MATIUS 26:55 - PERJANJIAN BARU NALCA YUBA

⁵⁵ Dara Yesus adya nimi nauba anyagan alak obnobaʾ aboka yek nang ek, ”Ugunja dara, nara nim onaʾanya senewoka oldan gab ab doluknaʾ mal gal eb bo bo yeililum de? Dara, lika sobaʾ nara Imik Neyung e eremek sam neklesino bok, nak ara henga goubnenggulunulum!

MATIUS 26:55 ပူးပေါင်းရင်းမြစ်များ

MATIUS 21:23

Wera Yesus ara, Wenelesilnya bedyaʾ e eremek sam wekoka anyagan yuba anam neklesuk salek bok, Imik Neyung yuba wa gakaʾ dub nang eb, Yahudi dub nang eb dara yeiniboka, ”Ban nidyaʾ unululamaʾ ara, hek migib damok edya ululam do? Goma heknedya anaso unululom aboka wa nen elegajok do?” aboka heibek.

MATIUS 26:47

Yesus anam wenyaboka yuba salamok salek, alja obadya yuba doro diriga ban nang ben hnon, alja si Yudas beb, nimi yok nim nauba hnon, oldan gab eb doluknaʾ gal mal ab bomek nang edya, neikaʾ alablaboka yek. Wera nang dara, Imik Neyung yuba wa gakaʾ dub nang eb, mok soko dub nang eb dadya, orugeisik nang.

MARKUS 10:1

Dara Yesus ara anyaganyeb lanawoka, Yudea mok sokok abaʾ ara, Yordan meka gemek err sam mok sokok bilimok dara, al anyeganabaʾ nimi nauba alak longowoka aknel ganagal yeilimek. Dara Yesus ara on neklemok sok, alda sikenek yuba neklesuk.

MARKUS 12:35

Wera onoʾ Yesus ara anam Imik Neyung e erem pik yuba lelesuukanya, lero heibnesukaʾ ara, ”Yahudi yuba neksin nang edya, Kristus ara Daud bedya me alamaknya nera, harsonya nek lelemak do?

LUKAS 19:47

Lika sobaʾ Yesus ara Imik Neyung ek sam yuba lel eleklesuk. Bok Imik Neyung yuba wa gakaʾ dub nang eb, Imik Neyung yuba neksin nang eb, Yahudi sokok dub nang eb dadya, Yesus ak obnemab senewoka dulumek.

LUKAS 20:1

Yok sum enyek, Yesus ara Imik Neyung e eremek wekoka, Imik Neyung adyaʾ perob lero yanggan yuba nim ek lel eleklesuk enyek, Imik Neyung yuba wa gakaʾ dub nang eb, yuba neksin nang eb, Yahudi sokok dub nang eb dadya, Yesus ak yeiniboka,

LUKAS 4:20

Wera seleb dara, buku siklewoka Imik Neyung e wa wenaʾ amba wa bomoknya bek saaboka elegok dara, alda bukuk. Dara, nimi nidyaʾ Imik Neyung ek an bukumek nim edya heng mandebnaʾ era alak keeboka ngeklumek.

YOHANES 7:14

Yahudi nang perob sum anam mamagemekaʾ hnoumung bok, Yesus ara Imik Neyung ek wekoka anyagan yuba leb einiwousuk.

YOHANES 7:28

Dara, Yesus ara Yerusalem Imik Neyung ek sam anam lelesuukanya, yuba senenggomaʾ bii aboka lelemokja, ”Al dib, ugunja dara, nara ella ulunulum. Nara hekmok ebaʾ ak yasaʾ ara ella ulunulum bok, nara yasaʾ ara nabeyok salyaʾ ganya doboka yanggubsa. Bok, na bokol yanyoknya bera alda hyak dib nong ulumla. Ugunda alak elgom ululum bok,

YOHANES 8:2

Onoʾ Yesus maboka gwelegok dara, hyak lugunaʾ nong enyek, Yerusalem heikek Imik Neyung ek yeilimok. Dara, nimi nauba al damak mamagal yeilimek dara, alda bukoka, onoʾ Imik Neyung yuba sikenek lelesuk.

YOHANES 8:20

Yesus adya ban nidyaʾ wenyaboka lebokaʾ ara, Yerusalem heik Imik Neyung ek sam rupiah beillilimekaʾ ok berem sekoka lemok. Bok ban salek era, alak obnemek salek anam danggumokaʾ anasa, nimi hnon alak salawanggumek.