MATIUS 5:29 - PERJANJIAN BARU NALCA YUBA

²⁹ Anjaʾ sirik heng enedya eiyiboka malya ul eleklenggelya dara, wera heng era kweboka boboganalam. Dara nong yokaʾ ak hnonok leboka deng an dara perob bok, ugunja nong gekman uka desin heikek goksilyek aboka lebna.

MATIUS 5:29 ပူးပေါင်းရင်းမြစ်များ

MATIUS 10:28

Ganya nong anyek on nim era hnon unggulumakaʾ anasa, alda nong bolaʾ dem anyek olomak nim ek, ugunda lok ganya bonggom, mem. Alda Imik Neyung ak hnonok, nong dem ab, ganya nong ab, nidyaʾ hiboka, oboka somoknaʾ dub heikek sam uka desin heikek dabnesilnya bek ok lok ganya bololulum.

MATIUS 11:6

Nak an solom ganya boboka lek senenggulunyak nim era, or pe ulumak!” hyok.

MATIUS 16:26

Nimi ben hnon sokok ulumlaʾ nidyaʾ ara, nadyaʾ aboka dobnamso bok, aljaʾ nonga weiningganamso dara, alak ara hekaʾ perob danamso do? Goma, nim alja nong unaʾ amba hekaʾ ak amamaʾ ubnamso do?

MATIUS 17:27

Bok nuk dara, rupiah dolomak nang ganya angwei seneweijek aboka, lobnenggunumab. Anda mek gwanek sam hadyaʾ dol binilam. Men dobmen hadyaʾ enyek doboka beibnelam. Dara, nunja beibnenam rupiah era, hadyaʾ en sibamaʾ ak an bomlyaʾ ak eibnelam. Dara rupiah enyek, dobmenekanya, nunda Imik Neyung ek weknemeibyaʾ amba, rupiah dobnobaʾ aboka welemak nim ek eleganesilim,” hyok.

MATIUS 19:12

Anasa nim ara unu ulumnamla aboka beillilemakaʾ adya, hnonda gela donggulumak. Hnonda nim adya unumekaʾ adya gela donggulumak. Hnonda nimi ganya adya ok, Imik Neyung amba pe welenob senewan dara, gela don ganya bonggulumak. Anasa nimi nidyaʾ ban yub enyek keboka dobnamna seneweija nim era or dobnemak,” hyok.

MATIUS 23:15

Ugun yuba neksin nang eb, Parisi nim eb dara, hyak omomaʾ ak ululum! Ugunda hyak sene bol nenenaʾ hwam nim ek ululum! Ugunda nimi hnonoknya bemba, nunja dolomab yub ek nimi hnonok makesilyaʾ anaba aboka, senenggom mek gwan pik biniboka, hnonda hyak mok sam biniboka yeiriwoka elelum. Wera bera seleb ugunja dololum yub ek sam maksin dara, alda uka desin heik delemnalanya uboka, alja yu hwam era lika penya sounuwoka dangalamla.”

MATIUS 23:33

”Ugun nong ara bagaʾ anaso malya unaʾ nim ululumukanya, onoʾ ugunja neyung yab eneba anaso nim ulumek! Uka delesil heikek oboka uka desin heikek ab hekadya nunda blebdanamab senelelum do?

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

MATIUS 5:30

Dara alda anjaʾ sirik soruk edya anak malya ul eleklenggelya dara, soruk era garabdangoka boboganalam. Nong gekman uka desin heikek gokgelyek anasa, soruk ak darasam leboka bobokdangoka ulumen dara, perob so ulumnesom,” hyok.

MARKUS 8:36

Nimi be hnonda sokok ulumlaʾ nidyaʾ ara, aljaʾ ok dangamso bok, benyek alja nong unaʾ ara denghenemso dara, nera perob de?

LUKAS 12:5

Alda ugunja loka ulumnelumnya benyek nadya ugunuk aawanasin. Imik Neyung ak ok lok ganya bolomnelum. Al adya, seleb olosil nim era, seleb obgogowan dara, al adya danyek ok uka desin heikek boloklesilaʾ anasa lemna. Aldib unululanya benyek alak ok lok ganya bololulum, hen.

ROMA 6:6

Nunda ella ulumabaʾ ara, nunja malya unaʾ nong migib era denghelyekanya, nunda malya unaʾ ak kebijek aboka dara, nunja youmaʾ ulumoub ganya nong era, seleb alab neikaʾ gal dubuk glaboka bo somogosuk.

ROMA 8:13

Dara, ugunda nimi malya unaʾ ganya ak sunuwoka ulumnelum dara, ugunda eimik era somoganalum. Bok ban Geisinya pik uboka ugunja ganya nong adya unuwounun senelamlaʾ anyek pika garawoka olomnelum dara, ugunda embengaʾ ulumnelum.

1 KORINTUS 9:27

Nadya nong enera pe mel-mel aboka, nauba sunubdangoka diri uldalamna. Ban unulunanya nera, nadya yok nim ek nauba leboka glinyebok, eimik sum era, na nong anyek lobnelyek aboka, anara unulamna.

GALATIA 5:24

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.