MATIUS 6:3 - PERJANJIAN BARU NALCA YUBA

³ Bok ugunuk dara, ugunda nimi bonaʾ garan nim ek bonaʾ unuruwaʾ arawanalum dara, nimi yok nim eibsijek senewoka hyak geleleng aboka boknelum.

MATIUS 6:3 ပူးပေါင်းရင်းမြစ်များ

MATIUS 12:19

Alda yuba yalab hwiboka, nim ab obdangoka ubnenggunumak; salyaʾ pik hnoum sekoka yuba saro yabenggulumnamla.

MATIUS 6:2

Anasa wera, ugunda bonaʾ garan nim ek unuruwaʾ eleganemun dara, sene bol nenelemak nang edya, yok nim gigiweisinok senewoka, benggong leboka bonaʾ laga boklomak sok, ugumba anaso ununggom, mem. Nimi sene bol nenelemak nang era, senenggom pik gwandanyaʾ ak sam gom, Yahudi nim edya yuba don ek ab laga unulumakaʾ dara, yok nim edya eiyiboka pelemak senewoka gigiweisinok aboka unulumak. Wera sikenek gigilesak dara, wera deknaʾ ara alan seleb dolomakaʾ anyek, ugunuk dib lebsin.

MATIUS 6:4

Ugunja ban unuwanalumaʾ ara, yok nim era eibnenggunusak bok, alda Imik Neyung adya ok hnonok eibnamla. Dara, ugunja geleleng aboka doknowoka unulumunaʾ anyek eillilisilnya bera, ugunjaʾ neyung imik heikek ululanya bedyaʾ anyaʾ, ugumba deknaʾ eleganasil,” hyok.

MATIUS 8:4

Dara onoʾ Yesus adya benyek an, ”Wei, neyung o! Yok nim ek nara unuwanel aboka nekdo yabanaʾ ara mem. Bok alda Imik Neyung yuba lenaʾ gaknya bek amal dal bilom. Anya, anda aldib merewalamaʾ amba dara, Musa bedya unulululum aboka momnya dobok sok sunuwoka, Imik Neyung amba giboka elegel binilam,” hyok.

MATIUS 9:30

Wera sik penya nang dara, henga gwelegoka eibdek. Dara Yesus adya sikenek, nunda unu hwebsil aboka yok nim ek salyaʾ nekdo yabanaʾ ara hyak mem aboka yuba sekok.

MARKUS 1:44

”Anda yok nim ek nara merewan aboka nekdo yabanaʾ ara hyak mem. Alda Imik Neyung yuba wa gak nim ek, anyaganyek hnonok or bp amaldal bilom. Dara anda merewalamaʾ nong amba ok hnonok, aldib an merewal anaʾ dibaʾ Musa bedya unululum aboka lebok sok, Imin Neyung ak sam pam oboka gibil binilam,” hyok.

YOHANES 7:4

Nimi ben hnon alja lok soʾ unulamlaʾ ara, laga senenggomaʾ nidyaʾ oboka lelewolulaʾ aboka dara, doknoboka gelelenga unuwanggunumso. Seleb unululamaʾ anasa, nimi nidyaʾ hogung ak amalesilom,” wenhyek.