MATIUS 5:23 - PERJANJIAN BARU NALCA YUBA

²³ Anasa wera, nimi ben hnon, nara Imik Neyung amba gibnaʾ bonaʾ bo yalalabok, nimi ben hnonja alak yu ganya bomlyaʾ anyek unuwanyok bok aboka seiniwanamla dara,

MATIUS 5:23 ပူးပေါင်းရင်းမြစ်များ

MATIUS 23:19

Ugunda hyak heng lum nang ululum. Ugunja dara, har nerek perob dib senelelum do? Imik Neyung amba bo beil balamak bonaʾ enyek perob gom, alda uka daboka gibnaʾ oulyang edya munaʾ geblamlaʾ anyek perob gom?

MATIUS 5:24

Imik Neyung ak gibnaʾ bomlyaʾ ara uka daboka gibnaʾ oulyang ek yameb loboka, alak yu ganya bolenya beb neikaʾ hibdeijaʾ seleb danyek, wera saaboka Imik Neyung ak eleknaʾ ara or elegel yanamla.”

MATIUS 8:4

Dara onoʾ Yesus adya benyek an, ”Wei, neyung o! Yok nim ek nara unuwanel aboka nekdo yabanaʾ ara mem. Bok alda Imik Neyung yuba lenaʾ gaknya bek amal dal bilom. Anya, anda aldib merewalamaʾ amba dara, Musa bedya unulululum aboka momnya dobok sok sunuwoka, Imik Neyung amba giboka elegel binilam,” hyok.

MARKUS 11:25

Anya, ugunda heng uboka molowanamun dara, yok nim ek meknewanyok senemun dara, ugunja neyung be imik heikek ululanya bera, ugunja meknenaʾ eneba doboka bobogosululaʾ aboka, unu seinibdangamunya nera, men meebdanalum, hyok.

LUKAS 19:8

Wera ek ab dara, Zakheus bera sekoka Yesus ak, ”Wenelesilimnya o, dibaʾ unuwanamnaʾ ara nadya bonaʾ nidyaʾ ara hnoumunga gaboka, bonaʾ orok nang rupiah deknyekanya, bokoka eleganesin, dara onoʾ nimi nidyaʾ nadya sondaʾ leboka usisa nang era, sikba onsok lunuwoka, dombadya anaso sounuwoka eleganesin!” hyok.