MATIUS 25:40 - PERJANJIAN BARU NALCA YUBA

⁴⁰ Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MATIUS 25:40 ပူးပေါင်းရင်းမြစ်များ

MATIUS 10:40

”Heknedya ugunuk perobaʾ leboka dolosinya bera, alda anara nak dolonel. Anya nak dolonelnya bera, alda nak sokok bokol yeilinyoknya bek dolomla.

MATIUS 10:42

Heknedya alda nadya yuba doro diriga bannya ulumlaʾ anasa leboka, ban mek nim ek or mek dem ak eleklamla dara, eimik era ban nenesa leboka deknaʾ nauba dobnamlaʾ anyek, ugunuk dib lebsin!” hyok.

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 25:39

Hek sum ek Wenelesilimnya anda neiknaʾ salanjok gom, gasa ek sam henga geregoka beiyinjekaʾ ak eiyiboka, aranjuba do, wenyhenemak.

MATIUS 25:45

Wenyhenemak enyek, dubnya bedya sikenek lebnamlaʾ ara, Ugunuk dib lebsin, Ugunda ban unu hyak bonaʾ garan nim ek aranggululumaʾ ara, wera nera nak aranggululumaʾ ara an, wenyhenesil.

MATIUS 28:10

Wenyek Yesus ara sikenek, ”Ugunda lok ganya bonaʾ mem. Sikda nak eibnenyakaʾ anasa, na kabo nang era Galilea sokok binokaʾ aboka, wenyal bulululum,” hyok.

MARKUS 9:41

Nara ugunuk aldib lebnesin, Ugunda Kristus bedya yuba donaʾ nang uboka nadya si amba leboka, ben hnonja ugunuk meka gweboka eleganesil dara, alba deknamlaʾ ok,” hyok.

LUKAS 19:38

Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

2 KORINTUS 4:5

Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

EPESUS 5:30

Nunda Kristus adya nong ulumabaʾ anasa, unu diri bo ulusil.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 YOHANES 4:20

Nimi ben hnon leleladya, ”Nara Imik Neyung bek wanaʾ ulumna,” alaladyok, alkabo nim ek wanaʾ usinaʾ orok dara, alda sondaʾ lelelanya ulumla. Anasa wera, nimi ben hnon alkabo heng eillililanya benyek wanaʾ unaʾ orok dara, wera Imik Neyung heng eilinggululanya bek ara, alda hekaʾ huboka wanaʾ ubnamso do?

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.