MATIUS 6:1 - PERJANJIAN BARU NALCA YUBA

¹ ”Ugunda keeboka pe seiniwanalum, nimi yok nim eibsunukaʾ aboka, ugunja perob unaʾ era, nimi hnoum ak ununggom, mem. Ugunda anaso unulumun dara, ugunja neyung imik heikek ululanya bedya dara, ugunuk lunuwoka deknaʾ eleganggunusil.

MATIUS 6:1 ပူးပေါင်းရင်းမြစ်များ

MATIUS 16:27

Duboka mandenaʾ loboka, nimi dibaʾ me neb, alja lero nang eb, alja neyung bedya nong senedyaʾ pik uboka yanamak. Ban sum enyek, nimi nidyaʾ sikja unulumekaʾ sunuwoka yok-yok deknesil.

MATIUS 16:6

Yesus adya sikenek, ”Ugunda Parisi nim eb, Saduki nim eb dadya, roti welenaʾ ak anyek, hyak pe keeboka ulululum,” hyok.

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

MATIUS 23:5

Sikja unulumaknya nera, nimi yok nim edya pelemak senenanya nenyek laga unulumak. Sikda Imik Neyung ak giblenunaʾ aboka gweidyaʾ sobnedamaʾ ab warana ongolmorun akleng eb dara, nimi kemen danasa ongolomak!

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

MATIUS 5:46

Anasa ugunda ugunuk an wanaʾ ulusak nim ok numbabya wanaʾ ulunob senelelum dara, hekasa Imik Neyung ara ugunja unululumaʾ sunuwoka perobaʾ eleganesuso do? Anaso ganya era mok soko amba rupiah molowoka dolomak nang eneba ganya en boboka unulumak.

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

MATIUS 6:16

”Ugunda Imik Neyung amba gwanenga lobnelum dara, hogunga boluma yobuka sene bol nenelemak nang ulumak sok unaʾ ara mem. Sikda hogunga yok uboka giblamna dara, yok nim edya sikda Imik Neyung amba gwaneng lomak aboka ella danokaʾ aboka unulumak. Dara, wera sikda alan seleb deknaʾ dolomak an, anera dib lebsin.

MATIUS 6:9

Anasa molowanamun dara, ban nenyek leboka molowanalum: Nunja neyung imik heikek ululamnya o, anja si nera munaʾ gobdo geisa ululul.

MARKUS 8:15

Dara Yesus adya sikenek, ”Ugunda Parisi nang eb, Herodes beb, sikja roti gwaneng welenaʾ enyek ab, hyak pe keeboka ulululum,” hyok.

LUKAS 11:35

Anasa wera, ugun an ulusil dilinaʾ era, gunaʾ deisilyek anasa, keeboka ulululum.

LUKAS 12:1

Nimi denga sal-salyaʾ anyek dokol dalameekanya, yan ingib sabdangda balamek. Wera nimi dara mamagal yalamek dara, Yesus ara alja yuba doro diriga ban nang ek, ”Ugunda Parisi nang edya roti welenaʾ enyek keeboka diri uldalalulum. Nadya lebnanya nera, sikja sene or-or lelesaknya nenyek lebna.

LUKAS 12:15

Dara onoʾ Yesus ara nimi nauba ulumek nim ek an, ”Nim ara bonaʾ dubnya ulumnaʾ anaba, embeng unaʾ ara anyagan anyek ganya kweboka unggulumakaʾ anasa, hmabaʾ ganya ab yokaʾ-yokaʾ sunulusilaʾ ak ab keeboka pe diri uldalalulum,” hyok.

LUKAS 16:15

Bok Yesus adya sikenek lebsukaʾ ara, ”Ugunda nimi hnoum ara, pe ulumak nang de senen dangalalum bok, ugunja ganya lomok ara, Imik Neyung adya ok ella ulusil. Nim adya hnon perob senelemaknya nera, Imik Neyung adya dara, hyak lek senelamla.

YOHANES 12:43

Ban unulumekaʾ damok ara, Imik Neyung adya nuk perob senesin danagom, nim adya danyek nauba gigilesinok senewoka ulumek.

YOHANES 5:44

Ugunda Imik Neyung be hnonok ok ululanya bedya gigiwousululaʾ aboka enaʾ loboka, alda ugunuk nimi yok nim edya nuk gigilesinok senewoka hogunga bo elelum dara, hekadya ugunda dib senewanasom do?.

RASUL 3:12

Wera, Petrus bera nimi nauba eiyimok dara, sikenek, ”Wei ugunda Israeli nim o, ugunda hekasa ban unumlaʾ ak loka dasil do? Ugunda hekasa nuk ngekellublesulum do? Ban nonga heiboknya bera nunja migib edya gom, nunda hyak pe ulunam adya gom, yan ingi yabalamla senelum de.

GALATIA 6:12

Nimi nuk perob seneweisinokaʾ aboka hogunga bo elemak nang edya, bolaʾ garanaʾ yub ara, unuwanalumaʾ aboka goklesak. Sikda ban unulumaknya nera, Yahudi nang edya Kristus oboka gal ak glamek yub emba leboka lobaʾ neneweisijik aboka ulumak.

IBRANI 11:26

Alja ganya seininaʾ era deknaʾ donaʾ anyek mamokaʾ adya, alda Mesir mok soko nidyaʾ perobaʾ digum ak ab dara, Kristus anasa leboka derelesaknya nenyek hyak senenggomaʾ perob bonaʾ senelemok.

IBRANI 2:1

Wera anasa, nunja kemoubaʾ anyek, mek-mekaʾ uboka mok danggiga bibyek anasa, nunja seleb keboka domoubaʾ ak ara, hyak pe salabmouboka ulumnemab.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

2 YOHANES 1:8

Wera nenesa, nunja ugunsamba memesubnya nenyek weininggomunuk aboka, pe diri bo ulululum. Imik Neyung ak ab perob deknaʾ ugunja welelumaʾ sunuwoka dobgogowanob senewoka yeiriwoka keebmoublulum e.