba, bo boklomnemak.

2 PETRUS 3:17

Nadya wanaʾ ulusin hemyabo nim o, ugunuk dara, wenyhenya nera seleb orowek ella dangalum. Anasa, nimi malya ulumak nim edya ugunuk gliboka bo bisijaʾ ak malya nim ulumakaʾ ak malya domunuk anasa, anya migibnya bek malya nenebdomunuk anasa, keeboka diri uldalalulum.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.

WAHYU 16:13

Dara yu hwam unaʾ ganya winilya enyek, hyeiya anasoʾ ak hnon eibsa. Ban hyeiya era, naga bagaʾ edya si ak hnon, yu nongaʾ adya si ak hnon, sonda amba bobnenewoka len nang edya si ak hnon, goboka lanawok.

WAHYU 17:6

Dara ban gel gera, munaʾ Imik Neyung mab uboka, Yesus amba laga leboka ulumek nang, sikja eneng enedya, yu meka demna anasoʾ anyek, ganya uu aro bulumokaʾ ak eibsa. An gel gen eibsegab dara, nara omom uboka hyak loka dabnyok.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.

WAHYU 20:10

sikenek nauba sondaʾ leboka malya nenelesuk bisaʾ dubnya Iblis ara, sobaʾ singilamla uk mek gwanek doboka doronggok. Wera anyaganera, men dara, yu nongaʾ ab, sonda leboka bob nenesuknya beb, doronggousuk. Dara sikda anyeganera, inimnek yubyek pik, malya nenewoka nauba sobaʾ gwekelmorulumnemak.