MATIUS 23:34 - PERJANJIAN BARU NALCA YUBA

³⁴ Anasa pe keblulum. Nara eimik era ugunuk sam ununumnaʾ len nang eb, geremseng un nang eb, yuba neksin nang eb bokol yanasin dara, hnon nim era ugun nong adya obnelum, dara onoʾ hnon nim era oboka gal ak glabnelum. Hnon darasam nim era ugun Yahudi nim edya yuba don ek sam ab malya nenewoka saboka olomnelum, onoʾ yok nim era ugunja hnon heikek abaʾ ara doboka obgiga yok heikek sam doboka ora doblemnelum.

MATIUS 23:34 ပူးပေါင်းရင်းမြစ်များ

MATIUS 10:23

Ugunda yok heikek ab, yana lelewoka obnesak dara, men yok heikek berra binilum. Nara ugunda ban dib lebnesin, Ugunda Israeli nim ulumak heikek nidyaʾ ara, anam kemero yibinggumun salek, nimi dibaʾ me nera men yanamla.”

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

MATIUS 23:31

Bok ugun dam nang adya, ununumnaʾ len nang obek nang yilaʾ era nunda an ulumab aboka, laga leldalalum!

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 20:21

Dara onoʾ, Yesus adya saaboka lebsukja, ”Maly, lok ganya bonggom. Neyung bedya nak sokok sam bokol yeilinyok sok, nadya ugunuk Imik Neyung yuba lero balalulum aboka boksin,” hyok.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

RASUL 11:27

Dara ban salek enyek, ununumnaʾ lelemek nang era, Yerusalem heikek ab ara Antiokhia heikek wenebadya nang yeilimek.

RASUL 12:2

Dara al onoʾ Herodes bedya orugosuk adya Yohanes bedya alja weis Yakobus bera waren gabo adya omek.

RASUL 13:1

Antiokhia heikek Imik Neyung yuba donaʾ nim ek ara, ununumnaʾ lelemek nang eb, nimi yuba neklesik nang eb, nauba ulumek ara nang era, Barnabas ben hnon, bokaʾ mirinya aboka geklewoka silimeknya Simeon ben hnon, Kirene mok ebnya Lukius ben hnon, Herodes beblaboka neik salek nereknya Menahem ben hnon, Saulus be hnon, ulumek.

RASUL 14:19

Dara onoʾ danyek, Yahudi nang edya wene nang Pisidia moka Antiokhia heikek ab hnon, Ikonium heik ab hnon ara, Listra heik yeilimeekanya, wenewoka lelesik adya, nimi nauba ganya dangawoka Yahudi nang ek sam makal bilimek. Wera sikda heik enyegan nang era, Yahudi nang eblaboka neikaʾ hiboka, Paulus bek girik adya saboka oboka, eremek weilik sam bologol bilimek. Sikja dara, Paulus bera seleb somogamla senemek.

RASUL 15:32

Wera Yudas beb Silas beb dara, Antiokhia heik ubdaboka, al sik nong ara ununumnaʾ len nang ulurek adya wera, Antiokhia heik sikja hemyab ek ganya migib geboka, onoʾ pe wenewoka pe ululum aboka ganya kayiwoka lelesirik.

RASUL 5:40

Gamaliel bedya ban wenyaboka wenewosuk dara, Yahudi nang edya henga gereksin dub nang era, dib aboka perob hyek. Dara, sikda Yesus adya yuba lenaʾ gak nang ek, ek wekel yoululum aboka ebiniboka, legebnaʾ deboka legewoka, ”Wera ugunda Yesus si adya nimi yok nang ek nekdo yabanaʾ ara lobnelum,” aboka wenyaboka lebgogosik seleb dara, sikenek henga losik.

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

1 KORINTUS 3:10

Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.

KOLOSE 1:28

Dara, ban benyek, nunda nim ek neklesab. Nidyaʾ yok-yok geremseng adya wenewoka, neklesab ara, nimi yok-yok Kristus lomok unaʾ anyek munaʾ kabnok aboka unulumab.

1 TESALONIKA 2:16

Orokaʾ anaba nunja Yahudi gom soko nim ek, nimi blebsin Imik Neyung yuba leb elegeisinobaʾ ulumna enyek, sikja pika garawoka malya nenelesik. Wera ban unulumakaʾ adya, Yahudi nimi malya unaʾ ara nauba dangoka einildaknaʾ okna dangalamla. Anya wera sikda Imik Neyung adya yu ganya boboka obnesin senelamla.

IBRANI 11:37

Sikda girik adya olosik, sik nong ara gal erenaʾ adya garalesik, yina mal adya olosik. Sikda domba pam ab, kambing pam bokaʾ adya boksom ok ongowoka dongolomek dara, gwaneng okaʾ ab, weiningdangoka, anya igina nauba dolomek.

WAHYU 11:10

Dara nidyaʾ soko anam ulumeija nim era, ban penya ununumnaʾ len nang emba, sikenek malya nenewoka ol neblesirijaʾ anasa leboka, wera sikenek pewarek aboka eiya hlaboka, ganya heknaʾ dibaʾ ak hnon, elegeldalamnamak.