MATIUS 6:10 - PERJANJIAN BARU NALCA YUBA

¹⁰ Anda nunjaʾ dubnya ululam. Anadya wera sokok an wenelemnesilim. Anja senelelamaʾ ara, imik heikek sam gigiwoka unulamla sok, sokok anaba unululul.

MATIUS 6:10 ပူးပေါင်းရင်းမြစ်များ

MATIUS 12:50

Nadya neyung be imik heikek ululanya bedya alja unuwanok senelamlaʾ anyek, unulumak nim era, nadya weisabo, nadya hmal gelewa, nadyaʾ genong yab ulumakaʾ ara an,” hyok.

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

MATIUS 26:42

Dara onoʾ Yesus ara saaboka hnon molol byuukanya lebokaʾ ara, ”Wei neyung, ban igin yakaʾ enyek mok nenenaʾ loboka, or kwebnenel bok dara, wera neyung, or anja senemenya nok or unuwolul,” hyok.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 4:17

Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

MATIUS 7:21

”Nimi nak, Wenelesilimnya o, Wenelesilimnya o, alanyak nim era, nidyaʾ Imik Neyung wenesin heikek weknenggunumak bok, alda nadya neyung be imik heikek ululanya bedya unuwanok senelamlaʾ anyek unulumak nim ok weknemak.

MARKUS 11:10

Nunjaʾ neyung Daud alja wenewoka bo usinaʾ yanalanya nera, perobaʾ ak ulumnamla. Anasa, im nongok anaba, alak giblenok e!” aboka lelemek.

MARKUS 3:35

Imik Neyung bedya unuwanok senelamlaʾ anyek unulumak nim enyek, sikenek danyek, nadyaʾ hemyabo, nadya hmal gelewa, nadya genong yab ulumakaʾ ara an,” wenhyok.

LUKAS 19:11

Yesus ara anam yuba salamokaʾ anasa kelemek salek, nim adya dara, Yesus ara Yerusalem heikek berem ulumokaʾ anasa, Imik Neyung adya wenyok nong sokok sam wenelemnesil senemekaʾ anasa, wera onoʾ ban sununaʾ enyek hnon sunuwoka lebsukaʾ ara,

LUKAS 19:38

Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

LUKAS 22:42

Alja Imik Neyung ak ara, ”Neyung o, or dara, nak an nauba igina kweboka gweklamnaʾ anyek mok nenewalom. Bok nadya senenenya nek gom, alda anja unuwanamna senemenya nenyek or unuwanelom,” aboka mololemok.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

RASUL 13:22

Dara onoʾ eimik enyek, Imik Neyung adya Saul bera doro bobogoka, Daud bek Israeli nang dubnya lunuwoka sekiyimok. Dara benesa leboka, Imik Neyung adya lebok ara, ”Isai bedya me Daud bedya, alda hyak nadya ganya pe angawoka hekellilinelnya eiyimna. Daud bedya eimik nadya unuwaso senelamna nidyaʾ ara pe unuwananel.

RASUL 21:14

Nunja mem aboka lelemoubnya nera, Paulus bera kesinaʾ lobsuk dara, nunja Paulus bek Yerusalem heikek banaʾ loblom anaʾ ara lobuba. Alda nunja dara, or Imik Neyung adya alja senelenya donok Paulus bek unuwolul aboka lemouba.

RASUL 22:14

Wera Ananias bedya nak lebnyok ara, Nunja neyung yabo sikja Imik Neyung adya, anda alja senelamla anyek ella dalom aboka dara, alja pelelanya eiyiwoka, alja yuba nong ak ab kebnelam anasa, gaboka donggel.

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

EPESUS 6:6

Nim adya heng eiyiwoka unu welemak aboka kemelesija salek ok perob seneweisinok senen ganya boboka wenggom, mem. Alda Imik Neyung adya senelamlaʾ ak unulumak nang geknewaʾ Kristus yuba domek nang ek adya, alsamba ganya gouluwoka welelulum.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

KOLOSE 1:9

Anasa, an unu ulumak an yub kebub salek eb moruwoka, nunda ugunsamba sobaʾ heng uboka mololdibilloklesab. Ugunda Imik Neyung adya senelamla ganya anyek pe munaʾ gobdo ella ublulumaʾ aboka, yok-yok Imik Neyung ak ab geremseng un ganya ab, yuba domna adya ella un ganya ab, boblulum aboka nunda mololosab.

1 TESALONIKA 4:3

Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil.

1 TESALONIKA 5:18

Yesus Kristus mab ululumaʾ anasa, nidyaʾ ulusilnya nemba, giblelulum. Imik Neyung ara nenyek perob senelesil.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

IBRANI 10:36

Ugunda Imik Neyung adya unuwanok senelamlaʾ anyek pe unulumunaʾ adya, pe ulumeijaʾ amba deknaʾ dobnemak hyokaʾ ara dib dobnelum aboka, ganya siklewoka pe ulululum.

IBRANI 10:7

Anasa leboka nadya dara, Imik Neyung o, wera nara an! Kerob bukuk sam nasamba leboka momnya dobokaʾ sunuwoka, nara anja seinililamnya nenyek unuwonunaʾ aboka yeilimsa,” hyok.

IBRANI 13:21

ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

1 PETRUS 2:15

Anasa Imik Neyung adya ugunuk seinilesilaʾ ara, ugunja perob ununaʾ enedya, dongdang aboka malya yuba saro yabalamak nim edya sibamaʾ era, yuba geleganok senelamla.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 12:10

An nen seleb dara, nara onoʾ imik heik ab yuba hnon nauba lel yabokaʾ ak kebsa: ”Wera ban nunja hemyab ek, yubyek inimnek Imik Neyung bek miniwoka, meknelum alalanya bera, imik heik ab seleb boublinggal anasa, Wenera Imik Neyung ara alja nimi blebsin salek! Wenera Imik Neyung ara dubnya wenesinnya bemba alja migibaʾ laga dal salek! Anya onoʾ alja bokol yeilisuknya, Kristus beneba alja wenesinaʾ laga dal salek!

WAHYU 19:6

Dara nara, onoʾ nimi gonga longowoka yuba irir aboka salamna anaso ab, mek lumdam yub ollallek anaʾ anaso ab, liminga gururu anaʾ yub anaso ab dara, an unurub digum anasoʾ adya wenyalamokaʾ ak kebsaʾ ara, ”Haleluya! Nunjaʾ Wenelesilnya Imik Neyung senenggom migib yaknya bera, wera seleb dubnya dangoka wenel yabalasil. Imik Neyung ak or giblenob e!

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.