MATIUS 3:11 - PERJANJIAN BARU NALCA YUBA

¹¹ ”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

MATIUS 3:11 ပူးပေါင်းရင်းမြစ်များ

MATIUS 3:6

Anya, sikja malya unaʾ eib kweboka laga lelemek dara, Yohanes bedya Yordan mek ek dalasuk.

MARKUS 1:4

Ban eini wenyaboka orowek momnya domok sok, gigiwoka Yohanes bera hwalek sam yeindeboka, Imik Neyung yuba leb elegoka nimi meka dalasuk. Anya, wenyalamokaʾ ara, ”Imik Neyung adya ugunja malya unaʾ sobaʾ meewosululaʾ aboka dara, malya unaʾ ak ab ganya dangawoka lobmun dara, meka dabnesin,” aboka lelemok.

LUKAS 1:17

Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.

LUKAS 3:16

Anasa wera, Yohanes Pembaptis bedya sikda nidyaʾ ak lebsuk ara, ”Nadya dara, wenera mek dem adya dalasin bok, eimik era hyak senenggomnya yanamla. Alja yan ongonaʾ eneba na meknya bedya dara, henga loboka gwiriwamenggom. Alja danyek, wera eimik era, ugunuk Imik Neyung Geisinya adya hnon, uk adya hnon, mek dibaʾ dabnesil.

LUKAS 3:3

Anasa Yohanes Pembaptis bera Yordan meka gemek mok sokok sam nidyaʾ heikek yeiniboka yuba doroklomokaʾ ara, ”Ganya dangawomunukanya, ugun nong elekdangoka meka dabdanalum dara, Imik Neyung ara ugunja malya unaʾ ugunuk ab meewanasil.”

YOHANES 1:15

Yohanes bedya alsamba geklewoka nekesuk. Hnon wenyaro lelemokaʾ ara, ”Nak dara eimik, alda orowek men ulumokaʾ anasa, al eimik yanalanya bera, alak dara senenggomnya, nak dara meknya, wenyamsaʾ ara, ban benyek lemsa,” hyok.

YOHANES 1:30

Nak eimik yanalanya ara, alda men ulumok anasa, alda senenggomnya amsaʾ ara, ban benyek lemsa.

RASUL 1:5

Dara, Yohanes Pembaptis bera, alda mek dem adya ok dalasuk bok, mek anam mandewal henggonggom ugunuk Geisinya adya mek dibaʾ dabnesil,” hyok.

RASUL 19:4

Dara, Paulus bedya sikenek lebsuk ara, ”Yohanes bedya meka dalasuknya nera, nimi meka dabsin nim enera, aldib malya unaʾ ak ab loboka ganya dangawok an danasa ulumok. Bok Yohanes bera nimi meka dalasuk ab dara, Israeli nim ek lelemokja, Nimi si Yesus alamaknya benyek, eimik era yanamla anasa, alak dib senewolulum, wenyaboka dalasuk,” hyok.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

RASUL 8:38

Dara onnya bedya, ”Pam e nera anyagan dek-deka sobnanam,” aboka orugumok dara, sikda anyagan balarek ara dek-deka sorek. Dara Pilipus beb, Etiopianya beb, mek inik yingginiboka, Pilipus bedya alak meka dabok.

1 KORINTUS 12:13

Anasonya neikik, numbabya Yahudi nimi yokaʾ gom, Yahudi gom nim gom, ek wa nang gom, seleb blebdangoka sikbeyok ganya doboka ulumak nimi gom, nunda nidyaʾ hnonok nong ak denewoka ulunokaʾ aboka, hnonok neik Geisinya bedya seleb mek dibaʾ dabsuk. Numbabya nidyaʾ ak neik Geisinya elegosuk.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

TITUS 3:5

Alda nuk blebsukaʾ ara, nunja alak perobaʾ ak unumouba amba blebnenggubsuk bok, alda alja men nuk angoo yadyek senewoka arasinaʾ adya ok blebsuk. Imik Neyung Geisinya adya dib embengaʾ damok ab, penya beilinaʾ ab dara, nuk elegoka mek elegosukaʾ adya blebsuk.

1 PETRUS 5:5

Dara onoʾ ugun anam goubenya ululum nang ek hnon lebnesin. Ugunjaʾ nauba so nim edya yuba pe kelelulum. Imik Neyung yub ek sam ara, ”Imik Neyung ara dengdang ganya bolomak nim ek lek senelesilikanya, sokok nenebdangoka ulumak nim ek wanaʾ ulusil,” aro momnya dobokaʾ anasa, ugunda nidyaʾ ara ganya sokok nenebdangoka pe kemeldalamnelum.