MATIUS 5:18 - PERJANJIAN BARU NALCA YUBA

¹⁸ Ugunda banyek pe beknelum! Im ab soko ab anam denghenggumlya salek, momnya donaʾ hnonok gom, hngekom anaʾ sibin gom anaba, unuwanalum an yub ek ara mekaʾ denghenggunumla!

MATIUS 5:18 ပူးပေါင်းရင်းမြစ်များ

MATIUS 10:15

Ban dib lebsin, Soko sidyaʾ daknamla sum era, Sodom heik nim eb, Gomora heik nim era, Imik Neyung adya dara, sikenek igina kwesinaʾ ara mek so bok, ugunuk lek henesak nim ek dara, igina nauba danamla!” hyok.

MATIUS 10:23

Ugunda yok heikek ab, yana lelewoka obnesak dara, men yok heikek berra binilum. Nara ugunda ban dib lebnesin, Ugunda Israeli nim ulumak heikek nidyaʾ ara, anam kemero yibinggumun salek, nimi dibaʾ me nera men yanamla.”

MATIUS 10:42

Heknedya alda nadya yuba doro diriga bannya ulumlaʾ anasa leboka, ban mek nim ek or mek dem ak eleklamla dara, eimik era ban nenesa leboka deknaʾ nauba dobnamlaʾ anyek, ugunuk dib lebsin!” hyok.

MATIUS 11:11

”Ugunda pe beknelum! Nimi nidyaʾ sokok anara hnon senenggomnya unaʾ hyak orok bok, Yohanes bek alak ok hnonok senenggomnya ulumla. Alda anaso ulumlaʾ anaba, Imik Neyung wenesinaʾ ak mekaʾ ululanya benyek senenggomnya ulumlakanya, Yohanes bera alda onoʾ mek so ak ulumla.

MATIUS 13:17

Ugunda banyek dib senewoka beknelumaʾ ara, youmaʾ ununumnaʾ lelemek nang eb, yok Imik Neyung ak dib senemek nim eb dara, wen an ugun eillilelumnya nenyek eibnob senen ulumek bok, sikda eiriwanggubek. Sikja dara, ugun wen kelelumnya nenyek kebnob senewoka diri ulumek bok, hnon kebnenggubek,” hyok.

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

MATIUS 17:20

Wenyek Yesus adya, ”Ugunja dib senenaʾ ara mek ok adya. Ugunda pe beknelum! Ugunja Imik Neyung ak dib senelelumaʾ anyek, geibya dok anasoʾ ulumsoʾ anaba, ban mein enyek lebnesomja, Ono sam gokoka bilom! wenyhenesom dara, mein era gokoka bul binimso. Yokaʾ-yokaʾ nidyaʾ ugunja unuwanggunusomnya hnon unggulumnamla!” hyok.

MATIUS 18:18

”Ugunda banyek ella danalum: Ugunja sokok anyeb, nera memnya wenyalalumnya nera, imik heikek anaba memnya danamla. Alda sokok anyeb, ugunja nera or wenyalalumnya nera, imik heikek anaba nera or danamla.”

MATIUS 18:3

Anya Yesus adya dara, ”Ugunda hyak dib senewanalum! Ugun nong ara dangawoka, saaboka mekmab anasa danggubmun dara, wera aldib Imik Neyung alja wenesin heikek binggunulum.

MATIUS 19:23

Dara onoʾ Yesus ara alja yuba doro diriga ban nang ek, ”Nara ugunuk dib lebnesin, Bonaʾ dub nang enyek, Imik Neyung wenesin heikek sam weknaʾ ara okna ulumla.

MATIUS 19:28

Wenyek Yesus adya sikenek, ”Ugunda hyak dib senewanalum: Imik Neyung bedya heikek ara, nimi dibaʾ me nera, alak imik nenemlyaʾ adya hyak perob nang ekla bunaʾ ak buknamla. Ban sum enyek, ugunda nadya yubaʾ donaʾ dibaʾ ululum nim era, senenggom obadya nang yilaʾ bun ekla bunaʾ ak sam bukoka, obadya Israeli nang yilaʾ ak yana lelelemnelum.

MATIUS 21:21

Anasa Yesus adya sikenek, ”Aldib, ugunda ganya daldom-daldom anaʾ loboka, dib senelemnelum dara, nadya ara gal ek wema dabne sok, ugumbabya anasonya nera unuwanasom. Dara nenyek ok gom, alda ban mein enyek an lebnelumja: Somokdangoka senenggom mek gwanek sam bologoldal bilom, henelum dara al gigiwoka unuwanamla.

MATIUS 21:31

Anasa ban penya mabo dara, hek me nek sikjaʾ neyung bedya senemokaʾ ara gigiwoka unuwok do?” wenyaboka heibsuk. Dara, Imik Neyung yuba wa gak nang eb, Yahudi dub nang eb, sikja dara, ”Yando me nek,” hyek. Anasa Yesus adya sikenek, ”Ugunda banyek dib senewanalumaʾ ara: Mok soko amba rupiah molowoka dolomak nang eb, salyaʾ malya ura yabalamak gelewa enyek, Imik Neyung wenesin heikek men weknemaakanya, ugunuk dara, orok.

MATIUS 23:36

Ugunda banyek dib senewanalum. Ban nidyaʾ lebnanya nera, wen an ugun liklum nim ek danasil,” hyok.

MATIUS 24:2

Anasa leboka Yesus adya sikenek lebokaʾ ara, ”Wei, ugunda ban nidyaʾ ara seleb eillililum de? Ban e nenyek denewoka ikoka sobek girik era hnon mekaʾ goʾ ubdabnenggunumlaʾ, nidyaʾ ara golob menegoka mabnamlaʾ anyek ulumla, ugunda an nadya lebnaʾ anyek dib senewanalum,” hyok.

MATIUS 24:47

Wera anyek eiyiboka, wa damnya bedya dara, bojam uboka wa welelenya bek ara, alja yok-yok bonaʾ nidyaʾ bo ublulaʾ aboka benyek an eleganemlaʾ anyek, ugunda beklemnelum.

MATIUS 25:12

Bok gela seleb do wekemoknya bedya gelewa enyek an lebokja, Ugunda nara elgom ulusin nim ek yalalum!” husuk.

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MATIUS 25:45

Wenyhenemak enyek, dubnya bedya sikenek lebnamlaʾ ara, Ugunuk dib lebsin, Ugunda ban unu hyak bonaʾ garan nim ek aranggululumaʾ ara, wera nera nak aranggululumaʾ ara an, wenyhenesil.

MATIUS 5:26

Ugunda banyek pe seiniwanalum: Henga geregesijaʾ amba deknaʾ anyek pe senenya loboka hekoka dobnenggumen bok, henga gereknaʾ ek ab men henga lobnenggunenggelaʾ nong anyek, pe seiniwanalam,” hyok.

MATIUS 6:16

”Ugunda Imik Neyung amba gwanenga lobnelum dara, hogunga boluma yobuka sene bol nenelemak nang ulumak sok unaʾ ara mem. Sikda hogunga yok uboka giblamna dara, yok nim edya sikda Imik Neyung amba gwaneng lomak aboka ella danokaʾ aboka unulumak. Dara, wera sikda alan seleb deknaʾ dolomak an, anera dib lebsin.

MATIUS 6:2

Anasa wera, ugunda bonaʾ garan nim ek unuruwaʾ eleganemun dara, sene bol nenelemak nang edya, yok nim gigiweisinok senewoka, benggong leboka bonaʾ laga boklomak sok, ugumba anaso ununggom, mem. Nimi sene bol nenelemak nang era, senenggom pik gwandanyaʾ ak sam gom, Yahudi nim edya yuba don ek ab laga unulumakaʾ dara, yok nim edya eiyiboka pelemak senewoka gigiweisinok aboka unulumak. Wera sikenek gigilesak dara, wera deknaʾ ara alan seleb dolomakaʾ anyek, ugunuk dib lebsin.

MATIUS 8:10

Yin bonaʾ dubnya bedya ban wenhyok yub enyek, Yesus ara kebok dara, hyak seilinya senewok. Anya alak diriga ban nang anyagan ulumekaʾ ak, ”Ban benyek na lokja. Nimi nidyaʾ Israeli nimi gangganek sam ara, ban dib senen ganya enera hnon mekaʾ eibnenggumsa!

MARKUS 10:15

Anasa ugunuk dib lebsin! Heknedya mek mab edya ganya boboka, Imik Neyung adya wenesin heik era, yeng asaʾ donggulumla dara, alda Imik Neyung adyaʾ wenesin heik ara weknenggunumla,” hyok.

MARKUS 10:29

Anasa leboka Yesus adya sikenek lebsukaʾ ara, ”Ugunuk dib lebsin, Nimi be hnon nasamba hnon, Imik Neyung ak ab perob lero yanggan yub amba leboka, alja ek nimi gom, alja weisabo gom, alja hmal gelewa gom, aljaʾ genong gom, aljaʾ neyung gom, alja mabo gom, alja gwaneng wa gom, lo yabalamla dara,

MARKUS 11:23

Hnon ban ugunuk dib lebsin, Nimi hnon ban mein enyek an, Anda lokoka senenggom mek gwan lomok bul bilom! henemso dara, alda ganya eb menegoka, unaʾ loboka, ban wenyhenaʾ ara, aldib unuwanamlaʾ ak senewoka ganya dib senewanamla dara, alsamba unuwanamla.

MARKUS 12:43

Anyek eiyiboka, Yesus adya alja yuba doro diriga ban nang ek anyagan yoululum aboka, sikenek, ”Nara ugunuk dib lebsin, yok nimi gong dara, or mek so doronggak bok, ban yougel genyek, hyak nauba ak doronggamla.

MARKUS 13:30

Nara dib lebsin! Ban nidyaʾ gigiwoka unuwanamlaʾ ara, anam unuwanggumlya dara, wen an ulumak nim era nidyaʾ denghenggunumak.

MARKUS 14:18

Sikda anyagan bukoka dero balamek salek, Yesus ara sikenek, ”Nara ugunuk wenyhenesinaʾ ara, dib lebnesin, Ugun gangganek be hnon, nab neikaʾ delenamnya bedya, alda nak obnenokaʾ aboka yuba dil binimla,” hyok.

MARKUS 14:25

Nara ugunuk dib lebsin, Nak dara, ban anggur mek enera, denggulumnyaʾ moruwoka, wenyoknya, Imik Neyung bedyaʾ wenesin heikek sam ab, nara denemna,” hyok.

MARKUS 14:30

Anasa Yesus adya Petrus bek, ”Nara anak dib wenyhenenggen. Sumen inimnek era, ayam yub anam li penya ngoubnenggumlye salek, anda nak sondaʾ amba li winilya bobnenewoka, benera naba elnya gomaʾ henelam,” hyok.

MARKUS 14:9

Anasa, nara ugunuk hyak dib lebnesin, Mok soko me nidyaʾ Imik Neyung adyaʾ perob lero yanggan yuba lero yabalameija heikek ara, ban gel genedya nak an unuwanelaʾ anyek, alak bekoka alja si silimnemak,” hyok.

MARKUS 3:28

”Nara ugunuk hyak dib lebnesin, nim ara malya uboka, yok-yok yuba edya derewoka wabnemak malya unaʾ anaba, ban nidyaʾ ara sikenek ab sobaʾ meewanasil.

MARKUS 6:11

Bok ugunda yok mok binilumaʾ anyek, bumun mok enyegan nim edya, ugunuk perobaʾ leboka dosinaʾ loboka, ugunja lebnelum yub eneba kebnenggunusak dara, heik enyek ara, lo yabamunukanya, sikda ella danokaʾ aboka, ugunja yan sembejaʾ habonggoka yibinilum!” wenhyok.

MARKUS 8:12

Anasa Yesus ara ganya hina doboka, sikenek lebsukaʾ ara, ”Nimi wenyek nang enera, hekasa yok damoka hnon meewalom alamak do? Anasa, nara ugunuk hyak dib lebsin, Wenyek nang ek ara, damoka mekaʾ hnon meeb eleganggunusak!” hyok.

MARKUS 9:1

Dara onoʾ Yesus adya hnon sikenek, ”Nara ugunuk dib lebsin! Ugun anyagan weklum nang era, Imik Neyung adya wenelemnesilnya nera, hnon anam somoganggumun bok, eibnelum nang ek hnon seklum,” hyok.

MARKUS 9:41

Nara ugunuk aldib lebnesin, Ugunda Kristus bedya yuba donaʾ nang uboka nadya si amba leboka, ben hnonja ugunuk meka gweboka eleganesil dara, alba deknamlaʾ ok,” hyok.

LUKAS 11:51

Dara Habel be omekaʾ abaʾ ara, Zakharia be obekaʾ ak anasa, obnesil. (Zakharia bera Imik Neyung amba uka daboka gibnaʾ oulyang ak ganggan, Imik Neyung ek gangganek sam ab alak obek.) Ugunda banyek dib senewanalum: Wene salek ulumak nim era, ban unulumeknya nenesa leboka nidyaʾ obnesil.

LUKAS 12:37

Wa wen nang enyek, sikjaʾ neyung be ek yanamnaʾ amba diri ulunabok, wera yalamla dara berra eillilemak nim era, hyak pelemakaʾ nong ara an. Ban lebnesinaʾ ara, wera ban wa dubnya bera meebgogowoka, alja wa wen nim ek buklulum aboka oruganasil dara, alda sikenek denaʾ youboka beiyiboka deb eleganesil.

LUKAS 13:35

Ban nenesa leboka, Imik Neyung anak arawoka bo unggulumnenggel. Dara dib lebgen, al sumen moruwoka anda nak eibnenggununelemekanya, anja lebnelamaʾ ara, Wenelesilnya si pik moruwoka yeilimoknya bera, or perobaʾ ak ululul, henelam sum enyek ok eibnenelem,” hyok.

LUKAS 16:17

Im ab soko ab dara, or denghenemla bok, Imik Neyung adyaʾ unuwanalum an yub ek momnya dobokaʾ ara, mekaʾ hnonok sibin anaba denghenggunumla,” hyok.

LUKAS 18:17

Mek sirik mabo yokaʾ-yokaʾ dolomak sok, Imik Neyung wenesin heik era dobnenggunumak nim era, eimik era Imik Neyung wenesin heikek weknenggunumak, ugunda pe beknelum,” hyok.

LUKAS 18:29

Anasa Yesus adya dara, ”Ugunda ban nong anyek dib senewanalum! Nimi hnon alja e nek gom, alja gel gek gom, alja weisab ek gom, alja genong gek gom, alja mab ek gom, Imik Neyung wenesinaʾ amba leboka, lo yalamla dara,

LUKAS 23:43

Danyek Yesus adya benyek, ”Anak dib lebgen. Anda al sumen eneba, neikaʾ nab anab Firdaus heikek ulunam,” hyok.

LUKAS 4:24

Anya onoʾ hnon wenhyokaʾ ara, ”Nara ugunuk hyak dib lebnesin, Nimi ben hnon ununumnaʾ lelelanya bera, aljaʾ meneng heik nim edya dara, nunja moknya benyaʾ senenggulumak.

YOHANES 1:51

Onoʾ Yesus alak, ”Ugunuk dib lebsin, ugunda nidyaʾ ara im pik bakoka, Imik Neyung lero nang adya nimi dibaʾ me ak wele golugoka ulumnamakaʾ eibnelum,” hyok.

YOHANES 10:1

”Nara ugunuk dib lebsin, Nimi ben hnon, domba pama pik yokaʾ ak weknaʾ loboka yok pik gelelenga meknewoka weklelanya bera, alda hokaʾ donanya ulumla.

YOHANES 10:7

Dara, onoʾ hnon saaboka lebokaʾ ara, ”Nara ugunuk dib lebsin, Na nong anyek domba pam amba pik dibaʾ ulumna.

YOHANES 12:24

Nara ugunuk dib lebsin, gandum dok okoka sokok malyingginiboka blonaʾ orok dara, wera doka hnon ulmoublumnamso bok, soko lomok bloblya dara, yok doka nauba mengewoka gong liklamla.

YOHANES 13:16

Wa welelanya bera, eili be dibaʾ ak imik so danggunumso. Bokol bilimoknya bera, alak bokol bilimoknya bek imik so danggunumso, henaʾ ara, ugunuk dib lebsin.

YOHANES 13:38

Dara, Yesus alak lebokaʾ ara, ”Aldib, anda nasamba leboka dib nong somoganesom de? Nara anak hyak dib lebgen, Wining yuba anam ngoubnenggulyebok, anda nak liga winilya bobnenewoka, naba elgomnya henenelem,” hyok.

YOHANES 14:12

”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.

YOHANES 16:20

Nara ugunuk dib lebsin, Ugunda engewoka bonggeliklimnelum bok, soko ak dara, eiya hlaboka glolomnamla. Ugunuk sugunaʾ ganya bolomnulum bok, ugunja sugunaʾ ganya era eimik ei-ei ganya danamla.

YOHANES 16:23

”Ban sum enyek, ugunja yokaʾ-yokaʾ nak molowanggununulum bok, ugunja nadya si sibuka Neyung bek nunda anyek elegeisilom aboka molowanalumnya nera nidyaʾ eleganasilaʾ ara dib lebsin.

YOHANES 21:18

Dara, ban nidyaʾ Yesus ab, Petrus beb wenyab danggogorekaʾ seleb dara, onoʾ Yesus adya Petrus bek, ”Nara anak dib lebgen. Anda wen anam goubenya ululam danara, goukwa noronaʾ ara an damnya norobdangoka, anja nara anyagan bisinya senemnaʾ ak sam balalam bok, eimik anda nauba damen dara, anda soruk ok okmenekanya, yok nim edya anak noroyiboka, anya ban mok enyek an banaʾ lek senemen ak sam bo bininjak.”

YOHANES 3:11

Nara anak hyak dib lebgen, Nunja seleb ella unanya nenyek ugunuk neklesab hnon, nunda seleb heng eiyinanya nenyek ugunuk laga lelesab bok, ugunda nunja yuba dib senewoka donggululum.

YOHANES 3:3

Dara, Yesus adya Nikodemus bek, ”Nara anak dib lebgen, Nimi ben hnon penya beilinaʾ anam orok dara, alda Imik Neyung wenesin heikek sam ara mekaʾ eibnenggunumla,” hyok.

YOHANES 3:5

Dara onoʾ Yesus adya, ”Nara hyak dib lebgen, nimi be hnon alda mek adya hnon, Geisinya adya hnon, beilinaʾ orok dara, alda Imik Neyung bedya wenesin heikek weknenggunumla.

YOHANES 5:19

Wera an ara Yesus adya Yahudi dub nang ek, ”Wera ban lebnesinaʾ ara dib lebnesin, Alja me nedya yokaʾ-yokaʾ unulamlaʾ ara, alja migib edya ok ganya doboka wenggulumla. Alja unululanya nera aljaʾ neyung bedya seleb unulamlaʾ anyek eiyiboka unulamla. Anasa wera, neyung bedya unulamlaʾ anyek, alja me neneba neikik unulamla.

YOHANES 6:26

Yesus adya sikenek, ”Nara ugunuk dib lebsin, ugunda nak elenulumnya nenera, nadya yokaʾ-yokaʾ lok soʾ ak unulamnaʾ anyek eiyiboka dib senelumaʾ adya gomaʾ. Ugunda gwaneng deregoka pe demab senelumukanya, nak ebgiga yalanulum.

YOHANES 6:32

Dara Yesus adya sikenek, ”Nara ugunuk dib lebsin, Musa bedya imik heikek ab gwaneng eleganggusuk. Bok, nadyaʾ neyung bedya embengaʾ un gwaneng dibaʾ imik heikek ab eleklesil.

YOHANES 6:47

Nara ugunuk dib lebsin, dib senewoka dololenya bera, seleb dib ulmoubnaʾ ganya, alja ganya lomok ulumla,” hyok.

YOHANES 6:53

Wenyek Yesus adya sikenek ara, ”Ugunuk hyak dib lebsin, ugunda Imik Neyung adya bokol yeilimoknya bedya aljaʾ nong soub ab, alja eneng eb, denggulumnulum dara, embengaʾ unaʾ ugunjaʾ nong lomok sam unggulumnesil.

YOHANES 8:34

Anasa Yesus adya lebokaʾ ara, ”Nara ugunuk hyak dib lebnesin, Heknedya malya ululanya bera, alda malya unaʾ amba wa wenya ulumla.

YOHANES 8:51

Nara ugunuk dib lebsin, nadya yub ek dib senewoka unululanya bera, alda somoknaʾ hyak loboka ulmoublumnamla,” hyok.

YOHANES 8:58

Dara, Yesus adya sikenek, ”Ugunuk dib lebsin, Abraham bera anam unggulumok salek, nak men ulumsa,” hyok.

1 PETRUS 1:25

Imik Neyung yub ak dara, or sobaʾ ulmorulamla,” aro momnya dobok. Dara ban Imik Neyung yub enyek ugunuk ara leb elegesik.

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.