MATIUS 5:30 - PERJANJIAN BARU NALCA YUBA

³⁰ Dara alda anjaʾ sirik soruk edya anak malya ul eleklenggelya dara, soruk era garabdangoka boboganalam. Nong gekman uka desin heikek gokgelyek anasa, soruk ak darasam leboka bobokdangoka ulumen dara, perob so ulumnesom,” hyok.

MATIUS 5:30 ပူးပေါင်းရင်းမြစ်များ

MATIUS 11:6

Nak an solom ganya boboka lek senenggulunyak nim era, or pe ulumak!” hyok.

MATIUS 13:21

Bok, sikja dolomak Imik Neyung yub ara yarenga eleknenggulumlaʾ adya, sikda pe bobmoruwoka unggulumak. Sikda Imik Neyung yuba dobnaʾ amba leboka, ganya okna dabel yaban gom, yok nim edya ol yabasin gom dara, gobdo malya dangalamak.

MATIUS 16:23

Dara Yesus ara Petrus bek uruma dangawoka, alak lebokaʾ ara, ”Nimi sunulyamanaʾ hwamnya Satan o! Anyaganyebaʾ ara bilom! Anda nak salyaʾ pika garalenelem an. Anja ganya seininaʾ era, Imik Neyung adyinya nek seininggululam bok, nim adyinya nek seinililam!” hyok.

MATIUS 17:27

Bok nuk dara, rupiah dolomak nang ganya angwei seneweijek aboka, lobnenggunumab. Anda mek gwanek sam hadyaʾ dol binilam. Men dobmen hadyaʾ enyek doboka beibnelam. Dara, nunja beibnenam rupiah era, hadyaʾ en sibamaʾ ak an bomlyaʾ ak eibnelam. Dara rupiah enyek, dobmenekanya, nunda Imik Neyung ek weknemeibyaʾ amba, rupiah dobnobaʾ aboka welemak nim ek eleganesilim,” hyok.

MATIUS 18:8

Anja meneng soruk edya gom, anja yan edya gom, anak malya ul eleklenggelya dara, unulunggelenya nera garawoka boboganalam. Imik Neyung ab unuruwaʾ orokaʾ anyek un dara perob so anasa, men malya ul eleklenggelyaʾ digum ara men garawoka bobogalom. Orok dara, anja yan soruk gekman nidyaʾ uk ak gokgelyek bar.

MATIUS 22:13

Dara dubnya bedya alja wa wenaʾ nang ek, Wera ugunda ban benyek alja yana soruka henga gouboka hyak gunaʾ nong ulumla ak sam bologol binilum. Dara alda anyaganyeb nauba engewoka si glengdarreb aboka gweklemnamla,” ara Yesus adya wenyhusuk.

MATIUS 25:20

Dara lambadya rupiah domoknya bedya yeiniboka, Neyung o, anja dara, lambadya rupiah ok elegenulum bok, nadya dara, onoʾ sounuwoka lambadyaʾ rupiah dob maksa, hyok.

MATIUS 26:31

Dara onoʾ Yesus adya alja yuba doro diriga ban nang ek, ”Imik Neyung yuba bukuk sam ara, Imik Neyung adya lebokja, Nara sikjaʾ bo usinya benyek obnamna dara, alaʾ mab ara doluwoka bokgokdanamak, wenyaboka lebokaʾ anasa, ugunda sumen inimnek enera, nanokok loboka, yok-yok sen-senem henelum.

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

MATIUS 5:29

Anjaʾ sirik heng enedya eiyiboka malya ul eleklenggelya dara, wera heng era kweboka boboganalam. Dara nong yokaʾ ak hnonok leboka deng an dara perob bok, ugunja nong gekman uka desin heikek goksilyek aboka lebna.

MARKUS 9:43

Anjaʾ meneng soruk edya malya ul eleklenggelya dara, unulunggelya soruk era garawoka bobogalom! Wera sarangganggunumla uka desin heikek sam, nidyaʾ penya soruk gekman bobonggagelyek anasa, darasam soruk mumuruwaʾ anyek, embengaʾ unaʾ ak weknelam dara, pewanalam.

LUKAS 12:5

Alda ugunja loka ulumnelumnya benyek nadya ugunuk aawanasin. Imik Neyung ak ok lok ganya bolomnelum. Al adya, seleb olosil nim era, seleb obgogowan dara, al adya danyek ok uka desin heikek boloklesilaʾ anasa lemna. Aldib unululanya benyek alak ok lok ganya bololulum, hen.

LUKAS 17:2

Yokaʾ gwablemak girik edya ngang ak geregoka mek ek al nonga boboganeseng dara perob. Hnon yok me nenyek benedya malya unaʾ ub elegalyaʾ anyek, omom nonga dalyek.

ROMA 9:33

nera an momnya dobok sok, ”Hyak aldib, nara Sion meinik sam ara soruka beleknaʾ girik ab, yana ouluka diknaʾ girik ab beiyimnamna, dara heknedya alak an ganya aldib senewanamla dara, eimik era alya dabnenggunumla,” wenhyokaʾ ak momnya dobokaʾ ak ulumla.

1 KORINTUS 8:13

Anasa wera, nadya delemnyaʾ adya, nadya hemyabo malya unaʾ ubijek aboka anasa, denaʾ amba leboka, nadya hemyabo malya unaʾ gaka malelebok dara, wera nara pam soub ara hyak mekaʾ denggunumna e.

GALATIA 5:11

Hemyabo nang o, nak dara, bolaʾ garawanalum an yub enyek anam lero yabalesinya bok dara, hekasa nak ara lobaʾ nenewaneneseng do? Wera an unulusinya bok dara, Yesus oboka gal ak glamek yub era salyaʾ ouluk diknaʾ girik anaso unggulumnamso.

1 PETRUS 2:8

Anya, ”Nimi yok oluka diknaʾ girika dok, hnonda alja yok nim ek malyanggal dilisil girika dok,” hyok. Nimi nidyaʾ oluka diklesilaʾ ara, Imik Neyung yuba nong ak dib senenggulumakaʾ nong adya ulusil. Nenesa leboka, sikda yuba dib senenaʾ orok nim era, ban amba orowek gegewoka beibsuk.