MATIUS 5:16 - PERJANJIAN BARU NALCA YUBA

¹⁶ Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

MATIUS 5:16 ပူးပေါင်းရင်းမြစ်များ

MATIUS 23:5

Sikja unulumaknya nera, nimi yok nim edya pelemak senenanya nenyek laga unulumak. Sikda Imik Neyung ak giblenunaʾ aboka gweidyaʾ sobnedamaʾ ab warana ongolmorun akleng eb dara, nimi kemen danasa ongolomak!

MATIUS 23:9

Wera, ugunjaʾ neyung bera hnonok ok, al imik heikek ululanya bek hnonok ulumlaʾ anasa, nimi hnonok sibin anaba sokok anara neyung anaʾ ara mem.

MATIUS 5:45

Anadya ugunda imik ululanya bedya mabo danalum. Anasa wera, Imik Neyung ara henga dingillilimla dara, hnonda pe ulumak nim emba hnon, onoʾ malya ulumak nim emba hnon, dingilamla. Dara moka yalamla dara, hnonda pe ulumak nim emba hnon, onoʾ malya ulumak nim emba hnon yalamla.

MATIUS 6:16

”Ugunda Imik Neyung amba gwanenga lobnelum dara, hogunga boluma yobuka sene bol nenelemak nang ulumak sok unaʾ ara mem. Sikda hogunga yok uboka giblamna dara, yok nim edya sikda Imik Neyung amba gwaneng lomak aboka ella danokaʾ aboka unulumak. Dara, wera sikda alan seleb deknaʾ dolomak an, anera dib lebsin.

MATIUS 6:9

Anasa molowanamun dara, ban nenyek leboka molowanalum: Nunja neyung imik heikek ululamnya o, anja si nera munaʾ gobdo geisa ululul.

MATIUS 9:8

Wera Imik Neyung adyaʾ senenggom migib era, nim ek seleb elegosukaʾ anasa leboka, nimi nidyaʾ ban unumokaʾ anyek eibek nim edya dara, ganya lok uboka Imik Neyung ak gigilemek.

LUKAS 11:2

Dara Yesus adya sikenek lebsukaʾ ara, ”Ugunda heng uboka molowanamun dara, ban nenyek wenyaboka molowanalumaʾ ara, Imik Neyung o, anja si nok munaʾ giblenggenok. Anja wenelemnesilaʾ ara dibaʾ dolul.

YOHANES 15:8

Ugunda doka nauba molumnesil dara, nadyaʾ neyung bedya si imik nenewoka, ugunda nadya yuba doro diriga ban nang dibaʾ ulumnulum,” hyok.

RASUL 9:36

Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

1 KORINTUS 14:25

sikja ganya lomok sam yokaʾ-yokaʾ doknolomlaʾ ara, nidyaʾ laga danamla. Anadya nimi danara, dunuwoka omouwoka Imik Neyung bek giblemnemak. Dara nim enedya, Imik Neyung ara aldib ugun gangganek sam ulusil aboka laga lebnemak.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

GALATIA 1:24

Dara sikda nasamba leboka, Imik Neyung ak perob aboka giblemek.

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

1 TIMOTIUS 2:10

Bok alda saawoka gweidyaʾ dibaʾ subnamlaʾ ara, Imik Neyung ak giboka, alja mabo dangamna nim edya ulumaknya nenyek, ana diligaʾ doboka unulumnemak.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

1 TIMOTIUS 5:25

Neik so, perob unaʾ ara hnonda laga an ulumla. Bok, hnonda wenera berra laga unggululabok, wera doknowoka ubnamenggom anasa, eimik laga danamla.

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

TITUS 3:4

Bok nunja blebsinaʾanya Imik Neyung bedya nuk alja perob unaʾ ab, onoʾ alja wanaʾ usinaʾ ara, seleb amasuk dara, alda nuk blebsuk.

IBRANI 10:24

Nunda yok nim ek pe wanaʾ ulunobaʾ aboka wenebdangoka, onoʾ perob unaʾ anyek nauba unubgiga balanobaʾ aboka, nunda pe kemero uldalamnamab.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

1 PETRUS 3:1

Anasonya neikek ugun gelewa anaba, ugunja nenyab edya yuba pe kelelulum. Dara, ugun gangganek ara, Imik Neyung yuba dib senenggulumeija nimi hnon ulumnemak dara, ugunja dara sikenek ara yuba sal eleknaʾ loboka, ugunja pe unulumun nong unaʾ enedya sikda Imik Neyung ak dib senewanamak.

1 PETRUS 3:16

Bok ban unuwanamunaʾ amba dara, pe namen ganya edya heknaʾ ganya boboka unuwanalum. Ugunda Kristus adya diriga ban nim ulumnelumaʾ anasa, yok yuba donaʾ orok nim edya wabnesak bok, ugunja pe ulumnelumnya nenesa wabnesak ab dara, onoʾ sik dam nimi meknewab senewoka sikenek saawoka alya dabnesilaʾ anasa, perob unaʾ an ella ululumnya nok unulululum.

1 PETRUS 4:11

Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.

1 PETRUS 4:14

Ugunda Kristus adya diriga ban nim ululumaʾ amba leboka yok nim edya walasak dara, wera anara Kristus adyaʾ Geisinya imik ululanya, Imik Neyung Geisinya bera ugunuk an seleb ulusil beknaʾ ulumlaʾ anasa, pe ululum.