MATIUS 5:37 - PERJANJIAN BARU NALCA YUBA

³⁷ Yokaʾ-yokaʾ nauba dara, bisaʾ ak ab yalamla anasa, Yo gom, Orok gom, ok leblulum,” hyok.

MATIUS 5:37 ပူးပေါင်းရင်းမြစ်များ

MATIUS 13:19

Yinaʾ pikek sam yama yinggilimoknya nera, damok ara nim Imik Neyung adya wenelemnesil yub era kelemak bok, pe ella danganggulumak. Sikjaʾ ganya ak doklomak yub era malya unaʾ damoknya bisaʾ adya yeiniboka gwenelamla.

MATIUS 13:38

Wa ara soko ara an. Perob yinaʾ ara, nimi nidyaʾ Imik Neyung mabo dangalamak nim era an. Walenja ak dara, bisaʾ ak sam maklemak nim era an.

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

MATIUS 5:36

Ugunda hong doka hnonok sibin anaba, ugunja dara, mirin gom, kul honga nenewanggunusomaʾ anasa, nadya huk edya anaso dib unuwanggunumna anaʾ ara mem.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

YOHANES 17:15

Neyung o, sik nong anyek sokok anyebaʾ ara dobsilomaʾ aboka molonggulumna. Alda sikenek malya unaʾanya bedya obsilyek aboka, anja pe bleboka bo ulusilomaʾ aboka mololamna.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

EPESUS 4:25

Anasa ugunda nidyaʾ ara sonda leldanaʾ ara hyak mem. Nunda nidyaʾ ara Kristus alja hnonok nong ak ulumab bok anasa, gunun ganya bonaʾ loboka, dib yub ok saldalamnelum.

EPESUS 6:16

Onoʾ hnon, Imik Neyung ak dib senen ganya enyek, bisaʾ mala leilinaʾ dibaʾ bololulum. Wera an dib senenaʾ enedya, bisaʾ adya uk sirikaʾ mala naklesilaʾ nidyaʾ ara, saranggeldilimnelum.

KOLOSE 3:9

Ugunda youmaʾ ululum ganya nong ek dara, seleb gwirib loblum anasa, anya wenyok ganya nong unaʾ era, alja uyimoknya bedya ganya gigiwoka ella ubnok aboka, sob-sobaʾ wenyeknya gebgiga balasil anyek, seleb ongowolum anasa, ugunda sondaʾ leldanaʾ ara mem.

KOLOSE 4:6

Ugunja yuba sabnelumaʾ anaba, wanaʾ un yub ok namen lebnalum bok, onoʾ angawom anaʾ dibaʾ gasa sonya hnon salalulum. Anedya yok nimi nidyaʾ ak yuba sabdanalum dara, hekaʾ uboka saawoka sabnamna senewoka ella ubnalum.

2 TESALONIKA 3:3

Bok Imik Neyung ara alda bojam hwam ok ululanya. Anasa alja ugunuk ganya migib neneb eleganesilikanya, nimi malya nenesinaʾ ak ab leileiwoka blebnesil.

YAKOBUS 5:12

Hyak men mem nongaʾ ara, ugunda im ak si sibuka, soko ak si sibuka, yokaʾ-yokaʾ ak si sibuka laga dib unuwanamna aboka mema lenaʾ ara hyak mem. Imik Neyung adya igina yakaʾ boyiwesilyek anasa, ugunja lebnemunaʾ ara dib dara, ”Yo” hululum, sondaʾ danalyebok dara, ”Orok” hululum.

1 YOHANES 2:13

Neyung yab o, ban ugunuk momnya dobsinaʾ ara, men youmaʾ youbuka ulumoknya bek seleb ella ululumaʾ anasa, ubsin. Goubenya nang o, ugunuk ara yu hwam bisaʾ enyek seleb oblamakalumaʾ anasa, momnya dobsin.

1 YOHANES 3:12

Kain bera bisaʾ wa wenya dangoka, alja weis oboksonya nera, nunda ununaʾ ara mem. Hekasa Kain bera alja weis ek omok do? Nera alja unulumoknya nek dara, malya bok, alja weis edya unulumoknya nera perob anasa, obok.

1 YOHANES 5:18

Nimi nidyaʾ Imik Neyung mabo seleb dangamek nim era, sob-sobaʾ malya unulmorunggulumakaʾ ara nunda ella ulumab. Nera Imik Neyung alja me adya sikenek goluwoka bo ulusil dara, bisaʾ ara sikenek yokaʾ-yokaʾ hnon ununggulusil.