MATIUS 27:11 - PERJANJIAN BARU NALCA YUBA

¹¹ Wera Yesus ara bo balamekaʾ ara, Yudea mok soko dubnya Pilatus bek bo byik. Dara, Pilatus bedya Yesus ak, ”Anak Yahudi nang dubnya ululam de?” wenyaboka heibok. Wenyek Yesus ara, ”Alan anja seleb lelam an,” hyok.

MATIUS 27:11 ပူးပေါင်းရင်းမြစ်များ

MATIUS 10:18

Ugunda nadya yuba donaʾ nang ulumnelumaʾ amba leboka, ugunuk heng geregoka senenggom soko dub nang ek hnon bo binisak. Wera ban unuwanasak salek, perob salek era anya anasa, ugunda nasamba hnon yuba sikenek nekoka, hnonda Imik Neyung ak elgom ulumak nim ek hnon neklemnelum.

MATIUS 10:25

Neklamna me nera, eilibe neklenanya beneso dan dara, anya arawoka wa welenanya bera, alja wa welenanya beneso dan dara, nera al seleb perob dangalamla. Sikjaʾ neyung benyek babya si Beelzebul aboka sibuk dara, wera nidyaʾ aljaʾ ek an ulumak nim era wanok,” hyok.

MATIUS 2:2

Dara sikja, ”Yahudi nimi dubnya danamlaʾ ak beiyimla me nera, har sam beiyimla do? Nunda alja guraʾ lanawokaʾ ak eiyiboka, alak gibnemabaʾ anasa yeilimab bar,” aboka nim ulumekaʾ ak heiru yabalesik.

MATIUS 26:25

Dara yuba dil binimokaʾ nongnya Yudas bedya, ”Neyung neklesilimnya o, anja wenyhelemnya nera nakaʾ gomaʾ senewan,” hyok. Wenyek Yesus adya, ”Anda alan seleb leblam an,” hyok.

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

MARKUS 14:62

Wenyek Yesus adya lebokaʾ ara, ”Benera na an! Nimi dibaʾ me nera imik migibaʾ ululanya bedyaʾ sirikek sam buknamlakanya, debaʾ ganggan pik uboka yanggalya dara, anda eibnelam,” hyok.

LUKAS 22:70

Dara nimi nidyaʾ wekemek nim edya, ”Anda wenyhelemaʾ anasa, wera anda aldib Imik Neyung bedya me ululam de?” hyek. Yesus adya sikenek, ”Alan ugunja lelum an,” hyok.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.