MATIUS 28:20 - PERJANJIAN BARU NALCA YUBA

²⁰ Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MATIUS 28:20 ပူးပေါင်းရင်းမြစ်များ

MATIUS 1:23

”Nenya mekaʾ dobnenggumeijaʾ goubenya gel gedya me boboka beibnamla dara, me nenedya si nera Imanuel, aboka sibnemak,” amok. (Imanuel ara Ibrani yub bok, nunja dara, Imik Neyung nub ulumab, alamak.)

MATIUS 13:49

Anasonya neikek, soko sidyaʾ daknamla sum era unuwanamla. Lero nang edya, nimi malya unaʾ unulumak nim eb, Imik Neyung ak pelemak nim eb, bokoka unuwanasak.

MATIUS 18:20

Anasa or hekmok ok, nadya si nemba leboka nimi penya nang gom, winilya nang gom, longolomak dara, nara sikeneblaboka ulumab,” hyok.

MATIUS 24:3

Wera Yesus ara Zaitun meinik biniboka bulumok dara, alja yuba doro diriga ban nang era alab neikaʾ sikbeyokaʾ yuba sabnobaʾ aboka yek. Dara sikda alak, ”Neyung o, nidyaʾ ban lelelamnya nera hek sum ek unuwanamlaʾ ak aboka neksilom,” hyek. Anya, ”Neyung, an yanalamaʾ beknaʾ dibaʾ ab, sidyaʾ daknamlaʾ beknaʾ ab dara, hek lok so beknaʾ ak lanawanamla do?” hyek.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

MARKUS 16:20

Dara, alja yuba doro diriga ban nang era, yok-yok moka biniboka, Imik Neyung ak ab perob yub era, lero yabalemek. Dara, sikja yuba lelemekaʾ ak, dib lelemak aboka, Wenelesilnya beneba neikaʾ aralasukaʾ adya, sikjaʾ yokaʾ-yokaʾ unulumekaʾ ara, beknaʾ dibaʾ ara laga dangalamok.

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

1 KORINTUS 11:2

Ugunda nak sobaʾ beklenulumukanya, nadya neklesin yub ek pe sunuwoka unululumaʾ anasa, nara ugunuk perob aboka gigilesin.

1 KORINTUS 11:23

Nadya ugunuk nekesisaʾ ara, nara Wenelesilnya bek ab domsaʾ ak nekesisaʾ ara an. Nunja Wenelesilnya Yesus bek obnemab aboka, yuba dil bilimok sum enyek, inimnek enyek, Yesus ara gwanenga dobok dara,

1 KORINTUS 14:37

Hnon nim era, ununumnaʾ lenaʾ damok migibaʾ ulunel gom, Imik Neyung Geisinya adya yok eleknaʾ elegenyok senemlya dara, wera nadya momnya doboka beillilamnaʾ anara, Wenelesilnya bedya oruknaʾ yub ara, an senewoka yo hulul.

KOLOSE 1:28

Dara, ban benyek, nunda nim ek neklesab. Nidyaʾ yok-yok geremseng adya wenewoka, neklesab ara, nimi yok-yok Kristus lomok unaʾ anyek munaʾ kabnok aboka unulumab.

2 TIMOTIUS 4:17

Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.

2 PETRUS 3:2

Nadya ugunuk unuwanasinaʾ ara, Imik Neyung adya geisa ununumnaʾ lelemek nang edya youmaʾ yuba ugunuk nekesikaʾ anyek pe seiniwoka ulululum, hnonda Imik Neyung yuba lenaʾ gak nang edya ugunuk neklesakaʾ anyek, nimi blebsinaʾ dubnya dangoka wenewanasil yub enyek bekoka ulululum.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.