MATIUS 6:5 - PERJANJIAN BARU NALCA YUBA

⁵ ”Ugunda heng uboka molowanamun dara, sene bol nenelemak nang eneso uro molonggom. Sikda nimi yok nim edya perob seneweisinokaʾ aboka deknaʾ gasaʾ ak gom, Yahudi nim edya yuba don e pik sekoka moloro yabalamak. Dara ban unulumakaʾ adya, wera sikda deknaʾ seleb dolomakaʾ anyek, ugunuk dib lebsin.

MATIUS 6:5 ပူးပေါင်းရင်းမြစ်များ

MATIUS 21:22

Anya ugunda al unuwanamlaʾ anyaʾ dib senewoka, ugunja heng uboka mololemnelumaʾ nidyaʾ ara, anera gigiwoka dobnelum,” hyok.

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

MATIUS 23:5

Sikja unulumaknya nera, nimi yok nim edya pelemak senenanya nenyek laga unulumak. Sikda Imik Neyung ak giblenunaʾ aboka gweidyaʾ sobnedamaʾ ab warana ongolmorun akleng eb dara, nimi kemen danasa ongolomak!

MATIUS 23:6

Sikda masa senenggomaʾ youboka delemnaʾ ak ara, eibsinok senenaʾ ak ok bukoka, Yahudi nim edya yuba don ek ara, men nonokdob ekla bunaʾ ak ok wekoka bulumak.

MATIUS 6:1

”Ugunda keeboka pe seiniwanalum, nimi yok nim eibsunukaʾ aboka, ugunja perob unaʾ era, nimi hnoum ak ununggom, mem. Ugunda anaso unulumun dara, ugunja neyung imik heikek ululanya bedya dara, ugunuk lunuwoka deknaʾ eleganggunusil.

MATIUS 6:16

”Ugunda Imik Neyung amba gwanenga lobnelum dara, hogunga boluma yobuka sene bol nenelemak nang ulumak sok unaʾ ara mem. Sikda hogunga yok uboka giblamna dara, yok nim edya sikda Imik Neyung amba gwaneng lomak aboka ella danokaʾ aboka unulumak. Dara, wera sikda alan seleb deknaʾ dolomak an, anera dib lebsin.

MATIUS 6:2

Anasa wera, ugunda bonaʾ garan nim ek unuruwaʾ eleganemun dara, sene bol nenelemak nang edya, yok nim gigiweisinok senewoka, benggong leboka bonaʾ laga boklomak sok, ugumba anaso ununggom, mem. Nimi sene bol nenelemak nang era, senenggom pik gwandanyaʾ ak sam gom, Yahudi nim edya yuba don ek ab laga unulumakaʾ dara, yok nim edya eiyiboka pelemak senewoka gigiweisinok aboka unulumak. Wera sikenek gigilesak dara, wera deknaʾ ara alan seleb dolomakaʾ anyek, ugunuk dib lebsin.

MATIUS 9:38

Anasa wa damnya bek, gwaneng nonga yongon nanga bokol yousululaʾ aboka, mololelulum,” hyok.

MARKUS 11:25

Anya, ugunda heng uboka molowanamun dara, yok nim ek meknewanyok senemun dara, ugunja neyung be imik heikek ululanya bera, ugunja meknenaʾ eneba doboka bobogosululaʾ aboka, unu seinibdangamunya nera, men meebdanalum, hyok.

MARKUS 12:38

Wera Yesus ara yuba neklesuukanya lebokaʾ ara, ”Nimi Yahudi yuba neksin nang enyek, waren akleng ongowoka, deknaʾ gasaʾ pik sekdo yabalameibya enyek giblisinok senelemak nang ek ara, pe keebdaboka ulululum.

LUKAS 11:43

Ugunda Parisi nang era hyak omom nongaʾ ak ululum! Ugunda Yahudi nim edya yuba don ek ara hyak perobaʾ nonokdowaʾ ak ok bulunob senelelum, anya dekna gasaʾ ak ab giblesinok senen ganya bololum.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

LUKAS 18:13

Bok mok soko amba rupiah molowoka dolomoknya bera, alda mok sam sekoka, imik sam kemel weiningnaʾ anaba loboka, saraʾ sibuka obdangoka lero mololemokja, Wei Imik Neyung o, nak malya unaʾanya bek an angoo yadyek senewoka arawanelom e, aboka mololemok,” hyok.

LUKAS 20:47

Sikda you gelewa ek sondaʾ leiyiboka, bonaʾ nidyaʾ ara doldolosak, anya sikda pika irigildanaʾ dibaʾ ara, Imik Neyung ak mololdalamak dara, hyak waren nongaʾ anyek mololdalamak! Ban nang era hyak nauba igina kweboka gweklemnemak!” hyok.

LUKAS 6:24

Bok ugun wen dub ululum nang era, ugunda seleb senenya loboka boro delelumaʾ anasa, eimik era ugunuk omomaʾ ak okna dabnesil.

YOHANES 16:24

Ugunda wenera, nadya si sibuka yokaʾ-yokaʾ Neyung bek elegeisilom aboka molonggululum. Wenyok molowolulum. Dara, ugunuk eleganesilikanya, hyak ei-ei ganya bolomnulum,” hyok.

EPESUS 6:18

Dara, Imik Neyung Geisinya adya, ugun nonga bo ulusilaʾ adya, nidyaʾ salek enyek, yokaʾ-yokaʾ amba mololelulum. Dara, sobaʾ websiniwoka, munaʾ Imik Neyung mabo nidyaʾ amba bulugul lonaʾ loboka, mololsinilelulum.

1 TESALONIKA 5:17

Sob-sobaʾ molololulum.

YAKOBUS 4:6

Ban ununaʾ anaba, Imik Neyung adya nuk elegosuk wanaʾ uboka arasinaʾ enyek hyak senenggomaʾ ulumla. Ban nenesa leboka Imik Neyung yuba bukuk sam ara, ”Imik Neyung ara, ganya imik nenewoka ulumak nim ek lek senelesilikanya, ganya sokok nenebdangoka ulumak nim ek wanaʾ uboka aralesil,” aro momnya dobok.