MATIUS 27:19 - PERJANJIAN BARU NALCA YUBA

¹⁹ Wera Pilatus bera nimi yana lelesin ek anam bulumok salek, alja gel gedya momnya donaʾ beibukaʾ ara, ”Nara alsamba hnon omom so lendara enyek manabok anasa, anda malya unaʾ oroknya bemba yub enyek, neikaʾ denewoka sanaʾ ara mem loblom,” hyok.

MATIUS 27:19 ပူးပေါင်းရင်းမြစ်များ

MATIUS 1:20

Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

MATIUS 2:19

Yusuf bera anam Mesir sokok ulumok salek enyek, Herodes bera seleb somogok dara, Wenelesilnya bedya lero era Yusuf bek lendar dib yok.

MATIUS 2:22

Bok onoʾ, Herodes bedya yando me Arkelaus bera eilibe lunuwoka Yudea sokok sam dubnya dangoka ulumla an yuba kebok enyek, alda lok ganya boboka, Yudea sam banaʾ ara lobok. Bok onoʾ Wenelesilnya bedya lero edya lendar pik ab anaso unuwanalam aboka lebok dara, alda Galilea sokok sam leiboka byuk.

MATIUS 27:18

Pilatus bedya, ban wenyaboka leboknya nera, Yahudi dub nang edya Yesus ara sikja hman ganya boboka alak oboka dibnemab aboka doboka elegemekaʾ anasa, ella umokaʾ adya lebok.

MATIUS 27:24

Anedya Pilatus bera albeyok dookanya, yok nim era nauba adya, mem aboka yuba seknamen danggubuk. Anasa alda nimi hnoum laga meka doboka, alja soruka meka elekdangoka lebokaʾ ara, ”Ban somoganamlaʾ ara nadya huka bobnenggunumna! Nera ugunja huka borowolum!” hyok.

MATIUS 27:4

Dara Yudas bera, ”Nara malya unaʾ oroknya bek salyaʾ oblulum aboka yuba dibsaʾ ak, nara malya ubsa,” hyok. Bok sikda alak lebekja, ”Nera nunja de? Amba anjinya!” hyek.

LUKAS 23:41

Alda nuk dara, aldib nunja okoka malya ubnumaʾ amba sunuwoka usak. Bok alak dara, hyak malya unaʾ orok bok, oboka gal ak glabamak!” hyok.

LUKAS 23:47

Anyagan yin bonaʾ dubnya bera ban nidyaʾ unuwokaʾ anyek, okoka eibuukanya, alda Imik Neyung ak perob aboka giboka lebokja, ”Aldib, alda hyak pelelanya bek ulumla!” hyok.

YOHANES 19:13

Pilatus bedya ban unurub yuba kebok dara, Yesus ak seleb doboka bo gomek dara, Pilatus bera henga geregoka yana lelelesikaʾ ak, lagasa girik ekla bunaʾ ak, Ibrani yub adya dara, Gabata alamekaʾ ak bukumok.

RASUL 12:21

Dara, onoʾ yok sum orowek sumen unuwanamna aboka Herodes bedya gegemok sum enyek, Herodes bera sik senenggom dub nang akleng ongowoka, perob mek alakdobaʾ dub nang bun ekla bunaʾ ak bukoka, nimi nidyaʾ mamagiyiwoka, nara anyek unuwanamna aboka wenewoka lelemok.

RASUL 18:12

Wera onoʾ Galio bera, Akhaya moka dubnya ulumok sum enyek, Paulus bek malya lelemla aboka Yahudi nang adya bleklemeekanya, Paulus be nong ak henga goubuka yana lelesinaʾ ak sam bo bilimek.

RASUL 18:16

Wenyaboka Galio bedya Yahudi nang ak anyagan ara bo bululum aboka okoka yakasuk.

RASUL 18:17

Dara wenyek, sikja Imik Neyung e damnya Sostenes bek salawoka yana lelesinaʾ saramek ab olomek. Bok Galio bedya, nera alba eibnenggumla de senen dogom aboka ulumok.

RASUL 25:10

Bok Paulus bedya lebok ara, ”Nara alan Roma dubnya bedya meemok ak an seleb sekemna anasa, wera al anyagan yana lelewaneneseng. Nara Yahudi nang ek malya unaʾ usinaʾ orok ara, anda seleb eiyilam.

RASUL 25:17

Wera sikda anyagan yek dara, ampum so maboka gwelegok dara, maldabnaʾ loboka, men nimi mamagiyiwoka seleb longowek dara, Paulus bera men berra bo yanalum aboka orugeisisa.

RASUL 25:6

Wera onoʾ Festus bera, Yerusalem heikek ara li linbadya gom, sagobadya gom anaba, maldabnaʾ loboka, onsok Kaisarea heikek saawoka yeilimok. Wera ampum yenebok dara, Festus bera yuba longowoka sabnamab aboka umekaʾ seleb dara, Paulus bera anyagan doboka bo yoululum aboka orugosuk.

1 PETRUS 2:22

”Kristus ara malya unaʾ hyak mekaʾ hnon unggululanya bek ulumok. Dara onoʾ yok nim edya anyek sondaʾ lebokaʾ ara, alak ab hnon mekaʾ kebnenggumek.”

1 YOHANES 2:1

Najabo yab o! Ban momnya en ugunuk momnya doboka beibsinaʾ ara, ugunuk malya ubmunuk aboka ubsin. Bok, hnon malya umeibya dara, wera nunsamba arawoka sasinya ben hnon ulumlaʾ ara, nera Yesus Kristus pelelanya bek lebna. Aljaʾ Neyung bek malya unaʾ doboka bobogeisilom aboka mololesil.