MATIUS 25:30 - PERJANJIAN BARU NALCA YUBA

³⁰ Anya ban meilinya bera gunaʾ ak sam doboka bobogolulum. Dara an unu boboganamlaʾ ak ara, nauba engewoka si glengdarreb aboka gweklemnamla! wenyamok,” hyok.

MATIUS 25:30 ပူးပေါင်းရင်းမြစ်များ

MATIUS 13:42

Wera sikda nidyaʾ henga gouboka uk bokaʾ ok delmorulamla ukuk sam sikinek uka dabnesil dara, sikda nidyaʾ ara engewoka si glengdarreb aboka gweklemnemak.

MATIUS 13:50

Dara, malya ulumak nim era, sarangnaʾ orok uk hinek sam doboka boboganasak. Dara anyagan malya ulumak nim era, nauba engewoka si glengdarreb aboka gweklemnemak,” hyok.

MATIUS 22:13

Dara dubnya bedya alja wa wenaʾ nang ek, Wera ugunda ban benyek alja yana soruka henga gouboka hyak gunaʾ nong ulumla ak sam bologol binilum. Dara alda anyaganyeb nauba engewoka si glengdarreb aboka gweklemnamla,” ara Yesus adya wenyhusuk.

MATIUS 24:51

Yanamlakanya, wera ban malya uboka wa welelenya bera, malya uboka saboka obnamlakanya, sene bol nenenaʾ hwam nim hnoum boboganamla. Dara, malya unaʾ nim eb neikaʾ engewoka si glengdarreb aboka nauba gweklemnemak,” aboka Yesus adya wenyhusuk.

MATIUS 3:10

Gal ara yarenga lelewoka weboka uka dabnamna senewoka orowek ya beibuk. Gala nidyaʾ perob doka mounggulumla gal era, weboka uk ak boboganamla,” hyok.

MATIUS 5:13

”Ugun nong ak dara, sokok garam ululum! Garam ara angawom anaʾ anyek denghen dara, onsok saaboka angawom henemso de? Perob gom anasa, nim adya bobogoka yan ingib sabneseng.”

MATIUS 8:12

Bok, alda Yahudi yokaʾ nim ara, gunaʾ senenggomaʾ ulumla heik sam doro boboganasil. Dara gunaʾ heikek ab, nimi dara, nauba soloma daboka engewoka si glengdaralamnemak,” hyok.

LUKAS 13:28

”Wera ugunda Abraham beb, Ishak beb, Yakub beb, nidyaʾ ununumnaʾ lelemek nang eb, neikaʾ hiboka Imik Neyung wenesin heikek sam eiya hlaboka denaʾ delemnemakaʾ ak eibnelum bok, ugunuk dara, seleb yakasilyaʾ anasa, ugunda engewoka nauba glengdaralemnelum!

YOHANES 15:6

Heknedya nablaboka kwebdangoka unggulunam dara, gal soruka diboka bobogamna ek mekemnaʾ anaso ulumla. Ban anaso soruk ara, neikaʾ ak mamagoka uka dalamak dara, uka delemla.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

2 PETRUS 2:17

Ban malya uboka, yuba bobnenewoka neklesak nang era, dalalamla mek lu nenesoʾ ak uboka, debaʾ ak kaboʾ adya doluwoka bolgoklamlaʾ anaso nang ek ulumak. Ban unu malya ulumakaʾ amba dara, siksamba Imik Neyung adya hyak gunaʾ nong oulyang ak seleb meewoka beibsuk.

YUDAS 1:13

Sik nong ara, nauba mek gwanek lo saawoka elilamla sokaʾ ak ulumaakanya, sikja alya usinaʾ ara, mek elilamlaʾ adya bolgamalaʾ bouruklamlaʾ anasoʾ ak ulumla. Hnonda, sik nong anaba, salyaʾ eini yabalamla guraʾ ara, gunaʾ lomok sam dengalamlakanya, gunaʾ lomok ulmorulamla sok ulumak.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.