MATIUS 27:2 - PERJANJIAN BARU NALCA YUBA

² Wera sikda Yesus ak gel heng adya goubeekanya, Roma nim dubnya Pilatus bek bo elegel byik.

MATIUS 27:2 ပူးပေါင်းရင်းမြစ်များ

MATIUS 20:19

Hnon ara, Yahudi gom nim ek doboka eleganamak. Dara, sikja alak derewoka waboka, saboka oboka, gal ak sam glabnemak. Bok winilinya sum era, alda embengaʾ suboka bukiyiwanamla,” hyok.

MATIUS 28:14

Dara, mok soko dubnya bera unuwak an yuba keblya dara, ugunuk yokaʾ ubsilyek aboka, nunja alak ara or-or uboka yuba seknesab,” hyek.

LUKAS 13:1

Ban neik sum enyek, yok nim edya Yesus ak Galilea nim ek Imik Neyung amba pam oboka giboka uka dalamek enyek, Pilatus bedya obsuk aboka nekek.

LUKAS 20:20

Anasa sikja dara, pewalya sum donok senewoka pik elemek. Wera anasa sikja dara, nimi pe unulamna nang eneso anyek deknaʾ deknesabaʾ anasa, ugunja Yesus ak sene hek hulul do aboka sunuru yabalelulum, henemab. Anadya beknaʾ danamla sum era, mok soko dub nang edya sikja migib lomok doboka eleganamab, senemek.

LUKAS 23:1

Yesus ak henga gouboka bo biniboka wekemek nang era, nidyaʾ sekoka Yesus ak doboka sikda dubnya Pilatus bek bo byik.

LUKAS 23:12

Dara al ban sum nong enyek, Herodes beb Pilatus beb, isaʾ nenebdangoka ulurekaʾ ara, neikaʾ ek nang dangoka hibdek.

LUKAS 3:1

Wera Tiberius bera senenggom wenesin dubnya ulumok salek, gibnaʾ meija dubukaʾ badya lebok. Ban salek danaba, Pontius Pilatus bera Yudea soko amba dubnya ulumok. Dara Herodes bera, Galilea soko emba wenesin dubnya ulumok. Anya Herodes alja hem Pilipus bek dara, Iturea mok eb, Trakhonitis mok eb damba, wenesin dubnya ulumok. Anya onoʾ Lisanias bek dara, Abilene mok emba wenesin dubnya ulumok.

YOHANES 18:12

Dara, Romawi yin bonaʾ nang eb sikjaʾ dubnya beneba, Yahudi nim edya Imik Neyung yub ek pe keeboka bo ulumek nang eb, Yesus ak soruka salawoka henga goumek.

YOHANES 18:24

Wera Yahudi yuba wa gakaʾ dubnya Hanas bedya, Yesus ara gasa heng gebman, Yahudi Imik Neyung yuba wa gakaʾ dubnya Kayafas bek bo bululum aboka orugosuk.

YOHANES 18:28

Wera hyak lugunaʾ nong anam gwelegel yabok dara, Yesus ak doboka yuba dubnya bek ara mok soko damnya Pilatus bedya senenggom ek bo byik. Yahudi nim era, sikja perob sum denaʾ denemek bok anasa, nimigumaʾ blekibyek aboka, nimi henga gereksin dub ek ara Yesus al neikaʾ weknenggumek.

RASUL 12:6

Wera, Herodes bedya Petrus bek ampum nimi hnoum yana lelewanamna aboka mabok sum enyek, Petrus bera gasa henga penya adya goboka, yin bon nang penya ulurek gangganek okan beiyimek. Dara onoʾ, henga gereksin ek pik sindamak ara onoʾ yin bonaʾ nang nimi penya nang welerek.

RASUL 21:33

Dara, senenggom yin bonaʾ dubnya bera Paulus be berem biniboka onoʾ gasa henga penya adya, henga gouboka, ubgogowoka dara, Paulus bek sam, ”Anda heknya do?” aboka heiboka, onoʾ ”Anda hek malya unaʾ ek unulum do?” aboka heimok.

RASUL 22:25

Bok Paulus bek legebnaʾ deboka obnobaʾ aboka ul yabek salek enyek, Paulus bedya oka sekemok yin bonaʾ anya bek, ”Roma heik yokaʾanya bok dara, alak yana lelenaʾ orok bok, legebnaʾ deboka obneseng de?” hyok.

RASUL 22:29

Dara, wene sab-sab enyek, Paulus bek heibnobaʾ umek nang era, mok so gokdongoro bek. Dara, dubnya beneba Paulus bera Roma nang bok, henga gouboka ulumab senewoka, lok ganya bobok.

RASUL 24:27

Seleb gibnaʾ penya lebgogomok dara, Perkius Festus benyek, Feliks be lunuwoka soko dubnya dangamok. Bok, Feliks bek dara, Yahudi nang perob senelemaknya nera unuwonun senewoka, alda Paulus bek heng goubnaʾ lomok lolomok.

RASUL 28:20

Anasa, nara ugunublaboka neikik eibdangoka mek yuba sabnemab senemsa. Anasa leboka, Israeli nang adya eimik yanamlakanya blebnesil anasa diri ulumabnya benesa, Yahudi nang adya dara, henga goubenyek,” hyok.

RASUL 3:13

Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

RASUL 4:27

”Aldib, wen ara Herodes beb, Pontus Pilatus beb, Wenelesilimnya o, yok soko yok soko nim eb, heik enyegan ulumak Israeli nim eb, seleb mamagoka, sikda anja geisa me Yesus bek anja nimi blebsinaʾ dubnya sekiyilumnya bemba, mala weboka obdanob aboka samek.

RASUL 9:2

Dara Saulus ganya enyek boboka, Yahudi yuba wa gakaʾ dubnya bek biniboka, Damsyik heikek Yahudi nim edya yuba don e dam nang amba, sikja nimi migiba geboka olosak momnya donaʾ anyek elegeinija enyek, Yesus ak dib senelemeija nang enyek, Damsyik heikek sam ulumeijaʾ ak eibnya dara, henga gouboka Yerusalem heikek bo yanasin senewoka dubnya bek molomok.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.

IBRANI 13:3

Wera yok igina dolomak nim ulumak sok, ambabya sikeneblaboka neikaʾ ulumnaʾ anasoʾ ganya enyek boboka, anda sikenek beklesilom. Anya, sik yok nim edya malya nenelesak nim ek, anda sikeneblaboka neikaʾ unulusinaʾ anasoʾ ganya enyek boboka, anda sikenek beklesilom.