MATIUS 26:45 - PERJANJIAN BARU NALCA YUBA

⁴⁵ Seleb molobgogowok dara, Yesus ara onoʾ alja yuba doro diriga ban nang ek yeiniboka lebokaʾ ara, ”Ugunda dek-deka soboka or anam malum de? Nimi dibaʾ me nera malya unaʾ nim ek doboka eleganamak salek era, wera seleb oka dalaʾ anyek, kendululum.

MATIUS 26:45 ပူးပေါင်းရင်းမြစ်များ

MATIUS 26:18

Wenyek Yesus adya, ”Ugunda nauba heikek biniboka, nimi ben hnon eibmunya bek an, Nunjaʾ neksinya bedya leladya, yokaʾ dananel salek era oka dal. Anasa nara anja ek sam nasamba denaʾ youboka yuba doro diriga ban nang eb neikaʾ denemab, wenyamla, henelum,” aboka orugosuk.

MATIUS 26:2

”Li penya sum ublya dara, welenaʾ orok roti gwanenga den sum danamlaʾ ara, ella ululum. Anya nimi dibaʾ me nera oboka gal ak glabnokaʾ aboka doboka eleganemak!” hyok.

MATIUS 26:44

Wera onoʾ Yesus ara sik eib loboka li winilinya nera, Imik Neyung ak al neik yub enyek saaboka molowok.

MATIUS 26:46

Wera, binimabaʾ anasa, buklulum. Nak oblulum aboka yuba dil bilinelnya bera, seleb oka yanggalaʾ anyek, kendululum,” hyok.

MARKUS 14:35

Dara Yesus ara mek mok so biniboka, sokok eilib maboka, heng uboka mololomok. ”Wera or dara, ban salek era nak ab gomowolul,” aboka mololemok.

LUKAS 22:53

Lika sobaʾ nara ugunub neikaʾ Imik Neyung ek sam ulumouba bok, ugunda nak ara henga goubnenggunulum. Bok, gunaʾ migib anyek hyak perobaʾ dangoka yeiriwanamla sum geknewalaʾ ara wera ugunda an unul yabalum,” hyok.

YOHANES 12:23

Dara Yesus hnon lebok, ”Wera, nimi dibaʾ me nak imik nenewanamak salek ara seleb oka dal.

YOHANES 12:27

Wenera nadya ganya soldob menegoka ubnelaʾ anasa, wera hekaʾ ak lebnamna do? Neyung o, nak wene salek or blebnelom henemna de? Orok, al nenesa unuwonunaʾ aboka yeilimsa,” hyok.

YOHANES 13:1

Paskah sum era ampum so dok dara, Yesus ban sokok anara loboka, aljaʾ neyung bek binimok salek era oka dokaʾ ara ella ubok. Sokok an alja yuba dolomek nim ek sobaʾ wanaʾ ulusuk sok, onoʾ sirikaʾ daknamok sum eneba wanaʾ ubsuk.

YOHANES 17:1

Wera Yesus ara ban nen seleb wenyabgogomok dara, imik sam keeb weininggoka, Imik Neyung ak lebokja, ”Neyung o, unun salek era wera seleb laga dal. Anasa, Neyung o, anja me nedya anak si imik nenewogululaʾ aboka, albabya alja si nenyek wen imik nenewalom.