MATIUS 5:7 - PERJANJIAN BARU NALCA YUBA

⁷ Nimi yok nim ek angoo yadyek senewoka aralasak nim era, Imik Neyung adya sikbabya lunuwoka angoo senewoka arawanasil bok anasa, pe ulumak!

MATIUS 5:7 ပူးပေါင်းရင်းမြစ်များ

MARKUS 11:25

Anya, ugunda heng uboka molowanamun dara, yok nim ek meknewanyok senemun dara, ugunja neyung be imik heikek ululanya bera, ugunja meknenaʾ eneba doboka bobogosululaʾ aboka, unu seinibdangamunya nera, men meebdanalum, hyok.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

ROMA 11:30

Anasa dara neikik, ugunda youmaʾ dara Imik Neyung pe kenggululum, bok wenera sikjaʾ pe kenggom enesa, ugunda angoo yadyek senewoka arasina ganya era dololum.

1 KORINTUS 7:25

Wera gela nenya dobdanggom nim emba lebnamna. Ban nenesemba dara, nara Wenelesilnya bek ab yuba hnon okoka neknenggunyok bok, Wenelesilnya bedya nak angoo yadyek senewoka eleklenelnya bedya, ban senelenanya nenyek neknesin.

2 KORINTUS 4:1

Imik Neyung adya nuk angoo yadyek senewoka namen ubsukaʾ adya, ban wa nenera doboka welemab. Nenesa leboka, nunda okna bar aboka hmeng ganya bonggulumab.

EPESUS 4:32

Alda ugunda perob ganya bobdangoka, nimi nidyaʾ ugun moumen wanaʾ uldalalulum. Hnonda Imik Neyung adya Kristus pik uboka, ugunja malya unaʾ doro bobogousuk sok, ugun moumen malya unaʾ doro bologoldalalulum.

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

1 TIMOTIUS 1:16

Bok ban nak malya unaʾanya bek an ununyoknya nera, Yesus Kristus adya nim ek angoo yadyek senewoka arasinaʾ anyek aawosululaʾ aboka nak unyok. Nak dara, hyak malya unaʾ hwamnya ulusebok anasa, Imik Neyung ak dib senewoka embengaʾ unaʾ dobnemak nim enyek eiyiwoka unuwanokaʾ aboka, nak men ununyok.

IBRANI 4:16

Wera anasa, nunda alja araweisiso senelamab salek era, angoo yadyek senewoka arasinaʾ ab, wanaʾ uboka eleksinaʾ ab, dobnobaʾ aboka, Imik Neyung nunja aralesilnya bek ara, asaʾ ganya boboka, aljaʾ perob eleksinaʾ saramek sam ara balanob.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

YAKOBUS 2:13

Anasa wera, Imik Neyung ara nim angoo yadyek senen ganya orok bok yana lelelemak nang ek, albabya angoo yadyek senenaʾ loboka yana lelewanesil. Angoo yadyek senewoka arasinaʾ ara hyak migib nong ak ululabok, nimi yana lelenaʾ ak dara, or mek so ak ulumla.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

1 PETRUS 2:10

”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.