MATIUS 27:42 - PERJANJIAN BARU NALCA YUBA

⁴² ”Nimi yok nim ek dara, merellilisil bok anasa, wera al damnya saaboka blebdamenggom! Alda aldib Israeli nim dubnya ululyebok dara, wera oboka glamak galak ab mereboka yinggilya enyek, nunda alak dib senewanamab.

MATIUS 27:42 ပူးပေါင်းရင်းမြစ်များ

MATIUS 2:2

Dara sikja, ”Yahudi nimi dubnya danamlaʾ ak beiyimla me nera, har sam beiyimla do? Nunda alja guraʾ lanawokaʾ ak eiyiboka, alak gibnemabaʾ anasa yeilimab bar,” aboka nim ulumekaʾ ak heiru yabalesik.

MATIUS 27:37

Dara Yesus oboka glamek gal dubuk alja huk dameijek ara, sikja sondaʾ amba yana kiboka omek mininaʾ yuba, ”Yahudi nim dubnya Yesus ara an e,” an momnya donaʾ enyek weboka elegemek.

MATIUS 27:40

Sikja wenyalamekaʾ ara, ”Imik Neyung e golowoka beibnyekanya, nadya dara, lika winilya ok sobnamna alalamnya benyaʾ! Anya, anda aldib Imik Neyung me ulumen dara, wera oboka glanjakaʾ al ab, buru beiya yinggimenekanya, saaboka blebdalom!” wenyaboka walamek.

MATIUS 27:41

Anasonya neneba, Imik Neyung yuba wa gakaʾ dub nang eb, yuba neksin nang eb, Yahudi dub nang eb dadyaʾ anaba, alak wenyaboka walamekaʾ ara,

MARKUS 15:31

Anasonya nera, onoʾ yuba wa gakaʾ dub nang eb, yuba neksin nang eb danaba, Yesus ak nauba derewoka walamek. Anya sik moumen, ”Nimi yok nim era nauba merellilisuk bok, al damnya dara, merebdamenggom!

MARKUS 15:32

Alda Israeli nimi dubnya, nimi blebsinaʾ dubnya bera, nunda alak eiyiboka dib senewanamab anasa, glabnaʾ gal ak abaʾ ara, sokok yinggulul,” aboka derelemek. Anya onoʾ ban penya oboka glasik nang edyaʾ anaba, alak derewoka walerek.

LUKAS 19:38

Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

LUKAS 23:35

Yahudi dub nang edya Yesus ak geklewoka derewoka walamek dara, anyagan seklemek nang era, ngolukdo seklemek. Walamek nang edya dara, ”Alda Kristus, nimi bleblulaʾ aboka, Imik Neyung adya aldib weboka domlya dara, yok nang ek seleb alja bleblesuk bok dara, wera al damnya saaboka blebdolul!” aboka lelemek.

LUKAS 23:37

”Anda aldib Yahudi nang dubnya ulumen bok dara, wera an damnya saaboka blebdalom!” aboka lelemek.

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 12:13

wera sikda nimi nauba yogul meklaʾ lebsalawoka Yesus ak eiya hlaboka pika dil biniboka alak giboka wenyalamek, ”Hosana! Wenelesilnya si amba yoknya, alak perobaʾ dangalalul! Israeli nimi dubnya bek perobaʾ dangalalul!” wenyaboka lelemek.

YOHANES 12:47

Nara sokok an yana lelelesununaʾ aboka yanggumsa, soko nimi blebsununaʾ aboka yeilimsaʾ anasa, nimi ben hnon heknedya nadya yuba keleladyok pe ununggulumla dara, nara alak yana lelewanggunumna.

YOHANES 9:24

Dara, onoʾ henga luma yeilimoknya bek yalom aboka youbomek dara, ”Ban ununggelnya benyek malya unaʾanya ulumla, ella ulumabaʾ anasa, henga luma denganggelaʾ anyek, anadya unel aboka Imik Neyung si ok giblom,” hyek.

RASUL 4:14

Bok, Yahudi dub nang edya dara, nonga heimokaʾ anyek, eikaʾ meremoknya bera, Petrus beb, Yohanes beb, neikaʾ oka seklemok anasa, yuba gomaʾ dangoka yuba sabnamenggom dangasuk.