MATIUS 4:17 - PERJANJIAN BARU NALCA YUBA

¹⁷ Wera ban sum enyek moruwoka, Yesus ara Imik Neyung yub ara lero lelemokja, ”Imik Neyung adya, wera wenewanasil salek oka dalaʾ anasa, ugunda malya unaʾ ak ab loboka ganya dangawolulum!” aro lelemok.

MATIUS 4:17 ပူးပေါင်းရင်းမြစ်များ

MATIUS 10:7

Sikenek ara, Imik Neyung adya eimik wenelemnesilaʾ oka yal aboka nekdo yabalemnelum.

MATIUS 11:12

Yohanes bera alda anam yuba lelemok salek ebaʾ moruwoka, nim Imik Neyung wenesinaʾ ak ulumak nim era, yok senenggom nang dangoka ulunob senelemak nang edya malya nenewoka ol neblesak.

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

MATIUS 13:24

Wera onoʾ Yesus adya yok sununaʾ hnon nimi nauba longol yeilimek nim ek nekoka lebsukaʾ ara, ”Imik Neyung adya wenelemnesilaʾ ara, hogung ara banaso ulumlaʾ ara, nimi ben hnon alja wak sam perob yinaʾ yamamok.

MATIUS 13:47

”Imik Neyung adya wenelemnesilaʾ ak dara, hogung ara, mek gwanek sam hadyaʾ oumaʾ akleng bobogoka yok-yok hadyaʾ nidyaʾ dolomak sok ulumla.

MATIUS 13:9

Yesus ara wenyaboka seleb sunuwoka lebgogowok dara, onoʾ lebokaʾ ara, ”Ugunda o yakaʾ ara, hyak pe kebnelum!” hyok.

MATIUS 25:1

”Imik Neyung wenesin heikek weknaʾ ara, mok soko hogung ara ban sununaʾ eneso ubnamlaʾ ara, nimi gobenya gelewa sagobadya, nenya dobnenggumek nim, wesaʾ diniwoka boboka gela dobnamoknya yanggalyaʾ ak pika dibnemab aboka bilimek.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 6:10

Anda nunjaʾ dubnya ululam. Anadya wera sokok an wenelemnesilim. Anja senelelamaʾ ara, imik heikek sam gigiwoka unulamla sok, sokok anaba unululul.

MATIUS 9:13

Ugunda ban yub enera hekasa lero momnya dobokaʾ anyek seiniwoka einiwanalum: Nara pam unuruwaʾ oboka gibil yangganaʾ ak perob senenggulumna bok, alda angoo yadyek senen ganya ek perob senelamna. Anasa nara nimi seleb pe ulumab senelemak nim ek youbsununaʾ aboka yanggumsa bok, alda nimi nara malya nanga seneldalamak nang enyek, youbsununaʾ aboka yeilimsa,” hyok.

LUKAS 15:10

Ugunda hyak dib senewanalum! Anasonya neikek, nimi malya unaʾanya ben hnon ganya dangalamla dara, Imik Neyung lero nang eneba unu eiya hlaboka glolomak!” hyok.

LUKAS 15:7

Yo, anasonya neikek, nimi ben hnon malya unaʾanya bek ganya dangalamla dara, imik heikek anaba alsamba hyak eiya hlaboka glonaʾ salalamak, yok denga winilya pe ulumak nang enyek, nauba so ununggulumak,” hyok.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

LUKAS 3:23

Yesus ara sokok an alja wa web einiwok salek era, alda gibnaʾ ara denga hnonok ebdobnya winilya lebok bok, web einiwok. Dara, nimi yok nim edya senelemekaʾ ara, Yesus ak dara, Yusuf bedya me ulumla senelemek. Yusuf bera alda Eli bedya me ulumok.

LUKAS 5:32

Nara nunda pe ulumab senelemak nim emba yanggumsa, alda malya unaʾ nim enyek, sikja malya unulumakaʾ ak ab, ganya dangawoka lobnokaʾ aboka yeilimsa,” hyok.

LUKAS 9:2

Dara, Yesus ara sikenek, Ugunda nimi hweboka, hnonda Imik Neyung adya hekaʾ huboka wenelemnesilaʾ anyek lero yabalamnelum, aboka lebsuk.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 17:30

Nunja youmaʾ dongdang alamoubnya nera, Imik Neyung adya seleb hekiyiwosuk bok, wenyek dara, nimi nidyaʾ mok soko me ulumak nim ek, ugunda ganya dangawoululum wenyalasil.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 20:21

Nara Yahudi nang yokaʾ ak gom, or onoʾ yok soko nang ek anaba, nara sikja malya unulumak ak ab loboka ganya dangawoka Imik Neyung ak sam yeijikanya, Wenelesilnya Yesus bek dib senewanok aboka weneb elegoka ulusisa.

RASUL 26:20

Anasa wera, nara hyak yeiriwoka nimi yok nim ek, ugunja ganya dangawoka, onoʾ ugunja nong enyek, Imik Neyung ak dib ganya ologoka lebnalumukanya, ugunja ununaʾ adya, ganya dib dangamoub an beknaʾ era amalemnelum, aboka neklesisa. Wera lendara eibsa dara, Damsyik heik ab leb einiwoka, onoʾ eimik era Yerusalem heikek uboka, Yudea sokok ab ara, Yahudi nimi gom nim ulumak nim ek hnon, lero yabalamsa,” hyok.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,