MATIUS 28:9 - PERJANJIAN BARU NALCA YUBA

⁹ Anam balarek sab-sab, Yesus ara gelewa enyek an yeiniboka, ”Ugunuk perob aboka gibsin!” hyok. Danyek gelewa dara, Yesus berem yeiniboka, alja yan ak salawoka oumuwoka gibek.

MATIUS 28:9 ပူးပေါင်းရင်းမြစ်များ

MATIUS 14:33

Dara Yesus adya yuba doro diriga ban nang edya, Yesus ak giblemek. Anya lebekaʾ ara, ”Wenelesilimnya o, anda aldib Imik Neyung bedya me ululam!” hyek.

MATIUS 23:7

Hnonda, senenggom deknaʾ gasaʾ ak ara, Neyung neklesilimnya, perob aboka giblesinok senewoka, nim hogung dibnelewoka sekdo yabalamak.”

MATIUS 28:10

Wenyek Yesus ara sikenek, ”Ugunda lok ganya bonaʾ mem. Sikda nak eibnenyakaʾ anasa, na kabo nang era Galilea sokok binokaʾ aboka, wenyal bulululum,” hyok.

MATIUS 28:17

Dara anyagonob sikda eibdangoka, alak oumuwoka gibek. Bok sik gangganek ara nimi hnon anam elgom uboka ganya eb menegesuk.

MATIUS 28:8

Dara gelewa era, nimi dilinaʾ ak ara men berra lo birik. Anya lok gar-gadyaʾ uboka, eiyasa nang penya, Yesus alja yuba doro diriga ban nanga ulumekaʾ ak nekdo birik.

LUKAS 1:28

Wera lero era Maria gedyaʾ ek sam wekel yeiniboka, ”Wei perob, anak perob senelenggel gel o! Wenelesilnya bera anab neikaʾ ulurum,” hyok.

LUKAS 24:52

Sikda nidyaʾ Yesus ak gibgogoweekanya, hyak ei-eiya ganya boboka Yerusalem heikek yek.

LUKAS 7:38

Wera gel gera Yesus delemok ak sam alda weilik sekoka, engenaʾ gadyaʾ eboka, alja heng mekaʾ era Yesus adyaʾ yan sangak sam niniwoka, Yesus adya yan ak ara, alja hong edya heng mekaʾ luboka, giboka, perob ngiknaʾ mek era an yanek an yek golumok.

YOHANES 12:3

Ban salek enyek, Maria gedya hyak perob gen-gen songa ngikildan meka doboka, Yesus alja yan sang ak ngikemookanya, onoʾ alja hong adya lubumok dara, sikja e nera neik mek song ok gee alamok.

YOHANES 20:19

Dara onoʾ, al on minggu en men sum enyek seleb inimok dara, Yesus alja yuba doro diriga ban nang era, Yahudi nang enyek lok anasa, obsijek aboka pika gasa seregoka, hnonokaʾ ak longomek dara, Yesus ara albeyok sik gangganek sam gelelenga sekel yeilimok dara, sikenek, ”Maly, lok ganya bonggom,” aboka lebok.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

WAHYU 3:9

Dara nimi nidyaʾ bisaʾ dubnya Satan bedya bisaʾ mab silibaʾ ulumak nang era, Yahudi nang yokaʾ gom bok, sondaʾ anasa nunda Yahudi nang enyaʾ aldalamak nang era, nadya anjaʾ saramek sam yeiniboka gibgenokaʾ aboka unuwanok senen ganya enyek eleganesin. Anedya sikda, nara anak wanaʾ ulunggenaʾ ara gobdo ella danamak.