MATIUS 26:29 - PERJANJIAN BARU NALCA YUBA

²⁹ Ugunda banyek dib senelemnulum: Ban mek enera, nablaboka dara, hnon neikaʾ denggulumeibyaʾ moruwoka, ugunub neikaʾ neyung bedyaʾ imik heikek wekeibya sum enyek, hnonok neikaʾ denemab,” hyok.

MATIUS 26:29 ပူးပေါင်းရင်းမြစ်များ

MATIUS 13:43

Dara, alda Imik Neyung ak pelemak nim era, al sikjaʾ neyung bedya wenelemnesil heikek sam henga dingib lomnaʾ anaso ak ulumnemak. Anasa wera, heknya o yakaʾ ara pe keblul!” hyok.

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

MATIUS 18:20

Anasa or hekmok ok, nadya si nemba leboka nimi penya nang gom, winilya nang gom, longolomak dara, nara sikeneblaboka ulumab,” hyok.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 26:28

Ban eneng enera, Imik Neyung adya nimi nauba blebnamlakanya, sikja malya unaʾ era sikenek ab sobaʾ memelemnesil amokaʾ ara an.

MATIUS 26:30

Seleb unu debgogowek dara, sikda Imik Neyung bera hnonok sebeekanya, sikda Zaitun meinik sam byik.

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MARKUS 14:25

Nara ugunuk dib lebsin, Nak dara, ban anggur mek enera, denggulumnyaʾ moruwoka, wenyoknya, Imik Neyung bedyaʾ wenesin heikek sam ab, nara denemna,” hyok.

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

YOHANES 15:11

Nadya ei-ei ganya ara ugunja ganya ek ulumnesilikanya, ugunja ei-ei ganya bololumaʾ ara deknelesululaʾ aboka, ban nidyaʾ ara ugunuk lebsin.

YOHANES 16:22

Wen an lebnanya nera, ugunuk neik so danamla. Wen ganya engelelum bok, nara ugunuk onoʾ eibdeibya sum era, ei-ei ganya bolomnulum. Dara, ugunja ei-ei ganya ara yok nim edya ugunja ganya ek ab salyaʾ lolowoka dobnenggunusak,” hyok.

YOHANES 17:13

”Wene salek anak yanamna bok, nara sokok an anam ulumna salek enyek, sikenek ei-ei ganya, nak ulunel sok, sikenek deknewosululaʾ aboka, mololesin.

RASUL 10:41

Ban unumok ara, salyaʾ nimi gong ek amoro yibinggusuk bok, alda nuk Imik Neyung adya ban unuwan anyek lero yibinok senewoka weboka dosuk nim ek, nuk amasuk. Yesus ara seleb somoknaʾ ak ab, Imik Neyung adya embengaʾ suboka bukiyimok dara, nublaboka neikaʾ mek ab, gwaneng ab neikaʾ juba nang ak amasuk.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

WAHYU 14:3

Hnonda senenggom dubnya bedya ekla bunaʾ saramek ab, gamyakaʾ dombadya ab, onoʾ nonga kaboka wa borob nang eb, sikjaʾ saramek sam ara, ban empat ratus empat puluh ribu nang edya, wenyok bera doboka seblemek. Ban ber era yok nang edya dara, ella dangoka sebnenggunuseng bok, alda seratus empat puluh empat ribu nanga, sokok anyeb seleb dekoka blebsuk nang edyok, seblemek.

WAHYU 7:17

Wera domba me, senenggom ekla bunaʾ ak hnoum ululanya bedya, sik nong ara pe beiyiwoka bo ulumnesilikanya, alda embeng mek luk sam bo balamnesil. Anya wera, Imik Neyung adya sikenek ulusil heng mekaʾ nidyaʾ ara, lubnesil,” wenyaboka lebnyok.