MATIUS 25:34 - PERJANJIAN BARU NALCA YUBA

³⁴ Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 25:34 ပူးပေါင်းရင်းမြစ်များ

MATIUS 13:35

Ban unumoknya nera, youmaʾ ununumnaʾ lelemoknya bedya, ”Nara sikenek yuba lelemnesin dara, sununaʾ adya sunuwoka yuba lelemnamna; soko anam uyimok salek eb moruwoka, laga danganaʾ loboka doknelelanya nenyek, nara lero yabalamnamna,” amoknya nenyek gigiwoululaʾ aboka umok.

MATIUS 19:29

Nimi nidyaʾ nasamba leboka, alja e gom, al nang yilaʾ nengmabo gom, gelewa gom, genong neyung gom, memabo gom, wa masa gom, nasamba leboka loboka nak yalalanya bera, lunuwoka dengaʾ yubaʾ dombadya anaso dobnamla. Anya hyak sidyaʾ nong ara, eimik era embengaʾ ulmoubnaʾ damoka dobnamla.

MATIUS 20:23

Dara Yesus adya sikenek, ”Aldib, ugunda den dara, denelum. Bok alda ban benera sirikek sam gom, waneng ek sam gom, buknamla anaʾ ara nadya or wenyhenggunusin. Bok ban anyagan buknemak nim era, nadyaʾ neyung bedya albeyok buknemak senelamla nim ok lebnesil,” hyok.

MATIUS 21:5

”Anda Sion heikek sam, anjaʾ dubnya bera wera yanggal, henelam. Alda ganya sokok nenebdangoka, nimi mekaʾ abaknaʾ orokaʾ abaksin pam ek buka yalamla, henelam,” amoknya nenyek gigiwolulaʾ aboka ubok.

MATIUS 25:21

Dara wa damnya bera, an unumoknya wa pe bojam welemoknya bek an lebokaʾ ara, Anda hyak pewolum! Anda meknya neneba pe bojam welelamaʾ anasa, wera naubenya neneba or anak welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.”

MATIUS 25:23

Dara wa damnya bedya benyek an, Anda hyak pewolum. Anda nadya wa pe bojam uboka wenya bek ululam. Anda meknya nek bojam welelamaʾ anasa, wera nadya anak senenggomnya nek welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!

MATIUS 27:37

Dara Yesus oboka glamek gal dubuk alja huk dameijek ara, sikja sondaʾ amba yana kiboka omek mininaʾ yuba, ”Yahudi nim dubnya Yesus ara an e,” an momnya donaʾ enyek weboka elegemek.

MATIUS 3:2

Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok.

MATIUS 5:19

Anasa wera, heknedya ban momnya dobok yuba danyek, hnonok mekaʾ sibin bleklamla dara, anya yok nim ek ugumba anaso unuwolulum aboka wenelesil dara, bera Imik Neyung wenesin heikek ara hyak mek nongnya danamla. Bok alda heknedya yok nim ek anaso unuwanalum aboka nim ak neklesil dara, Imik Neyung wenesin heikek sam senenggomnya danamla.

MARKUS 10:17

Wera Yesus ara pikek balamok sab-sab, nimi be hnon bik-bikal yeiniboka, Yesus ak oumuwoka giboka alak, ”Neyung neksinya hyak perobnya o, nara hekaʾ hubnyaʾ adya, dib embengaʾ unaʾ ara dorowanamna do?” wenyaboka heibuk.

MARKUS 10:40

Bok, heknyek nadya sirikek sam gom, waneng ek sam gom buknamla anaʾ ara, nadya wenyhenggunusinya. Bok heknyek buknamlaʾ ara, benyek or buknamla senewoka, siksamba beillilisil nang enyek eleganasil,” hyok.

LUKAS 11:28

Bok Yesus adya dara, ”Nauba so ara, nim Imik Neyung yuba keboka pe unulumak nim enyek, hyak nauba pe ulumak!” hyok.

LUKAS 11:50

Anasa, Imik Neyung adya wen an ulumak nim enyek, men soko uyimok salek ebaʾ ara, ununumnaʾ lelemak nang olomeknya nenesa malya nenewoka obnesil.

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

LUKAS 19:38

Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 12:13

wera sikda nimi nauba yogul meklaʾ lebsalawoka Yesus ak eiya hlaboka pika dil biniboka alak giboka wenyalamek, ”Hosana! Wenelesilnya si amba yoknya, alak perobaʾ dangalalul! Israeli nimi dubnya bek perobaʾ dangalalul!” wenyaboka lelemek.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

YOHANES 19:15

Dara, Pilatus bedya Yahudi nim ek, ”Ugunjaʾ dubnya bera alan,” hyok. Bok Yahudi nim edya, ”Bo goblulum, bo goblulum! Oboka gal ak glablulum,” aboka lelemek. Dara, Pilatus bedya Yahudi nim ek, ”Nadya ugunja dubnya benyek oboka gal ak glabnun de?” aboka heibsuk dara, Yahudi yuba wa gakaʾ dub nang edya, ”Kaisar benyek ok nunja dubnya bera alan ulumlaʾ anasa, or oblulum,” aboka lelemek.

RASUL 15:18

Imik Neyung adya, men youmaʾ enyek, ban orowek lemoknya bedya ban wenyalamla,” hyok.

RASUL 3:26

Wera anasa leboka, Imik Neyung adya alja me Yesus sekiyiwoka, binilam aboka, ugunuk men youlul aboka, orugomok. Ugunda nidyaʾ malya unaʾ ganya dangiyiwoka ugunuk perobaʾ neniyiwousululaʾ aboka, youlul aboka orugomok,” wenyaboka Petrus bedya lebok.

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

1 KORINTUS 15:50

Hemyab o, nadya ban wenyhenya nera damok ara banasa lebna. Nunja nong eneng ab ara, Imik Neyung wenesin heikek wekel binggunumab. Dara onoʾ, nunja somoknaʾ nonga ulumabaʾ anara, pe ulmoubnaʾ damok nonga danggunumla.

1 KORINTUS 2:9

Alda saawoka, Imik Neyung yuba momnya dobok sok ara, ”Yokaʾ-yokaʾ nim adya henga eiyiwoka o kenggulumaknya nera, onoʾ nimi ganya adya seininaʾ lanenggulumlaʾ hnon nenyek, Imik Neyung adya, sik alak wanaʾ ulumak nim emba memesuk.”

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

GALATIA 5:21

hman ganya boldanaʾ ab, yu meka deregoka ganya uu anaʾ ab, bera seboka eiya hlan malya unaʾ ab, anasonya nidyaʾ ara malya unaʾ ak ulumla. Nimi ban malya unaʾ enyek nauba unuru yabalamak nang era, Imik Neyung mab adya misaʾ hnon dobnenggunumak aboka, youmaʾ hnon seleb nekesisaʾ ara, onoʾ saawoka sumen hnon neksin.

EPESUS 5:5

Ugunda ban nong anyek pe beknelumaʾ ara, Nimi gela salyaʾ salalamak nang eb, malya unaʾ hwam ok ulumak nang eb, hman ganya bonaʾ ara, bisaʾ gibnaʾ anaso dangalamlaʾ anasa, ganya en bolomak nim eb dara Kristus ab Imik Neyung ab dadya wenewoka bo ulusirik sokok nimi mekaʾ danggunumak.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

2 TIMOTIUS 2:12

Nunda pe ganya kaboka siklewoka ulumeibya dara, nunda eimik era, alab neikaʾ dub dangoka wenelemnemab. Nunda alak numba elgomnya alameibya dara, eimik era alba nuk anaba, nab elgom nimi henesil.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

IBRANI 11:16

Bok wenera sikda hyak perob heik hnonok ok ubsibya senelemakaʾ ara, imik heik ok ulumla. Anasa Imik Neyung ara ban hnonok heik era siksamba meewoka solosilaʾ anasa, Imik Neyung ak ara sikja Imik Neyung aboka si silimneseng dara, alda alya dabnenggunumso.

IBRANI 4:3

Bok nu wen an Imik Neyung ak dib senelemab nim era, ban dek-deka sobnelum wenyhesukaʾ ara, dolomab. Ban unulumabaʾ ara, al Imik Neyung adya ban lebok sok, Nara yu ganya boboka waboka laga dib unuwanasin hesaʾ ara, ”Nadya deregoka pe dek-deka soboka ulumnaʾ ak ara, sikda hyak weknenggunumak,” hyokaʾ ara sunuwoka nuk unulamla. Imik Neyung ara anaso wenhyok bok, alda alja wa nera, soko anam uyiwok salek enyek moruwoka seleb webdakok.

IBRANI 9:26

Kristus anyek sobaʾ saam-saam aboka beildal balamso dara, wera soko anam uyiwoka wek mouruwoka liga gong somokdibigemnamso. Bok wenera alda lika hnonok munaʾ gobdo malya unaʾ amba aboka, al nong anyek wene salek era dib somogok.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

1 PETRUS 1:9

Dara, ugunja yuba dib senenaʾ nong anyek gigiwoka pelesilaʾ adya, wera ugunja ganya blebsinaʾ nong ara dib dololum.

1 PETRUS 3:9

Ugunda naba malya ubnelaʾ anasa, alba malya ubnun senewoka malya unaʾ moumen dirigeldanaʾ ara mem. Bok saawoka, alda Imik Neyung perobaʾ nenelesilom aboka mololdalalulum. Imik Neyung adya ugunuk yoululum aboka youbsukaʾ ara, anaso perob unaʾ enyek unuwoka onoʾ perobaʾ dobnokaʾ aboka ubsuk.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 17:8

Ban yok yu nongaʾ eiblamaʾ ara, men dara ulumok bok, wenera unggulumla. Bok, alda somoknaʾ gweren selengaʾ lomok ab gobnamlakanya, onoʾ somoknaʾ ak sam binimla. Soko an anam uyiwanggom enyek, sikja si embengaʾ un buku lomok momnya dobnenggubsuk nim era, ban yokaʾ yu nongaʾ ara, men ulumok bok dengamokaʾ ara, onoʾ lanawanamlaʾ anyek eibnemak dara, hyak lokja senewoka ganya omom uboka loka dabnesil.

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.

WAHYU 21:7

”Nimi malya unaʾ ak ab oblamaganalanya bera, ban lebnaʾ nidyaʾ eleganesinaʾ ara, dobnamla. Nara alja Imik Neyung danamna dara, alda nadya me danamla.

WAHYU 5:10

Anya anda sikinek hyak senenggomaʾ wenewoka bo un heik nang nenewousulumukanya, nunja neyung Imik Neyung amba sikda yuba wa gak nang dangiyiwousulum. Anasa sokok anera, sikda dub nang dangoka wenelemnesak,” wenyaro seblemekaʾ ak eibsa.