MATIUS 5:3 - PERJANJIAN BARU NALCA YUBA

³ ”Nimi hnon, nara ganya garan denaʾ nim enyaʾ senewoka ulumak nim era, sikda Imik Neyung wenesin heikek ulumnemakaʾ anasa, pe ulumak!

MATIUS 5:3 ပူးပေါင်းရင်းမြစ်များ

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

MATIUS 11:6

Nak an solom ganya boboka lek senenggulunyak nim era, or pe ulumak!” hyok.

MATIUS 13:16

Anya Yesus adya alja yuba doro diriga ban nang ek, ”Bok ugunuk dara, ugunja heng adya eillililumakanya, ugunja o nedya kelelum anasa, gobdo pelelum.

MATIUS 19:14

Dara Yesus adya, alja yuba doro diriga ban nang ek, ”Banaso mab enyek, Imik Neyung wenesin heikek weknemak nim era anaso ulumnemakaʾ anasa, ugunja sikenek nak yangganaʾ mem aboka yuba seknenggom, mem. Alda or nak yalanok,” husuk.

MATIUS 24:46

Dara, aljaʾ neyung be yanamla sum, ban wa oruga bililenya bera, wa pe welemlyaʾ anasa, dubnya bedya eiblya dara, wa welelenya bera perobaʾ dolul.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 8:11

Hyak dib nongaʾ ara ban! Nimi nidyaʾ yali sam ab hnon, kemban sam ab hnon, Abraham beb, Ishak beb, Yakub beb, neikaʾ hiboka Imik Neyung bedya wenesin heikek sam dero weknemab aboka yanamak.

MARKUS 10:14

Wera anyek eiyiboka, Yesus ara alja yuba doro diriga ban nang ek yu ganya boboka lebokja, ”Imik Neyung wenesin heik era, banaso nang amba ulumla. Anasa sikenek ara mem anggom, nak or yanok.

LUKAS 11:28

Bok Yesus adya dara, ”Nauba so ara, nim Imik Neyung yuba keboka pe unulumak nim enyek, hyak nauba pe ulumak!” hyok.

LUKAS 18:14

Onoʾ Yesus adya lebokaʾ ara, ”Anasa ban lebsin, Ban penya nang dara, sikjaʾ ek seleb birik dara, Parisinya bera loboka, alda mok soko amba rupiah molonanya benyek, Imik Neyung adya pemnaʾ gebok. Anasa nimi nidyaʾ imik neneldalamak nang era, sokok nenewanasilikanya, ganya sokok nenebdangoka ulumak nang enyek, imik nenewanasil,” hyok.

LUKAS 22:29

Nadyaʾ neyung bedya nak yok nang ek orugoka wenesin migib eleganyok sok, onoʾ nadya dara, migib era ugunuk elegeisin.

LUKAS 22:30

Anedya wera, nara mok soko dubnya danamna sum era, ugunda nablaboka neikaʾ ganya eiya daboka ulumnemab. Anya ugunda obadya senenggom nang ekla bunaʾ ak bukoka, onoʾ obadya nang nimi yilaʾ yana lelemnesulum,” hyok.

LUKAS 4:18

”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok.

YOHANES 20:29

Dara onoʾ, Yesus adya Thomas bek lebokja, Anak dara, nak ok okoka eibnelemaʾ anasa dib senewanelem bok, nimi yok nimi nak heng eilinenaʾ orokjok, nak dib senewanyak nim era, hyak pe ulumak,” hyok.

YAKOBUS 1:10

Bonaʾ dub nim era holaʾ esaʾ anaso ak haboka denghenemak bok anasa, onoʾ alda bonaʾ dubnya bok yuba dololanya bera, alak Imik Neyung adya sokok nenelamla dara, alda or perob aboka ei-ei ganya bololul.

YAKOBUS 1:12

Yokaʾ-yokaʾ sunulyamalamla salek enyek, ganya siklewoka ululanya bera pelemlaʾ nong ara an. Anasa wera, ban benera unu sunuwalyebok, alda ganya pe siklewoka ulumlya dara, wera Imik Neyung adya alak wanaʾ ulumeija nim ek embeng unaʾ eleganesin wenyasuknya nera, al hnon eleganamlaʾ anasa, pe ulumla.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

WAHYU 19:9

Dara onoʾ lero adya nak hnon, ”Banyek momnya dobnelamaʾ ara, Sik domba me gela dobnamlaʾ ak an masa del yanalum henesil nim era pe ulumnamak, momnya dobnelam,” henyok. Dara onoʾ hnon lebokja, ”Ban lebna yub dara, Imik Neyung bek ab uboka, hyak aldib nongaʾ ak lebna yub era an,” wenyhenyok.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.

WAHYU 3:17

Dara anja lelelamaʾ ara, nara bonaʾ dubnya uboka, yokaʾ-yokaʾ nidyaʾ sangaʾ ok ulunel aboka, anasa yokaʾ-yokaʾ ak ara, bunya buknenggunusinya, alalam. Bok an nong ara hyak malya nongaʾ anyek senggeiriwoka igina kwelenggel bok, ella unggululamakanya lelelam! Anda bonaʾ garan uboka, akleng ongonaʾ orokaʾ anyek, henga luma yajokaʾ ak ululam.