MATIUS 6:14 - PERJANJIAN BARU NALCA YUBA

¹⁴ ”Ugunda malya ubdangamun nim eb memeldalamnalum dara, wera ugunja neyung imik heikek ululanya beneba ugunja meknenaʾ doboka boloklomnesil.

MATIUS 6:14 ပူးပေါင်းရင်းမြစ်များ

MATIUS 5:7

Nimi yok nim ek angoo yadyek senewoka aralasak nim era, Imik Neyung adya sikbabya lunuwoka angoo senewoka arawanasil bok anasa, pe ulumak!

MATIUS 6:12

Yok nim eb malya ubdangamna nim eb memeldalamab sok, anda anaso uboka nunja malya unaʾ eneba doboka bobogeisilom.

MATIUS 7:2

Ugunda hekaʾ huboka yok nim ek yana lelelelum sok, Imik Neyung anaba ugumbabya unu yana lelewanasil. Ugunja yok nim ek sunuwoka unululum sok, Imik Neyung anaba ugumbabya unu sunuwoka unuwanasil.

MARKUS 11:25

Anya, ugunda heng uboka molowanamun dara, yok nim ek meknewanyok senemun dara, ugunja neyung be imik heikek ululanya bera, ugunja meknenaʾ eneba doboka bobogosululaʾ aboka, unu seinibdangamunya nera, men meebdanalum, hyok.

LUKAS 6:37

”Imik Neyung adya ugunuk yana leleweisilyek anasa, ugunda yok nim ek yana lelenggom, mem. Imik Neyung adya ugunuk igin yakaʾ kweiyiweisilyek anasa, onoʾ ugunja yok nim ek ganya adya henga goubnenggom, mem. Nadya malya unaʾ Imik Neyung adya blebiyiwananel senewoka, anda yok nim ek sugunaʾ ganya ara, meebdanalum dara, Imik Neyung anaba, anja malya unaʾ era meewananggel.

EPESUS 4:32

Alda ugunda perob ganya bobdangoka, nimi nidyaʾ ugun moumen wanaʾ uldalalulum. Hnonda Imik Neyung adya Kristus pik uboka, ugunja malya unaʾ doro bobogousuk sok, ugun moumen malya unaʾ doro bologoldalalulum.

KOLOSE 3:13

Dara neikek, hnonda nimi be hnon yok nim ek alba dirigonun senewanamla dara, or meewanasil dara, malya ubdangamunya nera, meebdanalum. Imik Neyung adya ugunuk malya unaʾ meewousuk sok, ugumbabya neiksonya nenyek unulululum.

YAKOBUS 2:13

Anasa wera, Imik Neyung ara nim angoo yadyek senen ganya orok bok yana lelelemak nang ek, albabya angoo yadyek senenaʾ loboka yana lelewanesil. Angoo yadyek senewoka arasinaʾ ara hyak migib nong ak ululabok, nimi yana lelenaʾ ak dara, or mek so ak ulumla.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.