MATIUS 23:4 - PERJANJIAN BARU NALCA YUBA

⁴ Sikda iginnya nenyek, nimi yok nim ek bol dilimak bok, sikja dara, uruma anaba mekaʾ donaʾ orok.

MATIUS 23:4 ပူးပေါင်းရင်းမြစ်များ

MATIUS 23:23

”Ugun unuwanalum an yuba neksin nang eb Parisi nim eb dara, hyakaʾ omom nongaʾ ak ululum! Ugunda hyak or-or unaʾ hwam nim ek ululum. Masa dokoka youlumakaʾ digumaʾ song meklaʾ, gourumnaʾ, doknaʾ meklaʾ ara, sagenya nera Wenelesilnya bek bo beil balalumjok, Imik Neyung yub ek sam momnya dobokaʾ ara, pe seiniwoka unaʾ ab, angoo yadyek senenaʾ ab, bojam unaʾ ab, dara dib nong bok, ugunja dara dolbaleka geblelum. Ban dibnya unulumnesomokanya, yoknya neneba lobnenggunusom.

MATIUS 23:3

Anasa wera sikja yuba lelemakaʾ ara pe keboka nidyaʾ unulumnulum bok, sikja unulumak ununaʾ nong era, sikja yuba lelemakaʾ sunuwoka ununggulumakaʾ anasa, ugunda sikja diligaʾ donaʾ ara mem.

LUKAS 11:46

Yesus adya benyek lebokaʾ ara, ”Ugun yuba sunuwoka yana lelelelum nim anaba, hyak omom nong nim ek ululum! Ugunja dara, iginya nek hnon, okna nongnya nenyek, yok nim ek eleklelum bok, ugunja dara, hnon mekaʾ aranggulusulum.

RASUL 15:10

Nun nong ab, nunja neyung yab eb dara, Imik Neyung adya eleklesuknya nenyek unuwamenggom ara, pe ununaʾ orok ulumouba bok anasa, ugunda hekasa ban Yesus yuba doro diriga ban nang ek, an hyak senenggomaʾ kweillililum do?

RASUL 15:28

Ugunuk sam nauba senenggom igin yakaʾ enyek kweiyiwoka ubsilyek aboka, Imik Neyung adya Geisinya beneba hnon, onoʾ nunjaʾ anaba, nera ugunuk ubsilyek aboka, alda ban nenyek unuwanasengnya nera ban ulumla an:

GALATIA 6:13

Nimi bolaʾ garalasak nang eneba, Yahudi nim emba unuwanalum an yub ek momnya dobokaʾ ara, nidyaʾ pe sunuwoka ununggulumak. Bok sikja dara, ugunda sikja unulumakaʾ anyek gigiwalya dara, nunja yuba keboka unulumak senewoka nonggo henobaʾ aboka, ugunuk bolaʾ garawanok senelesak.

1 YOHANES 5:3

Anasa wera, Imik Neyung ak wanaʾ ulumab dara, nunda alja oruklesil yub ek pe keboka unulumab ok. Dara, ban oruklesil yub era nunsamba igin nong unggulusil.

WAHYU 2:24

”Bok ugun yok nimi Tiatira heikek ululum nim era, ban malya unaʾ yub ek sunuwoka ununaʾ loboka, Satan bedya hyak lomok so unuwanalum alalanya nek ara einiwoka ella danganggululum nim ek lebsin. Ugunuk an hekaʾ ulusilaʾ anyek, pe salabmoubuka ulumunaʾ moruwoka na yanamna. (Nara anak an yok igin yakaʾ ara hnon eleganggununggen.)”