MATIUS 3:1 - PERJANJIAN BARU NALCA YUBA

¹ Ban salek enyek, Yohanes Pembaptis ara Yudea sokok hwalek sam yeiniboka Imik Neyung yuba lelemok.

MATIUS 3:1 ပူးပေါင်းရင်းမြစ်များ

MATIUS 11:11

”Ugunda pe beknelum! Nimi nidyaʾ sokok anara hnon senenggomnya unaʾ hyak orok bok, Yohanes bek alak ok hnonok senenggomnya ulumla. Alda anaso ulumlaʾ anaba, Imik Neyung wenesinaʾ ak mekaʾ ululanya benyek senenggomnya ulumlakanya, Yohanes bera alda onoʾ mek so ak ulumla.

MATIUS 11:7

Wera Yohanes Pembaptis bedya yuba dolomek nang era seleb Yohanes bek, Yesus ara anaso unulamla aboka nekdo byik dara, Yesus ara anyagan nimi nauba ulumek nimi gong ek Yohanes bemba geklewoka lebokja, ”Ugunda hwalek sam balalumaʾ ara hekaʾ ak eibnobaʾ aboka balalum do? Walenja anyek kaboʾ adya bo yabalyaʾ ak eibnobaʾ aboka balalum de?

MATIUS 16:14

Dara Yesus alja yuba doro diriga ban nang edya alak, ”Hnon nim edya dara, Yohanes Pembaptis alamak. Onoʾ hnon nim edya dara, Elia alamak. Onoʾ yok nim edya dara, Yeremia ben gom, yok ununumnaʾ lelemoknya gom, alanjak,” hyek.

MATIUS 21:32

Dara, Yohanes bera Wenelesilnya bedya unu ulunok senelelanya nenyek nekel yousuk bok, alja neklesuk yub era ugunda dib senewanggulum. Bok mok soko amba rupiah molowoka dolomak nang eb, salyaʾ malya ura yabalamak gelewa eb danyek, sikenek dib senemek. Wera ugunja dara, sikda dib senemekaʾ ara hnon seleb henga eiyilum bok anaba, ugunda eib kwebnenggulumukanya, Imik Neyung ak dib senewanggulum,” hyok.

MATIUS 3:8

Ugunda malya unaʾ seleb eib kweboka ganya dangawoka lobek an beknaʾ enyek, wera laga gigiwoka ulululum.

MARKUS 1:15

Dara Yesus adya, ”Imik Neyung adya wenelemnesil salek era gigiwoka seleb oka dal. Ugunja malya unaʾ ak ab ganya dangawomunukanya, Imik Neyung adyaʾ perob yub enyek dib senewanalum,” aro lelemok.

MARKUS 1:2

Ban perobaʾ lero yanggan yub era, ununumnaʾ lenya Yesaya bedya, Imik Neyung adya lemokaʾ anyek momnya dobokaʾ ara, ”Nadya wa wenya bera, anda loboka men anja pik yarawogululaʾ aboka, alak bokol binimna.

LUKAS 1:76

Anya anda najab o, anak dara, Wenelesilnya bedya pika meewoka yarawalom aboka, anda men mengewanelam anasa, Imik Neyung hyak imik ululanya bedya ununumnaʾ lenya aboka si silimnenjak.

LUKAS 7:24

Wera Yohanes Pembaptis bedya Yesus ak heil binirum aboka bokosuk nang era seleb birik dara, Yesus ara anyagan nimi nauba longomek nim ek, ”Ugunda heknyek eibnobaʾ aboka hwalek sam ara bililum do? Leiya ak kaboʾ adya bo geklamlyaʾ anyek eibnobaʾ aboka bililum de?