MATIUS 4:10 - PERJANJIAN BARU NALCA YUBA

¹⁰ Yesus adya Iblis ak, ”Satan o, anda hyak bilom! Imik Neyung yuba bukuk sam momnya dobokaʾ ara, Anjaʾ Wenelenggelnya, Imik Neyung bek giblemenekanya, alak ok arawoka welelom! wenhyok,” hyok.

MATIUS 4:10 ပူးပေါင်းရင်းမြစ်များ

MATIUS 16:23

Dara Yesus ara Petrus bek uruma dangawoka, alak lebokaʾ ara, ”Nimi sunulyamanaʾ hwamnya Satan o! Anyaganyebaʾ ara bilom! Anda nak salyaʾ pika garalenelem an. Anja ganya seininaʾ era, Imik Neyung adyinya nek seininggululam bok, nim adyinya nek seinililam!” hyok.

MARKUS 1:13

Wera Yesus ara lika denga hnonok uboka ebdobnya mek badya mabok sum era, bisaʾ dubnya Satan bedya sunubyaawok. Beiyik ulumlaʾ hnoum ulumok dara, lero nang edyaʾ Yesus ak arawoka bo ulumek.

LUKAS 10:18

Danyek Yesus adya sikenek lebnesukaʾ ara, ”Bisaʾ dubnya Satan ara ebnaʾ langam-langam aboka, imik abaʾ ara malyinggyukaʾ ak eibsa.

LUKAS 11:18

Anasa neikek, bisaʾ dubnya Satan beneba unuwanamla. Hnon ulumeija nim eb, yok nim eb oldalamnemak dara, heik era hyak malya dangoka ubnamla. Ugunja dara nak ara, Beelzebul bedya ganya migib adya bisaʾ ara yaklamla alanulumaʾ anasa, lebsin.

LUKAS 13:16

Yo, anasa anyagan ara gela hnon Abraham nimi yilaʾ ak neiknaʾ salawoka Satan bedya goubmoruwok salek era, gibnaʾ sago daraʾ badya lebokaʾ ak ulumla. Al nong ara, Sabat mem sum era bleboka loboka hwebnenggunuseng de?” hyok.

LUKAS 22:3

Wera Satan ara Yudas yok si nera Iskariot alameknya, Yesus adya alja yuba doro diriga bannya bek wekel yok.

LUKAS 22:31

”Simon o, Simon o, anda nak kebnelom! Gandum glakaʾ gwereklemak dara, anadya perobnya nera laga nenewoka malyinya nera lobnobaʾ aboka ulumak sok, Satan bedya ugunuk sene sunuwosununaʾ aboka galaweisil.

LUKAS 4:8

Bok, Yesus adya Iblis ak saaboka lebokaʾ ara, ”Momnya dobokaʾ ulumlaʾ ara, Anja Wenelesilnya Imik Neyung bek ok giblemenekanya, alsamba ok unululom, wenyaboka momnya dobok,” hyok.

YOHANES 13:27

Dara, Yudas bera ban gwanenga dol yabok sab-sab enyek, Satan bisaʾ ara aljaʾ ganya lomok wekel yeilimok. Dara, Yesus adya, ”Or anja unuwonun senemennya nera, berra unul yabalom,” hyok.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

RASUL 5:3

Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

1 KORINTUS 5:5

Al onnya benyek, wera alja nong ara, soldob menegoka denghulul senen bok, alja ganya ak dara, Wenelesilnya yanamla sum enyek bleblulaʾ aboka, eleganalum.

1 KORINTUS 7:5

Anasa, gela nenya dobdangoka ulumunjok dara, malya ganya boboka, loboka yok-yok unaʾ ara mem. Seʾ amba dara, bokdangoka ulumnulum bok, nera men nenya ab gel ab unuwananam aboka, yuba sabdoumun dara, or unulumnulum. Bok, sobaʾ anaso unulmorulumun dara, bisaʾ dubnya Satan adya ugunuk galal yeisilyek anasa, seʾ ok bilimunaʾ ara youmun dara, gela nenya onoʾ neikaʾ ulumnulum.

2 KORINTUS 11:14

Bisaʾ dubnya Satan anaba, dilinaʾ lero ulumla henokaʾ aboka samal meneklamla sok, sikba sondaʾ anasa yuba len nang abdangoka samal meneklemak dara, loka dabnenggunususo.

2 KORINTUS 12:7

Imik Neyung adyaʾ senenggomaʾ unu laga eiro yabalenanya nenyek, eillilamnaʾ adya dengdang ganya bobnyek aboka, sabalaʾ hnon nadyaʾ nong lomok, meiyinyok. Nara dengdang ganya bobnyek aboka, ban sabalaʾ manyokaʾ ara, bisaʾ mal dibaʾ lebom alalulaʾ aboka elegenyok.

2 KORINTUS 2:11

Nunda bisaʾ dubnya Satan bedya welemla wa pik era seleb ella ulumabaʾ anasa, nadya ban unulunanya nera, bisaʾ adya nuk lolowoka imik dalyek aboka unulamna.

YAKOBUS 4:7

Anasa wera, ugunda Imik Neyung bek, nunja dubnya senewoka, pe kelemunukanya, Iblis bek mala bolomun dara, yeiri bindowanamla.

1 PETRUS 5:9

Nimi nidyaʾ nunjaʾ hemyabo mok soko me nidyaʾ sikba igina kweboka numba gweklemab sok gweklemak bok anasa, Iblis ak ara, ugunja yuba dib senen ganya enyek hyak nauba adya alak ara pe welsinilelulum.