MATIUS 3:7 - PERJANJIAN BARU NALCA YUBA

⁷ Parisi nim eb, Saduki nim eb, nimi Yohanes bek meka dabsululaʾ aboka yalamek. Bok Yohanes bedya kemelemok enyek, nang enyek yekaʾ ak eibuk dara sikenek, ”Ugunda hyak malya unaʾ hwam nim ek ululum! Ugunuk ara heknedya Imik Neyung adya obnesilaʾ ak sam ab dara, blebdanalum asuk do?

MATIUS 3:7 ပူးပေါင်းရင်းမြစ်များ

MATIUS 12:24

Wera wenyan yub enyek, Parisi nim edya keboka sikja dara, ”Ban benera bisaʾ dubnya Beelzebul bedya unulumnelam aboka alja migib elegokaʾ adya, bisaʾ arobaʾ yakoka ulusil,” aboka lelemek.

MATIUS 12:34

Ugunda malya unaʾ hwam nim ek ululumaʾ anasa, ugunda malya unaʾ nim ululum bok dara, perob yuba goboka sabnesom de? Sibamaʾ ak ab laga salamakaʾ ara, ganya lomok sam seleb ulumlaʾ ara an.

MATIUS 15:12

Dara Yesus adya yuba doro diriga ban nang edya, Yesus ak yeiniboka, ”Neyung o, anja ban wenyaro lelelam yub era, Parisi nimi kelemak dara, sikja ganya malya ulusilaʾ ara, ella ululam de?” aboka heimek.

MATIUS 16:1

Wera Parisi nim eb Saduki nim eb Yesus ak sene sunuwanobaʾ aboka yeilimek. Sikda Yesus ak, alda aldib Imik Neyung ak ab yeilimok aboka ella danobaʾ aboka, lok so beknaʾ hnon meewalom aboka molowek.

MATIUS 16:6

Yesus adya sikenek, ”Ugunda Parisi nim eb, Saduki nim eb dadya, roti welenaʾ ak anyek, hyak pe keeboka ulululum,” hyok.

MATIUS 22:15

Wera Parisi nim era, Yesus ak hekaʾ huboka sunuwoka henga weboka youbnobaʾ aboka, sene yana benel byik.

MATIUS 22:23

Dara al on sum enyek, Saduki nim era, sikja dara, nimi seleb somoklomaknya nera embengaʾ suboka buknenggunuseng senewoka ulumek nim ek Yesus ak yek.

MATIUS 22:34

Wera Parisi nim edya, Saduki nim era, Yesus adya yuba doro sabnamenggom neneweisil an yuba kebek dara, sikda ebdanga mamagek.

MATIUS 23:33

”Ugun nong ara bagaʾ anaso malya unaʾ nim ululumukanya, onoʾ ugunja neyung yab eneba anaso nim ulumek! Uka delesil heikek oboka uka desin heikek ab hekadya nunda blebdanamab senelelum do?

MATIUS 5:20

Anasa ugunda banyek seiniwoka beknelumaʾ ara, ugunda Yahudi yuba neksin nang eb, Parisi nang eb danyek, Imik Neyung senelamlaʾ ununaʾ ak sam ara, sikja dara mek so bok, ugunjinya nenyek nauba so danggunumla dara, wera aldib ugunda Imik Neyung wenesin heikek binggunulum!” hyok.

MARKUS 12:13

Bok onoʾ dub nang edya, Parisi nang eb, Herodes bedya wa welemek nang eb, Yesus ak sene benewanobaʾ aboka alak bululum aboka orugeisik.

MARKUS 12:18

Wera onoʾ Saduki nanga hnon Yesus ak heil yeilimek. Ban nang enedya dara, seleb somogamna nim era eimik onoʾ suboka buknenggunumak alamek nang.

MARKUS 8:15

Dara Yesus adya sikenek, ”Ugunda Parisi nang eb, Herodes beb, sikja roti gwaneng welenaʾ enyek ab, hyak pe keeboka ulululum,” hyok.

LUKAS 16:14

Parisi nang era, sikda Yesus adya ban nidyaʾ lelemokaʾ ara kelemek. Dara sikda rupiah ak wanaʾ hwam ulumekaʾ adya, Yesus ak okseb goluwek.

LUKAS 18:11

Dara Parisinya bera albeyok sekoka lero mololemokja, Wei Imik Neyung o, nara yok nang ulumak sokaʾ ak unggulumna, nara hokaʾ donggulunanya, nara gununggulunanya, nara gela salyaʾ salenggulunanya, anasa anak perob aboka gibgen. Nara ban rupiah mok soko amba mololanya benesoʾ ak unggulumnaʾ anasemba, perob aboka gibgen.

LUKAS 7:30

Bok Parisi nang eb, Imik Neyung yuba neksin nang eb dara, Imik Neyung adya unu webnesin senemokaʾ damok ara, dobnenggunumab aboka lek senemek. Dara onoʾ sikda hnon Yohanes bedya dara, meka dabsilyek senemek.

YOHANES 1:24

Heil bululum aboka orugosik nang danera, Parisi nang ulumek.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

YOHANES 9:40

Hnon neikaʾ ulumek Parisi nang edya ban lebokaʾ kebek dara sikja, ”Dara, ban wenyalalamaʾ anasa, numbabya heng ubsuk de?” hyek.

RASUL 15:5

Bok, Parisi nang ulumek nang bok, Imik Neyung yuba dib senemek nang hnon nang adya sekoka, ”Yahudi yokaʾ gom nang bok Imik Neyung yuba dib senelemak nang era, Musa bedya bolaʾ garaldalalulum unuwanalum an hyokaʾ sunuwoka unulumnamak,” aboka lemek.

RASUL 20:31

Anasa wera ugunda keebmoubuka diri ulululum. Nara gibnaʾ winilya ulumsa ara, inimnek yubyek pik noruwoka heng mekaʾ nauba yabalenen bok, ugunja mok nang ek dek-deka sonaʾ loboka wenewoka nekeldibilloklosisa ara, beklelulum,” hyok.

RASUL 26:5

Dara, sikda Yahudi nim en youmaʾ ekaʾ moruwoka ella ulunyek. Anasa, Yahudi nang perob senewaseng bok dara, wera nara youmaʾ ek moruwoka Parisi nanga dangoka nunja Imik Neyung yuba pe doboka Imik Neyung yub adya yokaʾ-yokaʾ mem hyok ara, hyak pe keboka unulamsa anyek, sikda Yahudi nim edya anaba, aldib Paulus bera unulumok aboka laga lebneseng.

RASUL 5:17

Wera ban unubgiga balamek adya, Yahudi yuba wa gakaʾ dubnya beb, alak sikja aralamek nang nidyaʾ eb, nera Saduki nim edya, men Imik Neyung yuba domek nim ek hmana leboka yok so unuwanob senemek.

ROMA 1:18

Dara nim ara malya ganya boboka malya ulumaknya nera, ban dib yub enyek siklilimak, anasa Imik Neyung adya yu ganya bonaʾ ara imik ab nimi malya ulumak nang ek laga dangalamla.

ROMA 5:9

Anya, nunda wera alja eneng edya seleb perobaʾ nenewosukaʾ anasa, hyak nauba so ara, nunda Imik Neyung bedya wema daboka osinaʾ ak ab dara, blebnesil ok.

1 TESALONIKA 1:10

Dara onoʾ al ugunsamba yok nim edya dara, imik ululanya Imik Neyung bedya, nera Yesus anyek, Imik Neyung adya nimi somoknaʾ ak ab embengaʾ suboka bukiyiwoknya benyek, al yanamlaʾ amba leboka, ugunja ganya nebom aboka diri ululumnya nenesa unulumak aboka neklesak. Dara ban Yesus anedya, Imik Neyung adya yu ganya boboka obnesilaʾ ak ab nunda blebnesil.

IBRANI 11:7

Dara ganya dib senenaʾ adya, wera Nuh bera anam laga danggumoknya nenyek Imik Neyung adya alak nekemokaʾ sunuwoka, pe ganya gouluwoka alja ek nimi bleblulaʾ aboka, alda senenggom mek ekla bunaʾ meemok. Anya ban ganya dib senenaʾ adya, alda sokok an igin elegookanya, dara alja ganya dib senelemokaʾ sunuwoka, alak perobaʾ donya dok.

IBRANI 6:18

Wera ban penya damok era saawoka yok danganggulumla ara, Imik Neyung alja laga lenaʾ ab, unuwanasin amnaʾ ak ara, hyak mekaʾ sondaʾ lenggulumla. Ban nenesa leboka, nunda Imik Neyung ak perobaʾ leboka muruklumab nim era, nunjaʾ hogung ak an ulumlaʾ ganya nebom anaʾ ara dib dobnemabaʾ anyaʾ senen ganya era migib eleklesil.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.