MATIUS 5:46 - PERJANJIAN BARU NALCA YUBA

⁴⁶ Anasa ugunda ugunuk an wanaʾ ulusak nim ok numbabya wanaʾ ulunob senelelum dara, hekasa Imik Neyung ara ugunja unululumaʾ sunuwoka perobaʾ eleganesuso do? Anaso ganya era mok soko amba rupiah molowoka dolomak nang eneba ganya en boboka unulumak.

MATIUS 5:46 ပူးပေါင်းရင်းမြစ်များ

MATIUS 11:19

Wenyek dara, nimi dibaʾ me nera, alda yeiniboka gwanenga deregoka, meka deregoka ulumla dara, nim adya dara, Ugunda benyek kendululum! Denaʾ hwamnya, malya meka salyaʾ denya, mok soko amba rupiah molowoka don nang eb, malya unaʾ nim eb dadya sikjaʾ hem benyaʾ, alamak. Ban wenyalamakaʾ anyek, perobaʾ uboka geremsengaʾ ara unulumakaʾ damokok onob laga geknel balamla,” hyok.

MATIUS 18:17

Wera ban nang enedya anda aldib malya ublum aboka lebnemak bok, bera kebnenggunusil dara, alja malya umlyaʾ ara, Imik Neyung yuba donaʾ nim ek laga lebnelum. Wera onoʾ Imik Neyung yuba donaʾ nim edya, wenewanamak bok, kebnenggunusil dara, alda Imik Neyung ak elgomnya gom, mok soko amba rupiah molowoka doro unya gom, anaso ak ulumla senelemnelum,” hyok.

MATIUS 5:47

Imik Neyung ak elgom ulumak nim eneba unulumak bok anasa, ugunda ugunjaʾ hemyab ok perob aboka giboka ulumnelum dara, pelelum de?

MATIUS 6:1

”Ugunda keeboka pe seiniwanalum, nimi yok nim eibsunukaʾ aboka, ugunja perob unaʾ era, nimi hnoum ak ununggom, mem. Ugunda anaso unulumun dara, ugunja neyung imik heikek ululanya bedya dara, ugunuk lunuwoka deknaʾ eleganggunusil.

MARKUS 2:15

Wera Yesus ara Lewi bedya ek sam bukoka denaʾ neikaʾ delemek dara, nimi nauba rupiah molowoka dolosik nang eb, heik yokaʾ nim edya malya nimi senelesik nim eb, nimi nauba Yesus ak hnonda diriga ban nang ulumekaʾ anasa, Yesus ab, alja yuba doro diriga ban nang eb, sikeneblaboka delemek.

MARKUS 2:16

Wera anasa, Parisi nim edya Yesus ara rupiah mok soko amba leboka molowoka dolosik nang eb, heik yokaʾ nim edya malya nimi senelesik nim eb, neikaʾ bukoka delemekaʾ ak eiyimek dara, sikja Yesus adya yuba doro diriga ban nang ek, ”Hekasa ugunjaʾ yuba neksinya bera, mok soko amba rupiah molowoka dosin nang eb, malya nang eb neikaʾ bukoka delemak do?” aboka heibsik.

LUKAS 15:1

Yok sum enyek, rupiah molowoka dolosik nang eb, heik yokaʾ nang edya dara, malya nang senelesik nang eb dara, Yesus yuba lelesukaʾ ak sam dol yeilimek.

LUKAS 18:13

Bok mok soko amba rupiah molowoka dolomoknya bera, alda mok sam sekoka, imik sam kemel weiningnaʾ anaba loboka, saraʾ sibuka obdangoka lero mololemokja, Wei Imik Neyung o, nak malya unaʾanya bek an angoo yadyek senewoka arawanelom e, aboka mololemok,” hyok.

LUKAS 19:2

Yerikho heikek ara, mok soko amba rupiah molowoka donaʾanya bonaʾ dubnya ben hnon, alja si nera Zakheus bek ulumok.

LUKAS 19:7

Nimi nidyaʾ ara anyek eibek dara, hyak nauba dogom eleng alamek. Anya sikja lelemekaʾ ara, ”Wei, hyak malya nongnya bedya ek nim e bul bilimla bar!” aboka lelemek.

LUKAS 3:12

Dara mok sok amba leboka rupiah molowoka dosin nanga hnon, meka dabsululaʾ aboka yeilimeekanya sikda Yohanes Pembaptis bek, ”Neyung neklesilimnya o, nuk dara, hekaʾ ak huwanesibya do?” wenyaboka heimek.

LUKAS 5:29

Dara alda Yesus ab neikaʾ denenam aboka, alja ek denaʾ youlomok. Rupiah molowoka dolosik nang gong eb, nimi nauba yok nim eb neikaʾ bukoka delemek.

LUKAS 5:30

Parisi nanga hnon, Yahudi Imik Neyung yuba neksin nanga hnon wene nang edya, sikda lek ganya bomeekanya, Yesus adya alja yuba doro diriga ban nang ek, ”Ugunda hekasa rupiah molowoka dosin nang ab, malya nang eb, neikaʾ delelum do?” aboka heibsik.

LUKAS 7:29

Nimi nidyaʾ nim, mok soko amba rupiah molowoka dolomek nang eb danaba, Yesus adya ban wenyaro lelemok yuba kemek nim era, Imik Neyung adya unulululum hyok yuba perob senemek nim era sik nong anyek, anya Yohanes bedya meka dasuk nim era Imik Neyung adya peldisinaʾ anyek dib senewek.

LUKAS 7:34

Dara ono, nimi dibaʾ me nera yeiniboka, alda gwanenga meka deregoka ulumla enyek, ugunja dara, Ugunda benyek kendululum! Denaʾ hwamnya, yu meka deregoka ganya uu anaʾ hwamnya, rupiah donaʾ nang eb, malya unaʾ hwam nang edyaʾ sikjaʾ hem benya, alalum.