MATIUS 24:29 - PERJANJIAN BARU NALCA YUBA

²⁹ ”Dara yokaʾ-yokaʾ nidyaʾ igin kwesinaʾ ara, seleb unubgogowanamla dara, eimik nong ara, Henga ara gunaʾ danamlakanya, walaʾ ara dilinaʾ yebnenggunumla. Guraʾ ara imik ab uboka sokok sam daka yingginimlakanya, imik sam ulumlaʾ migiba yakaʾ nidyaʾ ara dolubdangoka malya nenewanamla.

MATIUS 24:29 ပူးပေါင်းရင်းမြစ်များ

MATIUS 24:21

Ban yokaʾ-yokaʾ unuwanamlaʾ okna danamla sum era, hyak yokaʾ-yokaʾ nauba danasilaʾ damoka lanawanamlaʾ ara, soko uyimok salek ebaʾ ara wen hnon lananaʾ oroknya nek lanawanamla. Dara onoʾ eimik era, nenesonya nera hnon sounuwoka lanawanggunumla.

MATIUS 24:8

Ban nidyaʾ ara unuwanalabok, nera men eininaʾ dibaʾ, gela me bomnaʾ ak me juga gweklamla sok ak, unub einiwanamla.”

2 PETRUS 3:10

Bok Imik Neyung yanamlaʾ ara, nim edyaʾ hokaʾ dolomak nimi gelelenga yabalamak sok uboka yanamla. Imik Neyung yanamla sum era, im ara liming yub adya iriri aboka joboka denghenemla. Imik sam yokaʾ-yokaʾ ulumlaʾ ara dengaboka uka denemla. Soko ab yokaʾ-yokaʾ nidyaʾ dubuk sam ulumlaʾ dengaboka orok danamla.

WAHYU 8:12

Dara onoʾ dom lero era alja benggonga lel yabok enyek, henga ara darasam soldowookanya, walaʾ ab guraʾ ab dara, joboka, winilyaʾ yok-yok geboka, darasam hnonda gobdo gunaʾ ok dok. Dara, yubyek eb, inimnek eb dara, yok-yok naubaʾ winilya geboka, darasam hnonda gunaʾ ok dangoka ubmoruwok.