MATIUS 23:8 - PERJANJIAN BARU NALCA YUBA

⁸ ”Anasa ugunuk dara, ugunjaʾ neksinya bera hnonok ok ulusilekanya, ugunda nidyaʾ hiboka, hemyab ok ululumaʾ anasa, neksin nang aldanaʾ ara mem.

MATIUS 23:8 ပူးပေါင်းရင်းမြစ်များ

MATIUS 10:25

Neklamna me nera, eilibe neklenanya beneso dan dara, anya arawoka wa welenanya bera, alja wa welenanya beneso dan dara, nera al seleb perob dangalamla. Sikjaʾ neyung benyek babya si Beelzebul aboka sibuk dara, wera nidyaʾ aljaʾ ek an ulumak nim era wanok,” hyok.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 23:10

Ugun bo usinya bera hnonok ok, Kristus, Imik Neyung adya soko nim blebnamla amoknya bek hnonok bo usinya ulumlaʾ anasa, ugunja dara, nuk bo usin nang aldanaʾ ara mem.

MATIUS 23:7

Hnonda, senenggom deknaʾ gasaʾ ak ara, Neyung neklesilimnya, perob aboka giblesinok senewoka, nim hogung dibnelewoka sekdo yabalamak.”

MATIUS 26:25

Dara yuba dil binimokaʾ nongnya Yudas bedya, ”Neyung neklesilimnya o, anja wenyhelemnya nera nakaʾ gomaʾ senewan,” hyok. Wenyek Yesus adya, ”Anda alan seleb leblam an,” hyok.

MATIUS 26:49

Wera nang dara yalamekaʾ ara, Yesus ulumokaʾ ak yek dara, Yudas bera Yesus ak biniboka lebokja, ”Neyung neklesilimnya o, perob aboka gibgen,” wenyaboka uruma meka hmoboka gibok.

MARKUS 10:51

Dara Yesus ara heng lumnya bek, ”Anja dara, hekaʾ hubnulul senelam do?” wenyaboka heibuk. Wenyek alda Yesus ak, ”Neyung neklesilimnya o, nara henga gwelegoka eibsinya senemna!” hyok.

MARKUS 11:21

Wera danyek Petrus bera ampum so anyek seleb lemokaʾ, anyek seiniwoka, alda Yesus ak, ”Neyung neklesilimnya o, wera kendelom! Ampum anyek anja malya dalom amom gal era seleb yalawo!” hyok.

MARKUS 14:45

Anasa alda anyagan seleb yok dara, alda men Yesus ak biniboka, ”Neyung neklesilimnya o!” hyookanya, uruma meka hmobok.

MARKUS 9:5

Wenyek Petrus bedya Yesus ak, ”Neklesilimnya o, nunda anyagan ulumabaʾ ara, hyak perob nong e. Anasa perob, nunda anyagan e lubna winilya, hnonda ansamba, hnonda Musa bemba, hnonda Elia bemba sobnemab,” hyok.

LUKAS 22:32

Simon o, anja dib senewoka ganya oloklelamaʾ anyek, goowoka denghegelyek aboka, nara ansamba heng uboka mololenggen. Anya anda nak saaboka yanalamaʾ seleb dara, anja weisab enyek sikja ganya migiba geb eleganesilim,” hyok.

YOHANES 1:38

Yesus al kemel samalamookanya, al weilik sam yalarekaʾ eibuk dara, wenyhusuk, ”Ugunda hekaʾ aboka do?” hyok. ”Rabi o, anda har sam malalam do?” arek. (Rabi ara nunja yub era, neklesilimnya aboka lerek).

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 11:8

Bok, alak diriga ban nang edya dara, ”Neklesilimnya o, eijanok Yahudi nang edya girik adya obgenobaʾ aboka ulunjongok sam ak anasa, anja dara or mok enyek an binob senelam de?” hyek.

YOHANES 20:16

Dara, Yesus adya Maria gek, ”Maria o,” hyok. Wera danyek, Maria gera dangawoka, Ibrani yub adya, ”Rabboni o,” hyok. Rabboni nunja yub era, neklesilimnya alamla.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 3:26

Dara, hnon nang ara Yohanes Pembaptis ak biniboka, ”Neyung neklesilimnya o, anab neikaʾ Yordan mek inik ulurumukanya, nuk amasulumnya bera, wera albabya nimi meka dalasilikanya, nimi nauba alak mamagal balamak,” hyek.

YOHANES 4:31

Wene salek enyek, alja diriga ban nang edya, ”Neyung o, wera or denaʾ seleb ulumlaʾ anasa, wera or del yabalom,” aboka alak dukaʾ lolom-lolom alamek.

YOHANES 6:25

Dara sikda nimi gong dara, eer bindiwoka Yesus ara mek gemek ok an ulumokaʾ eiyimek dara alak, ”Neklesilimnya o, anda hek sum ek anyagan yeilimom do?” aboka heibek.

YOHANES 9:2

Dara, Yesus yuba doro diriga ban nang edya Yesus ak, ”Neyung neklesilimnya o, ban nenera hekasa anam beibek salek ebaʾ moruwoka henga lum ubmoruwok do? Nera damok ara alja malya unaʾ edya gom, aljaʾ genonga neyung adya sikja malya unaʾ edya ubok gom?” aboka heibek.

2 KORINTUS 1:24

Dara, ugunja dib senelelumnya nek, nuk dara, oruksin nang ulusinob senenggulusab. Ugumbeyok dib senelelumukanya, kaboka ululumaʾ anasa, nuk dara, ugunuk eiya ganya bon danasa, arasin nang ulumab.

2 KORINTUS 4:5

Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

EPESUS 3:15

Ban Imik Neyung enyek anyeb, alja mab imik ulumak nim eb, sokok sam ulumak nim eb dara, alja si nidyaʾ munaʾ gobdo ella dangoka dolomak.

PILEMON 1:16

Wenyek dara alda ek wa wenya dangoka unaʾ ok unggululabok, alda perob wa wenya be hnon ulumla. Alda wera hnonda Imik Neyung yuba dolomabaʾ wanaʾ ulumabnya bek hnon ulumla. Alda wenera nak dara, nadya wanaʾ hemnya ulunelekanya, dara onoʾ anak dara nauba so wanaʾ ulunggel! Anasa alda wera nunjaʾ oruknaʾ wa wen danaba perobaʾ ak ulumlakanya, onoʾ hyak nauba ara Wenelesilnya bedya wa wenaʾ anaba hyak perobnya bek ulumla!

YAKOBUS 3:1

Na kabo nim o! Ugunda banyek ella danalum, yok nim era or mek so bok, nunda neksin nang dangalamab nang enyek, eimik era hyak gasaʾ anyek nauba yana lelewanasil bok anasa, nauba neksin nang danamab senenaʾ ara mem.

1 PETRUS 5:3

Ugunja nim enera, bo ubnelum aboka elegeisik nim ek ara, ugunja dara, senenggom dub nang edya ununaʾ enyek ununggom, mem; alda sikja ugunuk diliwanesijenya nenyek unulululum.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 22:9

alda nak lebokja, ”Anaso ununggom, mem! Nara an soʾ ak uboka, anjaʾ hemyab ununumnaʾ lelemek nanga hnon, onoʾ nimi nidyaʾ ban buku enyek an momnya dobok yub ek dib senewoka ulumak nang enesonya. Alda Imik Neyung ak ok hnonok gibnelam!” hyok.