MATIUS 5:22 - PERJANJIAN BARU NALCA YUBA

²² Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

MATIUS 5:22 ပူးပေါင်းရင်းမြစ်များ

MATIUS 10:17

Ugunda henga geregoka dub nang e pik bo biniboka yana lelewoka, onoʾ hnonda Yahudi nim edya yuba don e pik ab nauba lobaʾ nenewoka oboka ulumnesak anasa, ugunda pe keeboka ulumnelum.

MATIUS 10:28

Ganya nong anyek on nim era hnon unggulumakaʾ anasa, alda nong bolaʾ dem anyek olomak nim ek, ugunda lok ganya bonggom, mem. Alda Imik Neyung ak hnonok, nong dem ab, ganya nong ab, nidyaʾ hiboka, oboka somoknaʾ dub heikek sam uka desin heikek dabnesilnya bek ok lok ganya bololulum.

MATIUS 12:24

Wera wenyan yub enyek, Parisi nim edya keboka sikja dara, ”Ban benera bisaʾ dubnya Beelzebul bedya unulumnelam aboka alja migib elegokaʾ adya, bisaʾ arobaʾ yakoka ulusil,” aboka lelemek.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 18:21

Wera onoʾ Petrus bera Yesus ak yeiniboka, ”Wenelesilimnya o, nadya hem bedya nak malya umnenel dara, nara lika hekbadya anaso meebdananam do? Lika sekbadya anaso meebdananam de?” hyok.

MATIUS 18:35

Dara Yesus ara alja neklemok neknaʾ era ban yub enedya saboka nekdakdobokaʾ ara, ”Ugun kabo nim edya malya unaʾ anyek, pe meebdanggunulum dara, nadya neyung be imik ululanya beneba, ugumbabya yok-yok sunuwoka unuwoka, malya nenewanasil,” hyok.

MATIUS 23:15

Ugun yuba neksin nang eb, Parisi nim eb dara, hyak omomaʾ ak ululum! Ugunda hyak sene bol nenenaʾ hwam nim ek ululum! Ugunda nimi hnonoknya bemba, nunja dolomab yub ek nimi hnonok makesilyaʾ anaba aboka, senenggom mek gwan pik biniboka, hnonda hyak mok sam biniboka yeiriwoka elelum. Wera bera seleb ugunja dololum yub ek sam maksin dara, alda uka desin heik delemnalanya uboka, alja yu hwam era lika penya sounuwoka dangalamla.”

MATIUS 23:33

”Ugun nong ara bagaʾ anaso malya unaʾ nim ululumukanya, onoʾ ugunja neyung yab eneba anaso nim ulumek! Uka delesil heikek oboka uka desin heikek ab hekadya nunda blebdanamab senelelum do?

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!

MATIUS 26:59

Imik Neyung yuba wa gakaʾ dub nang eb, nimi yana lelesin nanga nidyaʾ ara, sondaʾ anyek dibaʾ nenewoka Yesus ak oboka dibnobaʾ aboka yub eboka salamek.

MATIUS 3:17

Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.

MATIUS 5:34

Bok wenera nara ugunuk dib lebnesin, Hyak dib unuwanamna aboka yokaʾ-yokaʾ si sibuka migibaʾ nenenaʾ ara mem. Wera im ara Imik Neyung ulumlaʾ ak anasa, imi si sibuka hnon, sokok ak dara, Imik Neyung adyaʾ yan doloknaʾ ak anasa, soko si sibuka hnon, Yerusalem heik ara senenggom dubnya bedya heik ek anasa, Yerusalem heika si sibuka hnon, anaso nidyaʾ si sibuka lenaʾ ara hyak mem.

MATIUS 5:44

Bok wenera nadya ugunuk lebnesinaʾ ara, Ugunja isaʾ nang ek wanaʾ ulumunukanya, ugunuk lek senelesak nim emba heng uboka Imik Neyung ak mololelulum.

MARKUS 14:55

Wera yuba wa gakaʾ dub nang gong eb, nimi yan lelesinaʾ dub nang eb dara, Yesus adya malya ubokaʾ beknaʾ dibaʾ anyek elemek bok, unuwanasengnya hnon mekaʾ eibnenggubek.

MARKUS 15:1

Hyak lugunaʾ nong dara, yuba wa gakaʾ dub nang eb, Yahudi dub nang eb, yuba neksin nang eb, yuba yana lelesin nanga nidyaʾ, ban nang dara, unuwanamab aboka yuba seleb sabek. Dara, sikda Yesus ak henga geregoka bo balameknya nera, Pilatus bek bo elegel byik.

LUKAS 12:5

Alda ugunja loka ulumnelumnya benyek nadya ugunuk aawanasin. Imik Neyung ak ok lok ganya bolomnelum. Al adya, seleb olosil nim era, seleb obgogowan dara, al adya danyek ok uka desin heikek boloklesilaʾ anasa lemna. Aldib unululanya benyek alak ok lok ganya bololulum, hen.

LUKAS 22:66

Ampum maboka gwelegok dara, Yahudi dub nang eb, Imik Neyung yuba wa gakaʾ dub nang eb, yuba neksin nang eb, longowoka yuba sabek dara, Yesus ak doboka bobek dara, yana lelesin ek sam bo byik.

YOHANES 11:47

Dara, Parisi nang eb, sikja Imik Neyung yuba wa gakaʾ dub nang eb adya, yuba sabnobaʾ aboka, mok soko dam nang ak molowoka, sikda nidyaʾ eb bolobdangoka longowoka Yesus ara yokaʾ-yokaʾ hyak nauba lok soʾ ara beknaʾ dibaʾ unulamlaʾ anasa, nunda hekaʾ hubnemab do aboka yuba salamek.

YOHANES 15:25

Bok, unuwanalum an yuba sikja bukuk momnya dobokaʾ ara, dib gigiwolulaʾ aboka umokaʾ damok ara, anyaʾ senewal henggonggom bok, nak lek senelenyek.

YOHANES 7:20

Dara ban nimi nauba longomek nim edya alak, ”Anda bisaʾ saleka lenggel de? Heknedya anak ara obgununaʾ ulunggelaʾ anasa lelelam do?” hyek.

YOHANES 8:48

Yahudi nang edya Yesus ak lebekja, ”Imik Neyung yuba donaʾ elgom nang Samaria nimi bisaʾ gologoknya anjubaʾ ara, dib lenjuba do?” hyek.

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

RASUL 22:30

Wera Roma yin bonaʾ dubnya bera, hekasa Yahudi nang era, Paulus bek malya nenelemak do, senewoka damoka ella donunaʾ aboka ulumok. Anasa wera, ampum maboka gwelegoka dara, Paulus bek gasa heng ak ab lob loboka, Yahudi yuba wa gakaʾ dub nang eb, yuba sanaʾ gak nang eb, nidyaʾ mamagoka longowanamab aboka orugosuk. Dara, Paulus beneba longomekaʾ ak sam bo bilimookanya, sik saramek sekiyimok.

RASUL 23:1

Wera Paulus bera Yahudi nang yuba sanaʾ gak nang anyagan ulumek nang ek pe keebdaboka lebokja, ”Nadya hemyab o, na embengaʾ ulunenya nenesa dara, nadya mek ganya edya dara, Imik Neyung ak malya unaʾ ara orok senelamna,” hyok.

RASUL 24:20

Gom, alda onoʾ ban nak yana kinyak nang danedya, wera na nong anyek, Imik Neyung yuba damnya bek bo yeilinyek sum meknewoka malya umsa malya unaʾ enesa leboka, luluwananyak dara alan, perob.

RASUL 4:15

Anasa, Petrus Yohanes ak, beiyek seʾ goboka bururuk aboka orugeisik dara, sikda beiyek birik. Wera danyek, Yahudi nang yuba sanaʾ gak nang edya saldalamek.

RASUL 5:21

Wera Imik Neyung yuba domek nim era, Imik Neyung lero adya sikenek unuwanalum asuk anyek dib senewoka, sikda hyak lugunaʾ nong enyek, Imik Neyung ek sam biniboka, nimi yok nang ek yuba lel eleklesik. Dara, Yahudi yuba wa gakaʾ dubnya beb, alak aralamek nang eb, yeilimek dara, Yahudi nang yuba sanaʾ gak nang hyak nidyaʾ sabnob aboka youmek. Dara, sikda Imik Neyung yuba len nang ek henga geregobaʾ anyek, henga loboka bo yoululum aboka, orugomek.

RASUL 5:27

Dara, yuba lenaʾ gak nang era, Yahudi yuba sanaʾ gak nang ek, yuba wa gakaʾ dubnya adya heiblul aboka bo yeilisik.

RASUL 6:12

Dara ban unuwoka, Yahudi yuba dam nang ek hnon, sikja yuba neksin nang ek hnon, nimi salyaʾ yok nim ek hnon, doblomek. Dara, sikda Stefanus bek henga goubuka, Yahudi yuba sanaʾ gak nang ek bo bilimek.

RASUL 6:15

Nimi nidyaʾ yuba sanaʾ gak nang longomek nang edya, Stefanus bek kemelemek dara, Stefanus bedya hogung era lero hogung anaso dangamok eiyimek.

RASUL 7:37

Dara al neik Musa bedya, Israeli nim ek, Ugun gangganek ab nak gaboka donyok sok, eimik ununumnaʾ lenya be hnon doboka sekiyiwanamla, amoknya bera alan.

ROMA 12:10

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

1 KORINTUS 6:10

Onoʾ hnon, hokaʾ dolomak nim eb, ganya oka delesil nim eb, yu meka deregoka ganya uu alamak nang eb, yok nimi si ak malya nenelemak nim eb, yokaʾ ak menengaʾ amba yaboka ol neblemak nim eb, ban nidyaʾ anaso unulwenelemak nim era, Imik Neyung wenesin heikek ara weknenggunumak.

1 KORINTUS 6:6

Bok wen ugunja unululumaʾ ara, ugun moumen ara al kabo neikaʾ yuba donanya bedya malya ubna dara, yuba donaʾ orok nang ek, nadya hem be malya ubla aboka, yana lelewanokaʾ aboka, yuba bo nekel balalum.

1 TESALONIKA 4:6

Ban oruknaʾ yuba blekoka yok nim ek malya ununggom. Ugunuk seleb yuba sekoka lesuba sok, Imik Neyung ara ban malya unaʾ amba yu ganya boboka obnesil.

TITUS 3:2

Onoʾ sikenek, yok nimi si ak malya yub edya, malya nenewomunuk aboka hnon, nimi yok nim eb mala weboka waldanaʾ loboka, pe heknaʾ ganya boboka ulululum aboka hnon, nidyaʾ yok nim ek, namen uboka pe heknaʾ hwam ok ulululum aboka hnon, wenelesilom.

IBRANI 12:25

Dara ugunda ban yuba leboknya bek lobmunuk aboka pe keboka unulululum. An nenera sik alak sokok an Imik Neyung yuba leboknya benyek lomek dara, sikda hyak merewanggumek. Anasa nunda wanok, nunda alak imik heik ab yuba salalanya bek lobnemab dara, merewanggunumab.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

YAKOBUS 2:20

Ugunda hyak dongdang anaʾ hwam nim ek ululum! Ugunja dara nimi yuba dib senenaʾ orokjok, pe ununaʾ ok unulumak anyek nuk aaweisiseng senelelum de?

YAKOBUS 3:6

Silyum anaba, uka desin heikek ulumla. Nunjaʾ nong ok ara, silyum adya nong me nidyaʾ malya damoka doluwoka boklamla. Bisaʾ heikek ab uk edya, nunjaʾ nong unaʾ nidyaʾ ara uka dinilesil.

1 PETRUS 2:23

Al nong ak derewoka walamek sum era, alja sikba dirigoka wabnenggubsuk. Alda igina kweboka gweklemok sum era, hekasa ulunulum aboka dirigoka obnesin wenyhenggubsuk. Alda alja nong unaʾ era, Imik Neyung pe sunuwoka unulusilnya bek elegok.

1 PETRUS 3:9

Ugunda naba malya ubnelaʾ anasa, alba malya ubnun senewoka malya unaʾ moumen dirigeldanaʾ ara mem. Bok saawoka, alda Imik Neyung perobaʾ nenelesilom aboka mololdalalulum. Imik Neyung adya ugunuk yoululum aboka youbsukaʾ ara, anaso perob unaʾ enyek unuwoka onoʾ perobaʾ dobnokaʾ aboka ubsuk.

1 YOHANES 2:9

Nimi ben hnon, ”Nara dilinaʾ ak ulumna,” alaladyok, al kab ek lek senelamla dara, bera weneba or anam gunaʾ ak ulmorulamla.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.

1 YOHANES 5:16

Wera ugun kabo yuba dololanya bedya, alja ban adya somoganggunumso malya unaʾ enyek ubnamlaʾ eibnesom dara, ugunja Imik Neyung ak molowanasom dara, embengaʾ unaʾ ara onsok Imik Neyung adya benyek eleganamla. Ban nenera yuba donaʾ nim edya malya ulumak bok, somoganggunumaknya nenesa lebna. Bok hnon malya unaʾ ak dara, somoknaʾ lanalamla. Ban nenyek dara, nara ugunuk Imik Neyung ak molowolululumaʾ aboka lebnenggubna.

YUDAS 1:9

Lero dubnya Mikhael bera, bisaʾ dubnya Iblis beb Musa bedya beʾ enesa mala webdek sum era, ”Iblis ak ara, yub adya anda malya ululam aboka gasa lebnenggubuk bok, alda Imik Neyung adya eb ngalagoka ooma lebgulul,” anaʾ ok lebok.

WAHYU 20:14

Dara nimi somoknaʾ damok ab, alja somoknaʾ nimi heik digum eb dara, doboka, sobaʾ singilamlaʾ uk mek gwanek doboka doronggosuk. (Ban sobaʾ singilamlaʾ uk mek gwan alalanya nera, dibaʾ somoganamaknya, penenya nera an.)