MATIUS 5:14 - PERJANJIAN BARU NALCA YUBA

¹⁴ ”Ugunda sokok an dilinaʾ ululum. Mok soko meinik sam soseng heik era, goʾ doknowamenggom ulumla.

MATIUS 5:14 ပူးပေါင်းရင်းမြစ်များ

YOHANES 12:36

Ugunda dilinaʾ mabo danalum aboka, dilinaʾ ugun gangganek anam ulumla salek enyek, dilinaʾ ak dib senewoululum,” hyok. Yesus ara wenyabgogomokaʾ seleb dara, sik gangganek loboka, yokok sam doknol bilimok.

YOHANES 5:35

Yohanes Pembaptis bek, alda wesaʾ yebnaʾ dibaʾ ulumok. Dara alda yeblemok salek era, li hnonok perob senelum.

YOHANES 8:12

Dara onoʾ, Yesus ara nim ek yuba lelesuk dara, lelesukja, ”Nara sokok an dilinaʾ ulumna e. Anasa, nak diriga yalanelnya bera, alda embengaʾ dilinaʾ ak sam ulmorulumnamla,” hyok.

YOHANES 9:5

Bok, nak anam sokok ulumna salek enera, nara soko amba dilinaʾ ulumna,” hyok.

2 KORINTUS 6:14

Yesus ak dib senenaʾ orok nim eb, ugunub neikaʾ hinaʾ ara mem. Perob unaʾ ab malya unaʾ ab hekaʾ adya pe neikaʾ ubnesereng do? Dilinaʾ ab gunaʾ ab neikaʾ hiboka ubnesereng de? Orok e!

PILIPI 2:15

Ugunda ban nenyek unulumnelum dara, ugun nonga gegena mekaʾ ponaʾ orok uboka, perob ganya boboka, jong ganya ok deknewoka, yu hwam nim eb, malya ulumak nim ek, perob Imik Neyung mab ulumnelum. Ugunda sikenek embengaʾ eleklesil yuba leb eleganemun dara, ugun siksamba sokok an dilinaʾ yebel eleklamla wesaʾ eneso dangoka ulumnulum. Ugunda anasonya nenyek sunuwoka ulumun dara, Yesus Kristus yanamla sum era, nadya ganya eiya dabnenelaʾ gak ara an. Wera ban adya nadya duboka welemna wa nera salyaʾ lelem danganenaʾ loboka, doka yak dal senewanamna.

1 TESALONIKA 5:5

Ugunda nidyaʾ dilinaʾ mab silibaʾ, yubyek mab silibaʾ so ululum. Nunda inimnek mab silibaʾ gunaʾ mab silibaʾ unggulumab.

WAHYU 1:20

Wera sekbadya guraʾ nadyaʾ sirik soruk ak sam ab, uk dininaʾ sekbadya ulumlaʾ eiblamaʾ gunun damok ara, Sekbadya guraʾ era sekbadya yuba donaʾ nim edya lero nang era an, anya sekbadya uk dininaʾ ara, sekbadya yuba donaʾ nim era, gereja nong ara an,” hyok.

WAHYU 2:5

Anasa wera ban nenesa leboka, anda hekmok ab malyinggulumaʾ nong anyek pe beknelam! Anja malya unaʾ ak ab wen ganya dangawoka, youmaʾ pe unululum ununaʾ enyek onoʾ unub einiwanalam. Nenyek pe unuwanggunulam dara, nara anak an yeiniboka anja uk dininaʾ era al ulumlaʾ ak ab gwenewoka dobnamna.