MATIUS 6:6 - PERJANJIAN BARU NALCA YUBA

⁶ Bok, ugunda heng uboka molowanamun dara, e lomok wekoka pika seregoka ugunjaʾ neyung be laga unggululanya bek molowanalum. Dara, ugunja neyung bedya ugunja doknowoka unuwanalumaʾ eibnesilnya bedya, alda ugunuk perobaʾ eleganesil.”

MATIUS 6:6 ပူးပေါင်းရင်းမြစ်များ

MATIUS 14:23

Wera nimi nidyaʾ ara, sikja heikek sam seleb byik dara, Yesus ara albeyok, heng uboka molowoununaʾ aboka, meinik sam welewok. Wera inil yabok bok anyek, Yesus ara meinik sam alak ok ulumok.

MATIUS 6:18

Anadya yok nim edya dara, sikda Imik Neyung amba gwanenga lomak senewanggunusak bok, alda ugunja neyung laga eilinggulumaknya bedya ok hnonok ella ubnamla. Anya unu doboka unulumnelumaʾ anyek, ugunja neyung be eillilesilnya bedya, alja deknaʾ ugunuk eleganesil,” hyok.

MATIUS 6:4

Ugunja ban unuwanalumaʾ ara, yok nim era eibnenggunusak bok, alda Imik Neyung adya ok hnonok eibnamla. Dara, ugunja geleleng aboka doknowoka unulumunaʾ anyek eillilisilnya bera, ugunjaʾ neyung imik heikek ululanya bedyaʾ anyaʾ, ugumba deknaʾ eleganasil,” hyok.

YOHANES 1:48

Natanael bedya, ”Anda hekadya nak ella ulunelem do?” hyok. Wenyek Yesus adya, ”Pilipus bedya youbnenggubmagel bok, anda ara gal damak ulmalama wenyek eiyinggen,” hyok.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

RASUL 10:30

Dara, Kornelius bedya lebok ara, ”Li winilinya sum, nara henga dalelnenelamla wenyek weneba ubla sok salek, nara heng uboka Imik Neyung ak mololamsa. Dara wene sab-sab, nimi ben hnon, alja akleng era geisa nong ak ongomoknya benyek na dam gaboka sekok.

RASUL 10:9

Wera ampum maboka gwelegok dara, pikik anam balamek ara, Yope heik berem lanal binob aboka byik salek enyek, yubyek dukdukanek enyek, Petrus bera erumaʾ dubuk sam heng uboka Imik Neyung ak molowonun aboka welemok.

RASUL 9:40

Petrus bedya anyagan engero bulumek nimi danyek, ugunda nidyaʾ goboka beiyik bululum aboka, albeyok anyagan koma lumugoka Imik Neyung ak heng uboka molomok. Wera Petrus bera Dorkas gedya beʾ gala gouboka beiyimek ak keeboka lemokja, ”Tabita o, anda buklom,” hyok. Dara, Dorkas gera henga gwelegoka kemelemok enyek, Petrus bek eiyimok dara, alda bukumok.

ROMA 8:5

Anasa sik nimi ganya ok sunuwoka ulumak nang era, nimi ganya adya seinilamla ganya ok seinilimak. Bok Geisinya bedya ganya ok sunuwoka ulumak nang era, Geisinya adya seinilamla ganya ok seinilamak.

EPESUS 3:14

Wera ban nenesa leboka, nara nunjaʾ neyung Imik Neyung ak koma lumugoka mololesin.