MATIUS 6:13 - PERJANJIAN BARU NALCA YUBA

¹³ Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

MATIUS 6:13 ပူးပေါင်းရင်းမြစ်များ

MATIUS 26:41

Ugunda nimi sunulusilaʾ lomok sam malyinggumunuk aboka, diri bukoka sobaʾ mololelulum. Nimi ganya ak dara, unuwanesinya senen bok, nong ak dara, hmeng ulumla,” hyok.

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MATIUS 5:37

Yokaʾ-yokaʾ nauba dara, bisaʾ ak ab yalamla anasa, Yo gom, Orok gom, ok leblulum,” hyok.

MATIUS 6:10

Anda nunjaʾ dubnya ululam. Anadya wera sokok an wenelemnesilim. Anja senelelamaʾ ara, imik heikek sam gigiwoka unulamla sok, sokok anaba unululul.

YOHANES 17:15

Neyung o, sik nong anyek sokok anyebaʾ ara dobsilomaʾ aboka molonggulumna. Alda sikenek malya unaʾanya bedya obsilyek aboka, anja pe bleboka bo ulusilomaʾ aboka mololamna.

1 KORINTUS 10:13

Ugunuk an sunulyamalesil sununaʾ ara, yok nimi nidyaʾ anaba, sunulyamalesil soknya nek ulusil. Dara, Imik Neyung ara hyak bojam ululanya ulumlakanya, ugunuk yokaʾ adya senenggomaʾ sunulyamelesil dara, Imik Neyung adya ugunja migiba sunuwoka, uka nauba sunulwenenggom henemla. Dara, ugunuk sunulyamalesil sum era, ugunda pe siklewoka ululumaʾ aboka, Imik Neyung adya pika bak lobnesil.

1 KORINTUS 14:16

Dara, anja ganya adya Imik Neyung ak perob aboka mololemnelam bok, yok nim edya anja mololomenaʾ ara, yok yuba saboka mololemen adya kebnenggublya adya, anja mololemen molonaʾ ek hekaʾ huboka perob henemso do?

2 KORINTUS 1:20

Anasa Yesus pik anyeb uboka, Imik Neyung ara, alja unuwanamna aboka lemoknya nera, nidyaʾ ”Or” anaʾ ok ulumla. Wera anadya Kristus pik uboka, nunda Imik Neyung si imik nenewanobaʾ aboka, ”Aldib e,” alamab.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

1 TESALONIKA 1:10

Dara onoʾ al ugunsamba yok nim edya dara, imik ululanya Imik Neyung bedya, nera Yesus anyek, Imik Neyung adya nimi somoknaʾ ak ab embengaʾ suboka bukiyiwoknya benyek, al yanamlaʾ amba leboka, ugunja ganya nebom aboka diri ululumnya nenesa unulumak aboka neklesak. Dara ban Yesus anedya, Imik Neyung adya yu ganya boboka obnesilaʾ ak ab nunda blebnesil.

2 TESALONIKA 3:3

Bok Imik Neyung ara alda bojam hwam ok ululanya. Anasa alja ugunuk ganya migib neneb eleganesilikanya, nimi malya nenesinaʾ ak ab leileiwoka blebnesil.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

IBRANI 11:36

Dara hnon nang era derewoka walasik, anya hnon yok nang era henga gouboka saragenaʾ ek sam beillilisik.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

2 PETRUS 2:9

Anasa ban eini lebmanaʾ adya eillilemab. Imik Neyung ara alak ella uboka, pe ulumak nim era, sikenek yokaʾ-yokaʾ adya geregoka malya nenelesil sum era, har so blebnamnaʾ ara pe ella ulumla. Dara onoʾ Imik Neyung ara, nimi malya ulumak nim era sidyaʾ daknamla sum ek henga geregoka yana lelewanamna senewoka, ban amba bo unaʾ ara alda ella ulumla.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

WAHYU 19:1

Ban nen seleb dara, imik heikek ara, nimi gong longowoka yuba irir aboka salamnaʾ anaso ak kebsaʾ ara, ”Haleluya! Imik Neyung ak or giblenob e! Blebsinaʾ ab, si imik nenenaʾ ab, migib unaʾ ab dara, nunjaʾ Imik Neyung aljaʾ ak ulumla. Alak giblenob e.

WAHYU 19:4

Dara, domdaraʾ badya nonga kaboka wa borob nang eb, yok gamyakaʾ dombadyaʾ ab dara, Imik Neyung alja ekla bunaʾ ak bulumoknya bek oumuwoka, ”Amin! Haleluya! Aldib e, or Imik Neyung ak giblenob e!” wenyaro giblemek.

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”

WAHYU 21:4

Imik Neyung adya sikja heng mekaʾ nidyaʾ ara lubnesil. Youmaʾ ek malya nenelesukaʾ damoka nidyaʾ ara denghenemlaʾ adya, somoknaʾ damok ara hnon ubnenggunumla. Ganya sugunaʾ ab, engenaʾ damok ab, ok ulusilaʾ ab, yokaʾ-yokaʾ nidyaʾ igina kwelesilaʾ ara, hnon sounuwoka ubnenggunumla,” wenyalamok.

WAHYU 3:10

Anda nadya yub ek dib senewoka pe siklewoka unululamaʾ anasa, nababya amba lunuwoka soko me nidyaʾ igina kwebnesil sum ek ab kemero ubnenggen. Ban unuwanamlaʾ ara soko nimi nidyaʾ ak sunuwanasil.”

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.

WAHYU 5:13

Dara nara gamyakaʾ ulumlaʾ imik heik ab, sokok ab, soko damumduk ab, nauba mek gwanek ab, ane lomok nidyaʾ ulumlaʾ ara wenyalamekja, ”Al mok heik enyek an ekla bunaʾ eilib bululanya beb, domba pam me ab dara, giginaʾ nauba ab, nauba senewoka gibnaʾ ab, si imik nenenaʾ ab, yokaʾ len migib eb dara, siksamba hyak sobaʾ ulmorulumnamla!” wenyaboka lelemek.