MATIUS 4:24 - PERJANJIAN BARU NALCA YUBA

²⁴ Yesus ara anaso uboka unulamla an yub era mok soko me nidyaʾ oboka lelemok dara, nimi nauba alak yalamek. Nimi nidyaʾ ara igina kweboka, yok-yok neiknaʾ salalesuk nim era Yesus ak bo yalamek. Wera nimi nidyaʾ koma bulumek nim eb, bisaʾ goloklesuk nim eb, nonga heilisuk nim era, Yesus adya meriyisuk.

MATIUS 4:24 ပူးပေါင်းရင်းမြစ်များ

MATIUS 12:22

Wera Yesus ak heng lum uboka bisaʾ wekoka yuba gomnya dangamoknya bek bo yek. Wera Yesus adya hwebok dara, bera yuba saboka heng gwelegoka eibuk.

MATIUS 14:1

Ban salek enyek, Galilea sokok dubnya Herodes bedya Yesus adya unulamla an yuba kebok.

MATIUS 15:22

Kanaan mok eb gel ge hnon, Yesus ak bii aboka lebgiga yalamokja, ”Daud bedya me o, nak angoo yadyek ubneya e! Nadya gelma era bisaʾ wekdoboka, hyak nauba gweklamla bar,” aboka lelemok.

MATIUS 17:15

”Neyung o, nadya me nek hyak angoo yadyek senewalom e. Alda hyak senenggom digidoka anaʾ neiknaʾ salawoka, uk ak sam soowoka dorongdangoka, hnon sum era meka yourulamla.

MATIUS 17:18

Dara Yesus adya me nenedyaʾ ganya lomok sam ulumok bisaʾ era goboka yibilom hyok. Wera bisaʾ era goboka yibuk dara, me nera al wene sab-sab enyek merewok.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

MATIUS 8:28

Yesus ara mek gek Gadara moka lanal byuk. Gadara sam ara nimi penya bisaʾ gologosuk nang era, nimi soko loknaʾ ak ab ara, Yesus ak yarek. Ban penya nang enera hyak yu lok anasa, nim ara sik ulurek pik ara mekaʾ yabenggulumek.

MATIUS 8:33

Danyek pama weilimek nim era, sikda heikek biniboka, nidyaʾ ban unumoknya neb, penya nang ek Yesus adya unusukaʾ anyek anaso unuwal aboka nekek.

MATIUS 8:6

Benedya lebnemokaʾ ara, ”Wenelesilimnya o, nadya wa wenya bera ek sam neiklamla. Alda esonaʾ heiboka denewokaʾ ak manaʾ ok mabmoruwoka, oka nauba delemla,” hyok.

MATIUS 9:26

Dara unuwal an yub era mok soko me nidyaʾ oboka lelewok.

MATIUS 9:35

Wera Yesus ara nauba heikek bini, mek heikek bini, hnon heikek ebaʾ ara, onoʾ yok heikek bini ura yabalamok. Alda Yahudi nim edya yuba don e pik Imik Neyung adyaʾ perob yuba leb elegoka, hnonda Imik Neyung adya eimik wenewanasilaʾ anyek perob yuba neklesuk. Dara onoʾ hnonda nonga malya ura balasuknya neb, yok-yok neiknaʾ salalesuknya nera nauba hwelesuk.

MARKUS 1:28

Dara Yesus adya ban lok soʾ unulamla an yub era, Galilea moka nidyaʾ neikaʾ ok ob lelewok.

MARKUS 1:32

Wera henga wekel biniboka inil yabok dara, nimi nidyaʾ neiknaʾ salawoka, bisaʾ doboka weklesuk nim era, Yesus ak bo yeilimek.

MARKUS 2:3

Wera Yesus ara, anam Imik Neyung yuba lel eleklesuk salek, nimi heimoknya be hnon, dombadya nang edya jaboka alak bo yek.

MARKUS 2:4

Bo yanggan dara, bo yek bok, nimi longol yeilimekaʾ mandebnaʾ anyek, nauba adya Yesus seklemokaʾ nong ok ara bo bimenggom anasa, sikda eremaʾ gaboka, heimoknya bera ekla manaʾ eb Yesus seklemokaʾ ak doblinggemek.

MARKUS 2:9

Har nerek okna so, Anja malya unaʾ era anak ab seleb meewagen, anya nenyek gom, alda, Anda sekoka anja esonaʾ doboka bobmenekanya balalom, anya nenyek okna so gom?

LUKAS 2:2

Wera Kirenius bera Siria mok sokok emba dubnya ulumok salek, ban nim einisinaʾ ara, men youboka si momnya dob einiweisiknya nera ban.

LUKAS 4:14

Wera Geisinya bedya migib gebman, Yesus ara Galilea sokok sam saaboka yok. Dara alsamba leboka lelemek yub era, ban mok soko heik era nidyaʾ oboka lelewok.

LUKAS 4:38

Ban seleb dara, Yesus ara Yahudi nim edya yuba don ek lobok dara, Simon bedya ek bilimok. Wera, Simon al soumun gera poba neiknaʾ neiklamla aboka, yok nim edya Yesus ak nek elegemek.

LUKAS 5:15

Bok Yesus amba yub era, mok soko nidyaʾ nauba so oboka lelero yabalamok dara, nimi nauba alja yuba keboka dobgiga, hnonda neiknaʾ hwebsululaʾ aboka yalamek.

LUKAS 5:24

Bok wenyek dara, nimi dibaʾ me nera sokok ara, malya unaʾ amba memesin migib ulunel ununaʾ ella danalum.” Anya onoʾ Yesus ara nonga heimoknya bek, ”Sekoka anja esonaʾ doboka bobmenekanya, or balalom!” hyok.

LUKAS 7:17

Anedya Yesus ara anaso uboka unulamla an yub era, Yudea mok soko nidyaʾ heik gokgobok sam anaba oboka lelewok.

YOHANES 10:21

Bok onoʾ yok nang edya hnon lelemekaʾ ara, ”Bisaʾ gologanggumna nang era yuba salamlaʾ anasa, bisaʾ gologosonya bera henga lum nang ek henga gwelegoka hwebnamso de?” aboka lelemek.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 15:23

Dara, Antiokhia heikek sam bokol bilimek nang eb neikaʾ momnya donaʾ hnon weboka beiyimekaʾ ara yub era ban: ”Yuba lenaʾ gak nang eb, yuba donaʾ nim bo un nang eb, ugunjaʾ hemyabo nim edya, hemyabo nim ugun Antiokhia sam Siria sam Kilikia sam ululum nim ek perob aboka gibisab.

RASUL 15:41

Wera Paulus beb, Silas beb dara, Kilikia moka hnon, Siria moka hnon, Imik Neyung yuba aknewoka lel ganaklerek. Dara, sikja Imik Neyung yuba donaʾ nimi ganya kayiwoka ulurek.

RASUL 28:9

Paulus bedya ban unuwoka hwemok anyek nim okoka eiyiwoka, mek dubuk sokok an neiklemek nim era, Paulus bek yalamek dara, Paulus bedya sikenek meriyisuk.

RASUL 8:7

Dara, Pilipus bedya, yana gwanalamok nanga hnon, hwelesuk. Yana soruka heimna nanga hnon, nauba hwelesuk. Hnonda bisaʾ wekemna nanga hnon era, bisaʾ yakoka nauba hwelesuk dara, bisaʾ ara ngeboka ngalagoka goblemek.